Asomafoɛ 14:21 - AHYERƐLƐ KRONGRON

²¹ Na bɛhane nzɛmba ne behyirele kuro berɛ ama, ná benyane asuafoɛ pee nen, afei besa bɛhɔle Lisetra, Yikoniom ne Antiokia,

Asomafoɛ 14:21 Iomraidhean Croise

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Asomafoɛ 13:14

Nakoso bɛ de, befili Pɛɛga, na bɛbɔle hwii bɛwale Antiokia bɔ ɔwɔ Pisidia; na afofikyẽa dwuli nen, bɛhɔ bɛɛtenane ase wɔ nyianu sua nu.

Asomafoɛ 13:51

Na asomafoɛ nyɔ ne poroporole bɛ gya kunu mvuture beguale berɛ betiale bɛ, na besili nu bɛhɔle Yikoniom.

Asomafoɛ 14:1

Na ɔwale kyɛ Yikoniom koso, bɛ munyɔ bɛhɔle Yudafoɛ nyianu sua nu, na kyɛbɔ besi bedwudwole ne, ɔmane Yudafoɛ ne Helafoɛ pee bele belili.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:26

Na befili berɛ bɛfale ɛlɛen bɛwale Antiokia, nekaa bɔ bɛfale bɛ bewurale Nyameɛ adom ne sa bɛmane adwuma bɔ bayɔ bayie ne.

Asomafoɛ 14:6

Na bɛtele sɔ dwirɛ nen, bɛnwati bɛhɔle Lisetra ne Dɛɛbi bɔ bɛwɔ Likaonia, ɔne nguraa mɔ bɔ bɛwɔ berɛ nemɔ aso,

Asomafoɛ 14:7

na bɛhane nzɛmba ne wɔ berɛ.

Asomafoɛ 14:8

Né biaa bie wɔ Lisetra, opofo aseɛnwo, bɔ ɔngora ngyina ye gya so ɔ. Bɛwole ye bubuaniɛ, na né ɔnnatele le.

Asomafoɛ 15:36

Ngyẽa kãa asi ne, Pɔɔlo sele Banaba kyɛ, “Maa yɛsa yɛɛsra aliɛmaa mɔ bɔ bɛwɔ kuro biala bɔ yɛhane Awurade dwirɛ ne wɔ so ne, na yɛnea kyɛbɔ bɛ nwo si te ɔ.”

Asomafoɛ 16:2

Né agyidifoɛ amukoraa bɔ bɛwɔ Lisetra ne Yikoniom ɔ bedi Timoteo nwo adanzeɛ.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.