Asomafoɛ 14:17 - AHYERƐLƐ KRONGRON

¹⁷ nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

Asomafoɛ 14:17 Iomraidhean Croise

1 Ahemvo 18:1

Nziɛ ye, afoɛ bɔ ɔtɔ so nza ne anu, AWURADE lale ye dwirɛ ali hyirele Elia kyɛ, “Fa wɔ nwo kohyire Ahabo, na ngɔma esue kɔtɔ kogua aseɛ ye aso.”

Nehemia 9:25

Na bɛho bɛfale nguro bɔ bato bɛ nwo fasue ne aseɛ bɔ ɔkye aleɛ ɔ. Na bɛfale awuro mɔ bɔ nningyein paa ayi bɛ tɛkyɛ ɔ, abura mɔ bɔ batutu ɔ, bobe boo mɔ, olive boo mɔ ne mmakaa bɔ basu biribiraa ɔ bɛyɛle bɛ deɛ. Yiti bedidili ma bɛ ko yili na bɛyɛle mbiri, na wɔ paa kandinga bɔ ɛyɛle bɛ ne ati bɛgyele bɛ nye.

YOB NWOMAA NE 36:31

Ɔnate sɔ nningyein nemɔ aso yeɛ obua maen maen ndɛen ɔ, na ɔma bɛ aleɛ pee.

YOB NWOMAA NE 37:6

Ofikyɛ ose asukɔtwea kyɛ, ‘Tɔ gua aseɛ so’; yeɛ ose esue bɔ ɔnyenenyene koso kyɛ, ‘Tɔ titititi.’

YOB NWOMAA NE 5:10

Ye bɔ ɔma esue tɔ gua aseɛ so, ná oguagua fieso so nzue ne,

Edwein 145:9

AWURADE te paa ma sona biala, na ye anwumvoinnwunɛ ne, ɔkata ye nnwumaa mukoraa so.

Edwein 4:7

Afa anigye awura m’ahone nu atra mmerɛ bɔ b’aburoo ne bɛ nzaa sonene pee ne.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Yesaya 40:21

Aso ɛmɔnze? Aso ɛmɔttele? Aso banga bangyire ɛmɔ fi tetetete? Aso ɛmɔttele ye bo ofi mmerɛ bɔ Ɛdangama bɔle aleɛ?

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 5:24

Bɛndwene ye nwo kyɛ, ‘Ɛ́mɔma yɛsuro AWURADE yɛ Nyameɛ bɔ ɔma esue tɔ wɔ mmerɛ bɔ ɔsɛ ɔ nu, bamborɔ ne nyenyenzue, ná ɔnea kyɛ fieso nningyein koti mmerɛ bɔ yeɛ ɔsɛ ɔ nu.’

Hesekiel 34:26

Bɛ ne aseɛ bɔ bapɛ me bokaa ne anwo bayia ne, ngɔmaa bɛkɔyɛ saleɛ, na ngɔma esue kɔtɔ wɔ ye mmerɛ nu; ɔkɔyɛ saleɛ esue.

Yoel 2:23

Ɛmɔ, Sion mma mɔ, ɛ́mɔma ɛmɔ nye gye, ná ɛmɔli AWURADE ɛmɔ Nyameɛ nu ahurusi, ofikyɛ wama asuso atikye wama ɛmɔ wɔ mmerɛ bɔ ɔsɛ ɔ nu, na wama bamborɔ watɔ wama ɛmɔ, asuso ɔne bamborɔ kyɛ daa ne ala.

Lewitikɔso 26:4

ngɔma esue kɔtɔ kɔma ɛmɔ wɔ mmerɛ bɔ ɔsɛ ɔ nu, aseɛ ne kɔhye aleɛ, ná fieso nningyein asu mmaa.

Mateo 5:45

amaa ɔnate so ɛmɔayɛ ɛmɔ Baba bɔ ɔwɔ nyameɛso ne mma. Ɔnate kyɛ ɔma ye yia bɔ bɔnefoɛ mmenia ne mmeni paa so, na ɔtɔ esue gua teneneefoɛ ne bɛ bɔ bɛndengyɛ ɔ so.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Asomafoɛ 14:18

Na edwirɛ bɔ bɛhane ne mukoraa asi ne po, bɛhã bɛfɛle paa koraka yeɛ bɛkora bɛma mmenia ne yakyi afɔleɛ bɔ ahaa bɛbaabɔ bɛma bɛ ne ɔ.

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Deuteronomi 11:14

ye de ɔkɔma esue kɔtɔ kogua ɛmɔ aseɛ so mmerɛ bɔ ɔsɛ ɔ nu, asuso ne bokyisue, na ɔnate so ekonya aburoo ne nzaa ne ngoo.

Deuteronomi 28:12

AWURADE kobukye anwuro, nekaa bɔ osie ye nningyein paa ne kɔma wɔ; ɔkɔtɔ nzue kogua w’aseɛ so mmerɛ bɔ ɔsɛ ɔ nu, na okoyira wɔ sa noa adwuma mukoraati. Ɛkɔfa nningyein kɔfɛmo maen maen pee, nakoso wɔ de, ɛngɔfɛmo nikye fee ngofi ebiala berɛ.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.