Asomafoɛ 14:16 - AHYERƐLƐ KRONGRON

¹⁶ Daa tete mmerɛ bɔ wapɛ nu ne de, ɔmane maen maen amukoraa ate maa bɛyɔle bɔ bekuro ɔ,

Asomafoɛ 14:16 Iomraidhean Croise

Edwein 147:20

Wanyɔ sɔ wamma maen foforɛ, bɛnze ye nhyehyɛleɛ. Ɛ́mɔye AWURADE ayɛ!

Edwein 81:12

Yiti nyakyili maa bɛyɔle bɔ bɛ bɔbɔ bekuro ɔ, maa bɛyɔle bɔ bɛ bɔbɔ b’adwene ma bɛ ɔ.

Hosea 4:17

Efraim afa ye nwo wabɔ mmosoen, yiti po ye bra ma ye.

Mika 4:5

Ofikyɛ amaen maen amukoraa, bɛ nu biala nate wɔ ye nyameɛ dumaa nu, nakoso yɛ de, yɛkɔnate AWURADE yɛ Nyameɛ dumaa nu afebɔɔ.

Asomafoɛ 17:30

Mmerɛ bɔ né mmenia bennya bennwuni Nyameɛ yé nen, obuli ye nye guale so; nakoso kekesaala ye de, ɔhyɛ ebiala bɔ ɔwɔ nekaa biala ɔ kyɛ ɔsakyera ye adwene,

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

Romanfoɛ 3:25

Ye yeɛ Nyameɛ afa ye wasie berɛ kyɛ mbata nikye bɔ ɔnate ye mogya nu gyidie so, bɔ wafa wahyire ye tenenee kyɛ bɔne bɔ bayɔ ye daa ne, wakyikyi wafi berɛ wɔ Nyameɛ aboterɛ nu;

Ɛfesofoɛ 2:12

Ɛ́mɔkaye kyɛ, sɔ mmerɛ ne, né ɛmɔ ne Kristo b’afia atete; né ɛmɔte amanvrafoɛ bɔ bɛnga ɛmɔ bɛmmoka Yisrael maen mmaa so ɔ; né ɛmɔte ɛwɔfoɛ wɔ apam bɔhyɛ ahoroɔ ne anwo, bɔ né ɛmɔlle anyelasoɛ biala, bɔ né ɛmɔlle Nyameɛ wɔ wiase ɔ.

1 Petro 4:3

Yɛbɔle yɛ bra kyɛ Amaenmaensofoɛ wɔ y’asetena mmerɛ bɔ wapɛ nu ne anu, na yɛbɔle yɛ bra wɔ ahohwibra, akɔnnɔ, nzaabolɛ, bɔne nu anigye, asanzabra, yeɛ bosoensolɛ bɔ ɔte akyiwadeɛ ɔ nu.