Biblia Todo Logo
Bìoball air-loidhne

- Sanasan -




Asomafoɛ 14:15 - AHYERƐLƐ KRONGRON

15 “Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Faic an caibideil Dèan lethbhreac




Asomafoɛ 14:15
67 Iomraidhean Croise  

Ahyɛaseɛ ne, Nyameɛ bɔle anwuro ne aseɛ.


Yosef buale Faro kyɛ, “Nana, me de mengora ye bo kyire, na mmom Nyameɛ yeɛ ɔkɔma Faro nyeanoɛ paa ɔ.”


Ɔnate ɛhemɔ ati yeɛ ɛhe sili ɔ: bɔne amukoraa bɔ Baasa yɔle, ɔne bɔne bɔ Baasa awa Ela yɔle, bɔ ɔnate so bɛfa bɛhwene Yisrael maen maa ɔyɔle bɔne, bɔ bɛfale bɛ mmosoensolɛ bewurale AWURADE Yisrael Nyameɛ apue maa ɔfɛle yaa ne.


Ofikyɛ ɔyɔle bɔne bɔ Nebate awa Yeroboam yɔle ne amukoraa bie. Bɔne bɔ ɔnate so ɔfa hwene Yisrael maen maa bɛyɔle bɔne, bɔ bɛfale bɛ mmosoensolɛ bewurale AWURADE Yisrael Nyameɛ apue maa ɔfɛle yaa ne, Omri yɔle bie.


Ao AWURADE, mesrɛ wɔ, tie ná nea. Ao AWURADE, tie edwirɛ bɔ Senakeribo ɔkã ɔ, bɔ wafa wasoma kyɛ bɛfa bɛɛgoro Nyameɛ teasefoɛ nwo ɔ.


Edwirɛ amukoraa bɔ Rabesake ne, ye mene Asiria hene wafa wasoma ye kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti mbaeɛ bɔ ɛbɔ ma yɛ bɔ yaha ne, ma nu ɔ́yɛ se.”


AWURADE bɔ ɔbɔle anwuro ne aseɛ ne, óyira ɛmɔ.


AWURADE bɔ ɔbɔle anwuro ne aseɛ ne, ye dumaa nu yeɛ yɛ mmokalɛ wɔ ɔ.


Mekyi bɛ bɔ bɛso mmosoen bɔ bɛ nwo olle mvasoɛ biala ɔ, nakoso me de, me wora wura AWURADE nu.


AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.


Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.


Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.


“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.


Bɛfa ye besie bɛ kɔme anwo, bɛsoa ye, besikye ye besie ye boso, berɛ ala yeɛ ogyi ɔ; na ɔngora ndu ye bo mvi nekaa bɔ ogyi ne. Sɛ sona sũ frɛ ye a, ɔngora ndɛ ye so, yeɛ ɔngora mbepɛ nnne ye mvi ye amaneɛ nu.


Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.


Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.


‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;


“Ye yeɛ ole ye tumi ɔbɔle aseɛ ɔ, ye nworɛ yeɛ ɔnate so fale wiase tindimuni berɛ ɔ, na ye nimdeɛ yeɛ ɔfa trɛtrɛle ewienu nu ɔ.


Tie, me maen awa brasua ye sufrɛ fi aseɛ ne ti kɔkã ye ti kyɛ, ‘Aso AWURADE nne Sion anaa? Aso ye Hene ne, ɔnne kuro ne anu anaa?’ “Nzu ati yeɛ bafa b’amoen nemɔ ne amaenmaenso mmosoen bawura me apue ye?”


Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.


AWURADE nwa nyoo, “Ɔnate Yuda ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bapo AWURADE mmeraa, banni ye mmeraa dwirɛ so. Bɛ nnakannaka bɔ ɔte atee bɔ bɛ nana mɔ fale so ne, wamaa bali makyebu.


Bɛ bɔ bɛsɔne mmosoen bɔ bɛtte huu ne, bɛpo bɛ bɔbɔ b’anwumvoinnwunɛ.


AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:


Na Simɔn Petro buale kyɛ, “Wɔ ole Kristo ne, Nyameɛ teasefoɛ n’Awa ne.”


Na kyɛbɔ Baba ne ole ngoa wɔ ye bɔbɔ ye nu nen, sɔ ala yeɛ wafa wama Baa ne kyɛ ye koso onya ngoa wɔ ye bɔbɔ ye nu ɔ;


Ebiala bɔ ɔbɔ ye ti anu dwudwo ne, ɔpena ye bɔbɔ ye animnyam; nakoso bɔ ɔpena animnyam ma bɔ ɔsomane ye nen, ye ole nahorɛniɛ ne, na ngondombo biala nne ye nu.


Nakoso Petro maa odwɔsole, na osele ye kyɛ, “Dwɔso, na me koso nde kuro sona.”


Na yɛ de, nzɛmba ne yeɛ yɛfa yɛbrɛ ɛmɔ ɔ,


Na bɛhane nzɛmba ne behyirele kuro berɛ ama, ná benyane asuafoɛ pee nen, afei besa bɛhɔle Lisetra, Yikoniom ne Antiokia,


na bɛhane nzɛmba ne wɔ berɛ.


Afei ɔyele bɛ fitele, na obisale bɛ kyɛ, “Me mene mɔ, nzu yeɛ nyɔ na manya daa ngoa ɔ?”


“Biamɔ, menwu ye kyɛ yɛ ateetulɛ ye anu kɔyɛ suro kɔma yɛ. Nna kyɛ nningyein pee yeɛ yɛkɔhwere, anaa ɛlɛen ne yeɛ ɔkɔsɛkye angome, na mmom annea a, yɛ ngoa po kɔpɛ so.”


Ngyẽa pee se hɔle bɔ né yɛllili hwee ɔ. Yiti Pɔɔlo dwɔso gyinane b’afia sele bɛ kyɛ, “Biamɔ, sɛ ɛmɔtiele me yeɛ yandu yamvi Krete a, ahaa yɛngonwu sɔ amaneɛ ne nningyein bɔ yahwere ye.


Yiti, biamɔ, nnɛma ɛmɔ abasa nu bu! Na mede Nyameɛ medi kyɛ bɔ ɔhã hyirele me ne kɔyɛ berɛ pɛpɛɛpɛ.


Na bɛtele sɔ dwirɛ nen, bɛyɛle ko bɛmane bɛ komvi so bɛbɔle mbaeɛ behyirele Nyameɛ kyɛ, “Awurade Nyameɛ bɔ ɛbɔle anwuro ne aseɛ ne ɛpo ne bɔ ɔwɔ bɛ nu amukoraa ɔ,


Aleɛ hyene ne, onwuni Yisraelfoɛ nyɔ kyɛ bɛko; ɔyɛle kyɛ ɔpata bɛ, na osele bɛ kyɛ, ‘O, biamɔ adwo! Ɛmɔte aliɛmaa, nzu ati yeɛ ɛmɔpɛ bɛ nwo bɛko ye?’


Na ɔfa bosoen so aleɛlilɛ nwo de, yɛse kyɛ bosoen de, ɔtte huu wɔ wiase wa, na Nyameɛ te komapɛ twe.


Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.


Bɛsole bɔ nna Nyameɛ ahɔ ɔ maa ndwene ye nwo nungunɛ, na bɛfale bɛ mmosoen fiɛ nemɔ bɛhane me anyinga. Yiti me koso, ngɔfa mmenia mbaen bie bɔ nna maen ahɔ ɔ maa bɛkɔhwe ye nwo nungunɛ, na ngɔfa ngwaseafoɛ maen ngɔhã bɛ anyinga.


Ofikyɛ dasaniɛ beni yeɛ wate Nyameɛ teasefoɛ ne komvi kyɛ odwudwo fi see nu, kyɛbɔ yate ye, ná wanya ngoa ɔ?


Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,


amaa sɛ ɔba kyɛ mekyɛ ná mmmale a, anwu kyɛbɔ ɔsɛ kyɛ ɛbɔ wɔ bra wɔ Nyameɛ awuro, bɔ ɔte Nyameɛ teasefoɛ n’asɔre, nahorɛ nyinasoɛ ne fapem ne anu.


Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.


Né Elia te sona kyɛ yɛ ala, na ɔbɔle mbaeɛ serɛserɛ kyɛ nnɛma esue tɔ, na esue andɔ aseɛ so alaa afoɛ nza ne bosome nzia.


Na Yosua sele kyɛ, “Ɛhe yeɛ ɔkɔmaa ɛmɔkonwu ye kyɛ Nyameɛ teasefoɛ ne ogyi ɛmɔ si ɔ, na ɔkɔfoa Kanaanfoɛ, Hitifoɛ, Hiwifoɛ, Perisifoɛ, Gɛgasifoɛ, Amorifoɛ, ne Yebusifoɛ kofi ɛmɔ nyunu amba:


Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”


Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”


Na nwuni kyɛ kaka ne ne aseɛ so ahemvo ne bɛ lɔen baboaboa bɛ noa, kyɛ bɛkwaafa koɛ bɛteta bɔ ɔte pɔngɔ ne aso ne ɔne ye lɔen.


Na osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ ngɔmhyɛlɛfoɛ, yeɛ bɛ bɔ betira nwomaa he anu dwirɛ nu ne. Sɔne Nyameɛ!”


“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”


Yeɛ nningyein mbaen mbaen bɔ mvasoɛ nne so, anaa bɛngora benne ngoa ne, nnɛma ɛmɔdi makyebu bekodi bɛ si, ofikyɛ bɛte mbaen.


Na Dawide bisale mmenia bɔ begyigyi ye nwo berɛ ne kyɛ, “Sona bɔ okohu sɔ Filistiniɛ he, ná ɔkɔye animguaseɛ kofi Yisrael so ne, nzikyɛ yeɛ bɛkɔfa bɛkɔbɔ ye aba so ɔ? Sɔ Filistiniɛ he bɔ ɔmbɛ ye bienzua ye, ye ole nwa bɔ ɔpɛ Nyameɛ teasefoɛ ye koɛhonɛfoɛ poa ɔ?”


W’akoaa ahu gyata mɔ ne kwabrafo mɔ, na sɔ Filistiniɛ he bɔ ɔmbɛ ye bienzua ye de, ɔkɔyɛ kyɛ bɛ nu ko ala, ofikyɛ wapɛ Nyameɛ teasefoɛ koɛhonɛfoɛ nemɔ poa.


Lean sinn:

Sanasan


Sanasan