Asomafoɛ 14:1 - AHYERƐLƐ KRONGRON

¹ Na ɔwale kyɛ Yikoniom koso, bɛ munyɔ bɛhɔle Yudafoɛ nyianu sua nu, na kyɛbɔ besi bedwudwole ne, ɔmane Yudafoɛ ne Helafoɛ pee bele belili.

Asomafoɛ 14:1 Iomraidhean Croise

Marko 7:26

Sɔ braa ne te Helaniɛ, na aworɛ nu, ɔte Siro-Fonikeniɛ. Na ɔsrɛle ye kyɛ otu sunzummɔne ne fi ɔwa brasua ne anu.

Yohane 12:20

Na bɛ bɔ bɛwale aluolue ne abo kyɛ bɛbaasɔne ne, né Helafoɛ biemɔ bɛboka so.

Yohane 7:35

Yeɛ Yudafoɛ nemɔ sisele bɛ nwo kyɛ, “Nisua yeɛ biaa he ɔbaahɔ bɔ yɛngonwu ye ɔ? Ɔbaahɔ bɛ bɔ babɔ aya bahɔ Helafoɛ mɔ nu ne berɛ ɔkɔyɛ ngyerɛkyerɛ kyire Helafoɛ anaa?

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 13:5

Mmerɛ bɔ bedwuli Salami nen, bɛhane Nyameɛ dwirɛ ne wɔ Yudafoɛ nyianu sua nemɔ nu. Né Yohane boka bɛ ɔyɔ somvoɛ adwuma.

Asomafoɛ 13:51

Na asomafoɛ nyɔ ne poroporole bɛ gya kunu mvuture beguale berɛ betiale bɛ, na besili nu bɛhɔle Yikoniom.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 14:21

Na bɛhane nzɛmba ne behyirele kuro berɛ ama, ná benyane asuafoɛ pee nen, afei besa bɛhɔle Lisetra, Yikoniom ne Antiokia,

Asomafoɛ 16:1

Pɔɔlo hɔle oodwuli Dɛɛbi ne Lisetra. Né gyidiniɛ bie bɔ bɛfrɛ ye Timoteo wɔ berɛ. Ye maame te Yudaniɛ gyidiniɛ, yeɛ ye baba koso te Helaniɛ.

Asomafoɛ 16:2

Né agyidifoɛ amukoraa bɔ bɛwɔ Lisetra ne Yikoniom ɔ bedi Timoteo nwo adanzeɛ.

Asomafoɛ 17:12

Yiti bɛ nu pee, yeɛ afei Hela mmrasua atitirefoɛ pee ne Hela mmienzua pee lele edwirɛ ne lili.

Asomafoɛ 17:17

Yiti ɔne Yudafoɛ ne Amaenmaensofoɛ nyamesurofoɛ bɛyɛle mbɛnzɛmbɛnzɛmuɛ wɔ nyianu sua nu, na daa biala ɔne bɛ bɔ bɛwɔ dwaaso koso yɔle sɔ ala.

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 18:8

Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.

Asomafoɛ 19:10

Ɛhe hɔle so sɔ alaa afoɛ nyɔ, na ɔmane bɛ bɔ bɛwɔ Asia mbɔtam berɛ amukoraa, Yudafoɛ ne Helafoɛ, bɛtele Awurade nwo dwirɛ ne.

Asomafoɛ 19:17

Yudafoɛ amukoraa ne Helafoɛ amukoraa bɔ bɛwɔ Ɛfeso bɛtele sɔ dwirɛ nen, bɛ mukoraa besurole, na bɛyele Awurade Yesu dumaa ayɛ piri paa.

Asomafoɛ 19:8

Pɔɔlo hɔle nyianu sua nu tonn bosome nza. Osili ye ahone ɔne mmenia ne dwudwole, na ɔne bɛ yɛle ngyerɛkyerɛ fale Nyameɛ ahennie ne nwo.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 21:28

na bɛteane nu kyɛ, “Yisraelfoɛ ee, ɛmɔbra oo, na sona bɔ ɔnate ɔyɛ ngyerɛkyerɛ kyire mmenia wɔ nekaa biala fa tia Yisraelfoɛ ne Mose mmeraa ne asɔneyɛɛ sua ne ɛhe oo! Na wasa wafa Helafoɛ po wawa asɔneyɛɛ sua ne anu waagua Nekaa Krongron ne nwo fiɛ.”

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 10:12

Ofikyɛ nzonzoleɛ biala nne Yudaniɛ ne Helaniɛ nu; Awurade komapɛ ne ala yeɛ ɔte bɛ mukoraa bɛ Mene ɔ, na oyira ebiala bɔ osũ frɛ ye ɔ.

Galatiafoɛ 2:3

Nakoso Tito po bɔ ɔte Helaniɛ na ɔboka me so ne, banhyɛ ye kyɛ ɔpɛ ye bienzua.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.