Asomafoɛ 13:6 - AHYERƐLƐ KRONGRON

⁶ Bɛpɛle nu supɔ ne aso beedwuli Pafɔso, na benwuni ngonyaayelɛniɛ bie bɔ ɔte Yudaniɛ ngɔmhyɛlɛniɛ ngondomboniɛ, bɔ ye dumaa li Bar Yesu ɔ.

Asomafoɛ 13:6 Iomraidhean Croise

1 Ahemvo 22:22

Na AWURADE bisale ye kyɛ: Ɛyɛ sɛɛ né alakalaka ye?’ Na obuale kyɛ, ‘Ngɔɔyɛ anoanu sunzum wɔ ye ngɔmhyɛlɛfoɛ ne amukoraa bɛ noa nu maa bɛkɔpɛ anoanu.’ Yeɛ AWURADE sele kyɛ, ‘Kɔ na kɔlakalaka ye, na wɔ sa kɔhã yeɛ kɔ na kɔyɔ ye sɔ ala.’

1 Aberɛso Dwirɛ 10:13

Ɔnate Sɔɔlo asoserɛ ti owuli. Wanni nahorɛ wamma AWURADE, ɔnate kyɛ wanni AWURADE dwirɛ so. Afei koso, ɔhɔle nzamangɔmhyɛlɛniɛ berɛ abisa,

Ɛksadɔso 22:18

“Nnɛma musueyelɛniɛ brasua nya ye ti didi nu.

Lewitikɔso 20:6

“Na ebiala bɔ ɔkɔhɔ nzamangɔmhyɛlɛfoɛ ne ahɔmeɛ so, ná okoli bɛ si ne, ngotu me nye ngosie sɔ sona ne aso, na ngɔpɛ ye asue ngofi ye maen nu.

Sakaria 13:3

Na ɔkɔwa kyɛ, sɛ ebie kɔso ɔhyɛ ngɔm a, ɔse ne oni bɔ bɛwole ye ɔ bekose ye kyɛ, ‘Onni kyɛ ɛtena ngoa nu ɔ, ofikyɛ ɛkã ngondombo dwirɛ wɔ AWURADE dumaa nu.’ Na sɛ ɔhyɛ ngɔm a, ɔse ne oni bɔ bɛwole ye ɔ bɛkɔfa nikyee bekosina ye.

Mateo 16:17

Na Yesu buale kyɛ, “Anya saleɛ, Yona awa, Simɔn! Ofikyɛ nna anwoɔnaen ne mogya yeɛ baye he bahyire wɔ ɔ, na mmom me Baba bɔ ɔwɔ nyameɛso ne ɔ.

Mateo 24:24

Ɔnate kyɛ, kristo ngondombofoɛ ne ngɔmhyɛlɛfoɛ ngondombofoɛ kodwɔso, na bɛkɔyɔ nzɛngyerɛnneɛ ne anwanwadeɛ mbiri mbiri, bɔ ɔkɔhora kɔwa kyɛ, bɛkɔlakalaka bɛ bɔ Nyameɛ aneanea nu waye bɛ ne po.

Mateo 7:15

“Ɛ́mɔnea ɛmɔ nwo yé wɔ ngondombo ngɔmhyɛlɛfoɛ nwo; bɛfa boaen nwomaa bedwira bɛ nwo bɛba ɛmɔ berɛ, nakoso bɛ nu de, bɛte pataku adifuufoɛ.

Marko 10:46

Afei bedwuli Yeriko. Na mmerɛ bɔ Yesu ne ye asuafoɛ nemɔ ne mmenia pee befi Yeriko bɛkɔ nen, né Timeo awa Batemeo, bɔ ɔte anyesiniwaaniɛ ɔ, ɔte atee noa berɛ ɔsrɛsrɛ nikye.

Asomafoɛ 13:13

Pɔɔlo ne ye mmango nemɔ bɛfale ɛlɛen befili Pafɔso bɛwale Pɛɛga wɔ Pamfilia, na Yohane yakyili bɛ berɛ sa hɔle Yerusalem.

Asomafoɛ 13:8

Nakoso ngonyaayelɛniɛ Elima (sɔ yeɛ ye dumaa ne bo kyire ɔ) sili bɛ ate, na ɔbɔle mmɔden kyɛ ɔkɔhwe amrado ne kofi gyidie ne nwo.

2 Korintofoɛ 11:13

Ofikyɛ sɔ mmenia ne te asomafoɛ ngondombofoɛ, adwumayɔlɛfoɛ nnakannakafoɛ bɔ bɛkakyi bɛ nwo kyɛ Kristo asomafoɛ ɔ.

2 Timoteo 3:8

Na kyɛbɔ Yane ne Yambrɛ bedwɔso betiale Mose nen, sɔ ala yeɛ sɔ mmenia nemɔ koso bɛko betia nahorɛ ne ɔ. Bɛte mmenia bɔ b’adwene ali naakye, ná babɔ ase wɔ gyidie nu ɔ.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.