Asomafoɛ 13:50 - AHYERƐLƐ KRONGRON

⁵⁰ Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 13:50 Iomraidhean Croise

1 Ahemvo 21:25

(Nahorɛ nu, ebiala nne berɛ bɔ otuli ye nwo siele berɛ yɔle bɔ ɔte bɔne wɔ AWURADE nyunu ɔ te kyɛ Ahabo, na ɔye Yesebɛl yeɛ né osi ye adua maa ɔyɔ bɔne ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Amose 7:12

Yeɛ Amasia sele Amose kyɛ, “Ao, wɔ bɔ ɛse ase ɔ, nwati kɔ Yuda aseɛ so, ma wɔ sa hã wɔ noa aleɛ wɔ dɔ, ná hyɛ ngɔm wɔ dɔ,

Mateo 10:23

Na sɛ bɛtane ɛmɔ nye wɔ kuro ko aso a, ɛ́mɔnwati bɛhɔ foforɛ so. Nahorɛ nu, mekã mekyire ɛmɔ kyɛ, ɛmɔngoyie Yisrael nguro amukoraa so kyini koraka né Sona Awa ne awa.

Marko 15:43

Yosef bɔ ofi Arimatea, badwafoɛ nemɔ anu ko bɔ bebu ye ɔ, bɔ né ye koso ɔ́nwondɛ Nyameɛ ahennie ne ɔ, osili ye hue ɔhɔle Pilato berɛ ɔɔsrɛle Yesu fuin ne.

Marko 5:17

Na bɛhyɛle ye bo bɛsrɛle Yesu kyɛ ofi bɛ mbɔtam berɛ hɔ.

Asomafoɛ 13:43

Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 14:4

Nakoso kuro berɛ ama nu hyɛle nyɔ; bue ko gyi Yudafoɛ nemɔ si, yeɛ bue ko koso gyi asomafoɛ nemɔ si.

Asomafoɛ 14:5

Nziɛ ye, Helafoɛ ne Yudafoɛ biemɔ ne bɛ mbanyi mɔ yɛle adwene kyɛ bɛkɔhyɛ Pɔɔlo ne Banaba anyeborolɛ na baboro bɛ nyɔboɛ.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 17:12

Yiti bɛ nu pee, yeɛ afei Hela mmrasua atitirefoɛ pee ne Hela mmienzua pee lele edwirɛ ne lili.

Asomafoɛ 17:13

Nakoso mmerɛ bɔ Yudafoɛ bɔ bɛwɔ Tɛsalonika ne bɛtele kyɛ Pɔɔlo waahã Nyameɛ dwirɛ ne wɔ Bɛrea koso nen, bɛwale berɛ bɛɛto beguale mmenia nemɔ so anu bɛsɛkyele b’adwene.

Asomafoɛ 17:17

Yiti ɔne Yudafoɛ ne Amaenmaensofoɛ nyamesurofoɛ bɛyɛle mbɛnzɛmbɛnzɛmuɛ wɔ nyianu sua nu, na daa biala ɔne bɛ bɔ bɛwɔ dwaaso koso yɔle sɔ ala.

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 18:7

Yiti ɔyakyili bɛ berɛ ɔɔtenane biaa bie bɔ ye dumaa li Tito Yusto, bɔ ɔso Nyameɛ ɔ ye awuro. Né ye awuro ne pingye nyianu sua ne pɛɛ.

Asomafoɛ 2:5

Né Yudafoɛ nyamesurofoɛ biemɔ bɔ befi ewiase maen maen amukoraa nu te Yerusalem.

Asomafoɛ 21:27

Na ɛlɛsoo bɔ bɛfa bɛpete bɛ nwo ne baaso nen, Yudafoɛ biemɔ bɔ befi Asia maen nu nwuni Pɔɔlo wɔ asɔneyɛɛ sua nu; yiti bɛsɛkyele ɛlɔen bɔ bayia berɛ n’adwene maa bɛhyele Pɔɔlo,

Asomafoɛ 28:17

Ye ɛlɛsa ne aso, Pɔɔlo tole ye sa frɛle Yudafoɛ mbanyi bɔ bɛwɔ Rome maa beyiale, na osele bɛ kyɛ, “Aliɛmaa mɔ, ɔwɔ nu kyɛ manyɔ tɛɛ biala mandia yɛ mmenia anaakyɛ yɛ nana mɔ amanneɛ ne de, nakoso Yudafoɛ maa bɛtole me kuku nu wɔ Yerusalem, na bɛfale me bewurale Romanfoɛ sa.

Asomafoɛ 6:12

Na besili maen ne ne maen mbanyi ne ahyerɛlɛfoɛ nemɔ adua, na bɛwale ye so bɛɛhyele ye, na bɛfale ye bɛhɔle badwa ne anyunu.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Romanfoɛ 10:2

Medi bɛ nwo adanzeɛ kyɛ bele Nyameɛ nwo dɔ; nakoso bɛ mmɔdenbɔlɛ ne oggyi nahorɛ nimdeɛ so.

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

1 Tɛsalonikafoɛ 2:14

Aliɛmaa mɔ, Nyameɛ asɔre mɔ bɔ bɛwɔ Yudea wɔ Yesu Kristo nu ne, agyirɛ bɔ betuli ne, ebiala yeɛ ɛmɔ koso ɛmɔatu ne; ofikyɛ ɛmɔ koso ɛmɔanwu amaneɛ wɔ ɛmɔ bɔbɔ ɛmɔ mmenia bɛ sa nu, kyɛbɔ Yudafoɛ fa yɛle bɛ koso ne ala.

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.