Asomafoɛ 13:5 - AHYERƐLƐ KRONGRON

⁵ Mmerɛ bɔ bedwuli Salami nen, bɛhane Nyameɛ dwirɛ ne wɔ Yudafoɛ nyianu sua nemɔ nu. Né Yohane boka bɛ ɔyɔ somvoɛ adwuma.

Asomafoɛ 13:5 Iomraidhean Croise

1 Ahemvo 19:21

Elisa andoa so wanni Elia si. Elisa ɔɔfale ye nandwie nyii nyɔ bɔ bafa kɔnnua basosɔ bɛ babɔ nu nemɔ, na ohuhuni bɛ. Mmakaa bɔ ɔsosɔ bɛ ne, ɔfa sɔle see tone bɛ naen ne, na ɔfa mane mmenia nemɔ maa belili. Afei osili nu oolili Elia si, na ɔɔyɛle Elia somvoɛ.

1 Ahemvo 19:3

Né Elia suro, yiti ɔnwatili maa ɔnate so onyane ye ti didili nu. Oodwuli Yuda kuro Beɛ Hyeba, na ɔyakyili ye somvoɛ ne berɛ.

2 Ahemvo 3:11

Nakoso Yehosafate bisale kyɛ, “Aso AWURADE ngɔmhyɛlɛniɛ nne wa, bɔ yɛkɔhora yɛkɔfa ye so yɛkobisa AWURADE noa dwirɛ ɔ?” Yeɛ Yisrael hene somvoɛ nemɔ nu ko buale kyɛ, “Safate awa Elisa bɔ né ɔte Elia somvoɛ ne, ɔwɔ berɛ.”

Ɛksadɔso 24:13

Yiti Mose dwɔsole, ɔne ye bokafoɛ Yosua, na Mose hɔle Nyameɛ bokaa ne aso.

Mateo 20:26

Nakoso ɛmɔ nu de, ɔnzɛ kyɛ ɔba ye sɔ ɔ. Na mmom ebiala bɔ ɔpena kyɛ ɔyɛ ɛmɔ so panyi nen, ɔsɛ kyɛ ɔyɛ ɛmɔ somvoɛ;

Asomafoɛ 12:12

Na mmerɛ bɔ Petro nwuni ye sɔ ne, ɔhɔle Yohane bɔ besa bɛfrɛ ye Marko ne ye maame Maria awuro, nekaa bɔ né mmenia pee bayia bɛbɔ mbaeɛ ɔ.

Asomafoɛ 12:25

Banaba ne Sɔɔlo yiele bɛ dwumadie ne Yerusalem. Na besa befi Yerusalem bɛkɔ ne, bɛfale Yohane bɔ bɛfrɛ ye Marko ne bɛbokale bɛ nwo so.

Asomafoɛ 13:14

Nakoso bɛ de, befili Pɛɛga, na bɛbɔle hwii bɛwale Antiokia bɔ ɔwɔ Pisidia; na afofikyẽa dwuli nen, bɛhɔ bɛɛtenane ase wɔ nyianu sua nu.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 14:1

Na ɔwale kyɛ Yikoniom koso, bɛ munyɔ bɛhɔle Yudafoɛ nyianu sua nu, na kyɛbɔ besi bedwudwole ne, ɔmane Yudafoɛ ne Helafoɛ pee bele belili.

Asomafoɛ 15:37

Né Banaba pena kyɛ bɛfa Yohane, bɔ bɛfrɛ ye Marko bɛboka bɛ nwo so,

Asomafoɛ 17:17

Yiti ɔne Yudafoɛ ne Amaenmaensofoɛ nyamesurofoɛ bɛyɛle mbɛnzɛmbɛnzɛmuɛ wɔ nyianu sua nu, na daa biala ɔne bɛ bɔ bɛwɔ dwaaso koso yɔle sɔ ala.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 19:22

Yiti ɔsomane ye bokafoɛ nyɔ, Timoteo ne Eraseto maa bɛhɔle Makedonia, na ye de, ɔtenane Asia mbɔtam hyɛle kãa.

Asomafoɛ 19:29

Yiti kuro ne anu amu yɛle basabasa. Na ɛlɔen ne tuli bi bɛɛhyele Makedoniafoɛ nyɔ nemɔ: Gayɔso ne Aristako, na bɛhwene bɛ bɛhɔle badwa nyunu. Né bɛ munyɔ bɛboka Pɔɔlo so wɔ ye ateetulɛ ne anu.

Asomafoɛ 19:8

Pɔɔlo hɔle nyianu sua nu tonn bosome nza. Osili ye ahone ɔne mmenia ne dwudwole, na ɔne bɛ yɛle ngyerɛkyerɛ fale Nyameɛ ahennie ne nwo.

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

Kolosefoɛ 4:10

Mmiɛngo kukununiɛ Aristako bisa ɛmɔ ahye; Banaba awosea Marko bɔ ɛmɔnyane ye nwo ngraa ne koso sɔ ala, (sɛ ɔba ɛmɔ berɛ a, ɛ́mɔle ye nyemene so).

2 Timoteo 4:11

Luka ngome twe yeɛ ɔne me wɔ wa ɔ. Ɛba a, fa Marko boka wɔ nwo so bra, ofikyɛ ye nwo hia me paa wɔ ɛsolɛ adwuma ne anu.