Asomafoɛ 13:48 - AHYERƐLƐ KRONGRON

⁴⁸ Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Asomafoɛ 13:48 Iomraidhean Croise

Edwein 138:2

Mebɔ me nu ase mefa me nye mekyire w’asɔneyɛɛ sua krongron ne, na mefa asennaa mema wɔ dumaa, ɔnate wɔ ɔdɔ bɔ onni ngasi ne wɔ nahorɛlilɛ ne ati; ofikyɛ apagya wɔ dumaa ne wɔ dwirɛ maa batra nikyee biala.

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Mateo 28:16

Na asuafoɛ buru ne ko ne sili nu bɛhɔle Galilea, bokaa bɔ Yesu hyirele bɛ kyɛ bɛhɔ so ne aso.

Luka 7:8

Ofikyɛ me koso nde sona bɔ nwura tumi bo, bɔ asraafoɛ bewura me bo ɔ. Mekã mekyire ɛhe kyɛ, ‘Kɔ’ a, ɔkɔ; mekã mekyire ko koso kyɛ, ‘Bra’ a, ɔba; yeɛ mekã mekyire m’akoaa kyɛ, ‘Yɔ ɛhe’ a, ɔyɔ.”

Yohane 10:16

Na nne mmoaen foforɛ biemɔ bɔ bɛ de nna mmoaen kure he anu yeɛ befi ɔ; na ɔsɛ kyɛ mefa bɛ koso meba ɔ, na bɛkɔte me komvi. Yiti mmoaen kure ne kɔyɛ komapɛ ɔne mmoaenneafoɛ ko.

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Asomafoɛ 13:12

Na mmerɛ bɔ amrado ne nwuni bɔ wasi nen, olelili, ɔnate kyɛ Awurade nwo ngyerɛkyerɛ ne yɛle ye nwanwa paa.

Asomafoɛ 13:42

Na bɛyɛle kyɛ befi nyianu sua ne anu berɛ bɛkɔ nen, mmenia ne srɛle kyɛ bɛbra afofikyẽa bieku bɛɛhã sɔ dwirɛ nemɔ behyire bɛ bieku.

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Asomafoɛ 15:31

Na agyidifoɛ nemɔ kengale krataa ne nen, bɛ nye gyele, ɔnate kyɛ benyane aworakyekyerɛ befili nu.

Asomafoɛ 2:41

Na bɛ bɔ belele ye dwirɛ ne belili ne, bɛmane bɛ nwo ate maa bɛbɔle bɛ asu, na mmenia kɔyɛ apee nza bɛɛbokale bɛ so sɔ kyẽa ne ala.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 20:13

Yɛfale ɛlɛen yɛlili moa yɛhɔle Asɔso kyɛ yɛkwaafa Pɔɔlo wɔ berɛ, ofikyɛ né ɔne yɛ ahyehyɛ kyɛ ɔfa ase odi moa kɔ dɔ.

Asomafoɛ 22:10

Na mmisale kyɛ, ‘Awurade, nzikyɛ yeɛ nyɔ ɔ?’ Na Awurade sele me kyɛ, ‘Dwɔso na kɔ Damasko, na berɛ yeɛ bɛkɔhã nikyee biala bɔ Nyameɛ ahyehyɛ kyɛ ɛyɔ bekohyire wɔ ɔ.’

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 8:8

Yiti kuro berɛ ama lili ahurusi piri paa.

Romanfoɛ 11:7

Afei de nzikyɛ bieku? Yisrael sa anga nikyee bɔ né ɔpena ne. Bɛ bɔ waneanea nu waye bɛ ne, bɛ sa hane ye; nakoso bɛ ngaa ne de, bɛyɛle asoserɛ,

Romanfoɛ 13:1

Ɔsɛ kyɛ sona biala brɛ ye nwo ase wura maen mbanyi tumi bo, ofikyɛ tumi biala nne berɛ, sana bɔ ofi Nyameɛ berɛ ɔ; na tumi mɔ bɔ bɛwɔ berɛ ne, Nyameɛ yeɛ wahyehyɛ wato berɛ ɔ.

Romanfoɛ 8:28

Yɛse kyɛ bɛ bɔ bekuro Nyameɛ dwirɛ ne, bɔ okosi biala ɔboka bɛ, bɛ bɔ ɔnate ye nhyehyɛleɛ so wafrɛ bɛ ne.

1 Korintofoɛ 16:15

Aliɛmaa mɔ, ɛmɔse Setefana ne ye abusuafoɛ nwo dwirɛ; bɛ yeɛ belili moa bɛyɛle agyidifoɛ wɔ Akaia ɔ, na batu bɛ nwo basie berɛ bama anwoteefoɛ solɛ.

Ɛfesofoɛ 1:11

Na ye bɔ ɔyɔ ye nikyee biala kyɛbɔ ye nhyehyɛleɛ ne ye pɛ osi te ne, wafa Kristo so waneanea nu waye yɛ kyɛ yɛyɛ ye deɛ;

Ɛfesofoɛ 1:19

Mesrɛ kyɛ, ɔma ɛmɔnwu ye tumi totohyia bɔ ɔbo so ma yɛ bɔ yɛde yɛdi ne, kyɛbɔ ye anwoserɛ tumi nikyeeyɔlɛ

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Ɛfesofoɛ 1:5

Na ɔneaneane nu yele yɛ siele berɛ kyɛ ɔnate Yesu Kristo so ɔkɔfa yɛ kɔyɛ ye mma, kyɛbɔ ye nhyehyɛleɛ botaeɛ te ne;

2 Tɛsalonika 3:1

Bɔ ɔpɛ ye bo ɔ, aliɛmaa mɔ, ɛ́mɔbɔ mbaeɛ bɛ́ma yɛ, kyɛ Awurade nzɛmba ne onya atee trɛ ndɛndɛ ná onya animnyam, kyɛbɔ wanya ye wɔ ɛmɔ berɛ ne.