Asomafoɛ 13:46 - AHYERƐLƐ KRONGRON

⁴⁶ Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 13:46 Iomraidhean Croise

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Yesaya 55:5

Tie, ɛkɔto wɔ sa kɔfrɛ maen maen bɔ ɛnze bɛ ɔ, na maen maen bɔ bɛnze wɔ ɔ bekotu amirika bɛkɔwa wɔ berɛ, ɔnate AWURADE wɔ Nyameɛ, Yisrael Krongronniɛ ne ati, ofikyɛ wahyɛ wɔ animnyam.

Hesekiel 2:5

Na sɛ betie oo, sɛ bandie oo, (ofikyɛ bɛte abusua bɔ bayɛ lɔen ɔ), kyɛbɔ ɔkɔyɛ biala, bekonwu kyɛ ngɔmhyɛlɛniɛ wɔ bɛ nu.

Mateo 10:6

na mmom ɛmɔhɔ mmoaen bɔ bamini bɔ bɛ ole Yisrael awuro ama ne berɛ.

Mateo 21:41

Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Mateo 21:43

“Ɛhe ati, mekã mekyire ɛmɔ kyɛ, bekole Nyameɛ ahennie ne bekofi ɛmɔ sa nu bɛkɔfa bɛkɔma maen bɔ bekosu ahennie ne anu mmaa ɔ. [

Mateo 25:46

Na ɛhemɔ kofi berɛ kɔhɔ asohwenɛ bɔ olle ayieleɛ nu; nakoso teneneefoɛ nemɔ de, bɛkɔhɔ daa ngoa nu.”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 1:11

Ɔwale ye bɔbɔ ye deɛ nu, nakoso ye bɔbɔ ye mmenia banne ye bando nu.

Yohane 4:22

Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ.

Asomafoɛ 13:14

Nakoso bɛ de, befili Pɛɛga, na bɛbɔle hwii bɛwale Antiokia bɔ ɔwɔ Pisidia; na afofikyẽa dwuli nen, bɛhɔ bɛɛtenane ase wɔ nyianu sua nu.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 13:5

Mmerɛ bɔ bedwuli Salami nen, bɛhane Nyameɛ dwirɛ ne wɔ Yudafoɛ nyianu sua nemɔ nu. Né Yohane boka bɛ ɔyɔ somvoɛ adwuma.

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Asomafoɛ 28:28

Afei Pɔɔlo dwurale ye dwirɛ ne kyɛ, “Mema ɛmɔnwu ye kyɛ bafa Nyameɛ ngoalelɛ nwo dwirɛ ne baama Amaenmaensofoɛ, na bekotie koso!” [

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Asomafoɛ 4:13

Na benwuni kyɛ Petro ne Yohane b’ahone yɛ se, ná besa benwuni kyɛ bɛte kwahweabaa mɔ bɔ bɛnze nwomaa nen, ɔyɛle bɛ nwanwa; na afei benwuni kyɛ bɛne Yesu yeɛ bɛnatele ɔ.

Asomafoɛ 7:51

Na Setefano toale so hane kyɛ, “Yisraelfoɛ asoserɛfoɛ, ɛmɔapini b’ahone, yeɛ afei ɛmɔaprapra bɛ so asi wɔ Nyameɛ dwirɛ ne anwo. Ɛmɔte kyɛ ɛmɔ nana mɔ ala, bɔ dáa ɛmɔsi Sunzum Krongron ne ate ɔ!

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 2:10

Na Nyameɛ kɔma bɛ bɔ bɛyɔ paa mukoraa animnyam, anidie ne asomdwee. Yudafoɛ yeɛ beli moa ɔ, yeɛ Helafoɛ toa berɛ ɔ.

Deuteronomi 32:21

Bɛsole bɔ nna Nyameɛ ahɔ ɔ maa ndwene ye nwo nungunɛ, na bɛfale bɛ mmosoen fiɛ nemɔ bɛhane me anyinga. Yiti me koso, ngɔfa mmenia mbaen bie bɔ nna maen ahɔ ɔ maa bɛkɔhwe ye nwo nungunɛ, na ngɔfa ngwaseafoɛ maen ngɔhã bɛ anyinga.

Filipifoɛ 1:14

na ɔnate me kukunu nnaa ne ati, aliɛmaa nemɔ nu pee bɔ bɛwɔ Kristo nu ne banya nguraenhyɛ, na bɛkora besi bɛ hue bɛkã Nyameɛ dwirɛ ne bɔ benzuro hwee ɔ.

Hebrifoɛ 11:34

benuane see wuronyiwuronyi, benyane bɛ ti ngoa bɔ bandotɔ ngrandɛ noa ɔ, benyane anwoserɛ befili mmerɛyɛlɛ nu, bɛ nwo yɛle se wɔ koɛ nu, na bɛfoane amanvrafoɛ asraafoɛ maa bɛnwatili.