Asomafoɛ 13:45 - AHYERƐLƐ KRONGRON

⁴⁵ Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Asomafoɛ 13:45 Iomraidhean Croise

Gyenesise 37:11

Yosef aliɛma nemɔ nye borole ye, nakoso ɔse de ɔfale edwirɛ nemɔ siele ye ti anu.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Yesaya 26:11

O AWURADE, apagya wɔ sa so, nakoso bennwu ye. Maa benwu kyɛbɔ esi kuro wɔ maen dwirɛ ɔ, ná bɛ nyunu ogua ase. See bɔ asiesie ama wɔ pɔfoɛ mɔ ne, maa ɔyera bɛ.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Mateo 23:13

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔto nyameɛso ahennie ne anu betia mmenia. Ɛmɔ bɔbɔ a ɛmɔngɔ nu, nakoso bɛ bɔ bɛ́kɔ nu ne, ɛmɔmma bɛ ate mma bɛngɔ nu. [

Mateo 27:18

Ofikyɛ, né Pilato se kyɛ ɛpɔen ti yeɛ baye Yesu bama ye ɔ.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 14:2

Nakoso Yudafoɛ bɔ banne dwirɛ ne banni ne, bɛsɛkyele Amaenmaensofoɛ nemɔ adwene, na bɛmaa benyane aliɛmaa nemɔ nwo adwene tɛɛ.

Asomafoɛ 14:4

Nakoso kuro berɛ ama nu hyɛle nyɔ; bue ko gyi Yudafoɛ nemɔ si, yeɛ bue ko koso gyi asomafoɛ nemɔ si.

Asomafoɛ 14:5

Nziɛ ye, Helafoɛ ne Yudafoɛ biemɔ ne bɛ mbanyi mɔ yɛle adwene kyɛ bɛkɔhyɛ Pɔɔlo ne Banaba anyeborolɛ na baboro bɛ nyɔboɛ.

Asomafoɛ 17:5

Nakoso Yudafoɛ bɔ banne banni ne, bɛ nye borole, yiti bɛfale ammɔbrafoɛ kekakekafoɛ biemɔ bɛbokale bɛ nwo so, bɛmane ɛlɔen yiale, na bɛmane kuro berɛ yɛle basabasa. Bɛpɛle Yason sua nwo beyiale, bɔ né bɛpena kyɛ bɛtwe bɛ befite bɛbrɛ ɛlɔen ne ɔ.

Asomafoɛ 18:6

Na sɛ né Yudafoɛ nemɔ bedwɔso betia ye, ná bɛkã musue dwirɛ betia ye a, ye koso ɔporoporo ye ataadeɛ nu kã kyire bɛ kyɛ, “Ɛmɔ bɔbɔ ɛmɔ mogya bɔ ɛmɔ ti so, ofikyɛ me de, menni ye nwo fɔ. Na ofi ɛnɛ bɔ ɔkɔ ɔ, ngɔhɔ Amaenmaensofoɛ mɔ dɔ.”

Asomafoɛ 19:9

Nakoso ebiemɔ yɛle asoserɛ, banne dwirɛ ne banni, na bɛhane musue dwirɛ betiale Atee ne wɔ mmenia wora ne nyunu. Yiti ɔyakyili bɛ berɛ, ɔfale agyidifoɛ ne bokale ye nwo so; na daa biala ɔyɛle ngyerɛkyerɛ wɔ ebie bɔ bɛfrɛ ye Tirano sukuu sua nu.

Asomafoɛ 5:17

Ɔsɔfo panyi paa ne, ɔne bɛ bɔ bɛboka ye so bɔ befi Sadusiifoɛ fekue ne anu ne, bɛ nye borole asomafoɛ nemɔ, yiti bɛyɛle adwene kyɛ bɛkɔyɔ ye nwo nikye.

Romanfoɛ 1:29

Sɔ bɔne hemɔ ayi bɛ ti anu tɛkyɛ, amumuyɛɛ, aborɛ, anyeboroborolɛ, ɛpɔen, anyeborolɛ, awuelilɛ, patapaa, nnakannaka, kanda, nzekure;

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

2 Korintofoɛ 11:26

Matu atee pee na mali amia wɔ nzue so, awuefoɛ sa nu, me bɔbɔ me nwo ama bɛ sa nu, Amaenmaensofoɛ sa nu, kuro nu nningyein suronyi, ɛserɛ so suronyi, ɛpo so suronyi, yeɛ aliɛmaa ngondombofoɛ sa nu.

Galatiafoɛ 5:21

anyeboroborolɛ, awuelilɛ, nzaabolɛ, ewiase anigye mbaen mbaen ɔne nningyein bɔ ɔtete sɔa ɔ. Mebɔ ɛmɔ ɛhemɔ nwo kɔkɔ, kyɛbɔ mabɔ ɛmɔ kɔkɔ daa ne, kyɛ bɛ bɔ bɛyɔ sɔ nningyein nemɔ ngɔhɔ Nyameɛ ahennie ne anu.

1 Tɛsalonikafoɛ 2:16

Na bɛberale yɛ kyɛ nnɛmaa yɛkã edwirɛ ne yɛkyire Amaenmaensofoɛ maa benya daa ngoa. Na ɛhe ma bɛ bɔne kwangoa ne oyi tɛkyɛ daa, ofikyɛ Nyameɛ ahonehulɛ ne wanya wawa bɛ so wayie!

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.

Yakobo 4:5

Anaakyɛ ɛmɔdwene kyɛ Ahyerɛlɛ ne kã ye mbaen, kyɛ, “Ɔtwe ye sunzum bɔ ɔte yɛ nu ne nwo nungunɛ” ɔ?

1 Petro 4:4

Na ɔyɛ bɛ nwanwa kyɛ afei de, ɛmɔmva ɛmɔ nwo bɛmmɔ bɛ wɔ sɔ bra fiɛ basabasa ne anu ɔ, yiti bɛkekã ɛmɔ nwo dwirɛ tɛɛ.

Yuda 1:10

Nakoso mmenia hemɔ de, bɛkekã dwirɛ tɛɛ betia nikyee biala bɔ bɛnde ye bo ɔ; na nikyee bɔ befi bɛ sona sue nu bɛse, kyɛ ngaka bɔ adwene nne bɛ ti anu ne, ye ala yeɛ ogua bɛ nwo fiɛ ɔ.