Asomafoɛ 13:43 - AHYERƐLƐ KRONGRON

⁴³ Na mmenia bɔ bɛwɔ nyianu sua ne anu ne, bɛpɔnone ná bɛpakyepakyele nu ne, Yudafoɛ pee ne Amaenmaensofoɛ pee bɔ basɔ Yudasom nu ɔ belili Pɔɔlo ne Banaba si; na asuafoɛ nyɔ ne tuli bɛ foɛ kyɛ bɛhɔ so bɛfa bɛ nwo bɛto Nyameɛ adom ne aso.

Asomafoɛ 13:43 Iomraidhean Croise

Mateo 23:15

“Ahyerɛlɛfoɛ ne Farasiifoɛ, ɛmɔ yaakɔ! Nyaatwomfoɛ! Ofikyɛ, ɛmɔkyini ɛpo ne aseɛ so kyɛbɔ ɛmɔkonya sona ko maa ɔkɔɔboka ɛmɔ fekue ne aso ɔ, na sɛ ɛmɔnya ye a, ɛmɔmaa ɔyɛ amaneɛnwunɛ kuroniɛ mmɔhoɛ nyɔ tra ɛmɔ bɔbɔ.

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 14:3

Nakoso bɛtenane berɛ bɛhyɛle; besili b’ahone bedwudwole wɔ Awurade nu, na ye koso olili ye adom dwirɛ ne nwo adanzeɛ, na ɔfale bɛ so yɔle nzɛngyerɛnneɛ ne anwanwadeɛ.

Asomafoɛ 16:14

Né mmrasua ne ko li Lidia; ofi Tiatira. Né ɔtɔne ago. Ɔte Nyamesomniɛ, na Awurade bukyele ye adwene nu maa ɔyɛle asoɛ mane Pɔɔlo.

Asomafoɛ 17:17

Yiti ɔne Yudafoɛ ne Amaenmaensofoɛ nyamesurofoɛ bɛyɛle mbɛnzɛmbɛnzɛmuɛ wɔ nyianu sua nu, na daa biala ɔne bɛ bɔ bɛwɔ dwaaso koso yɔle sɔ ala.

Asomafoɛ 17:34

Nakoso mmenia ne bie fale bɛ nwo bɛbɔle ye bɛyɛle agyidifoɛ; ebiemɔ ole Dionisio bɔ ɔboka Areopago fekue ne aso ne, yeɛ afei braa bie bɔ oli Damari, ɔne ebiemɔ bɔ bɛboka bɛ so ɔ.

Asomafoɛ 17:4

Bɛ nu biemɔ lele edwirɛ ne lili, na bɛfale bɛ nwo bɛbɔle Pɔɔlo ne Silase; sɔ ala yeɛ Helafoɛ nyamesurofoɛ pee ne mmrasua atitirefoɛ pee koso yɔle ɔ.

Asomafoɛ 18:7

Yiti ɔyakyili bɛ berɛ ɔɔtenane biaa bie bɔ ye dumaa li Tito Yusto, bɔ ɔso Nyameɛ ɔ ye awuro. Né ye awuro ne pingye nyianu sua ne pɛɛ.

Asomafoɛ 2:10

Frigyea ne Pamfilia, Misraim ne Libia aseɛ bɔ opingye Kirene. Yɛ nu biemɔ koso fi Rome,

Asomafoɛ 28:23

Bɛ ne Pɔɔlo hyɛle kyẽa, na kyẽa ne dwuli ne, mmeni pee wale ye berɛ wɔ nekaa bɔ ɔte ne. Ɔhane Nyameɛ ahennie ne nwo dwirɛ, na ohyirehyirele nu hyirele bɛ. Na ɔfale Mose mmeraa ne ngɔmhyɛlɛfoɛ dwirɛ ne hyirele bɛ Yesu nwo dwirɛ tonn fite ngyerɛmɔ ma aleɛ dwole.

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Romanfoɛ 11:6

Na sɛ ɔnate adom so de a, nzaade Nyameɛ frɛlɛ ne oggyi nnwumaa so ko, na sɛ ogyi nnwumaa so de a, ahaa adom ne ɔtte adom ko.

Romanfoɛ 3:24

Nyameɛ nate ye adom bɔ ɔfa kyɛ mbaen ne aso obua bɛ be wɔ Kristo Yesu nu ngoalelɛ ne anu.

Romanfoɛ 5:2

Ɔnate ye so yeɛ yafa gyidie so yanya adom he bɔ yɛgyi so ye; na yɛhoahoa yɛ nwo Nyameɛ animnyam nwo anyelasoɛ nu.

Romanfoɛ 5:21

Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.

2 Korintofoɛ 5:11

Ɔnate kyɛ yɛse kyɛbɔ Awurade nwo suronyi si te ɔ ne ati, yɛbɔ mmɔden kyɛ yɛkɔma mmenia kosuro ye ɔ. Nyameɛ se kyɛbɔ yɛsi yɛte ɔ, na mede medi kyɛ ɛmɔ tiboa koso ma ɛmɔse kyɛbɔ yɛsi yɛte ɔ.

2 Korintofoɛ 6:1

Yɛte bokafoɛ wɔ Nyameɛ adwuma nu, yiti yɛsrɛ ɛmɔ kyɛ, nnɛmɔma Nyameɛ adom bɔ ɛmɔanya ye ne yɛ mbaen.

Galatiafoɛ 5:1

Kristo ama yɛ fawɔnwodi amaa yayɛ nnehyeɛ. Yiti ɛ́mɔgyina pindinn, na nnɛma ɛmɔfa ɛmɔ nwo bewura ngoaasolɛ nu ko.

Galatiafoɛ 5:4

Ɛmɔ bɔ ɛmɔpena kyɛ bɛfa mmeraa ne aso bebua ɛmɔ be nen, ɛmɔ ne Kristo afia atete, na Nyameɛ adom abɔ ɛmɔ.

Ɛfesofoɛ 2:8

Na adom yeɛ bɛnate gyidie so bale ɛmɔ ngoa ɔ, nna bɔ ɛmɔayɔ hɔ ɔ, ɔte Nyameɛ akyɛdeɛ;

Filipifoɛ 3:16

Nakoso bɔ yanya ye dada ne, ɛ́mɔma yɛhɔ so yɛsɔ nu bum.

Filipifoɛ 4:1

Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Tito 2:11

Ofikyɛ Nyameɛ adom bɔ ɔfa ngoalelɛ brɛ adasa mmaa mukoraa ne, waye ye nwo ali.

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Hebrifoɛ 13:9

Onni kyɛ ɛmɔma ngyerɛkyerɛ foforɛ ahoroɔ biala twe ɛmɔ fi atee paa ne aso, ofikyɛ ɔte paa kyɛ Nyameɛ adom ne yeɛ ɔhyɛ y’ahone nguraen ɔ, na nna aleɛ bɔ mmenia bɔ bedi ne bennya ye nwo mvasoɛ biala hɔ ɔ.

1 Petro 5:12

Silwano bɔ mebu ye kyɛ ɔte aliɛmaa nahorɛniɛ ne, mafa ye so yeɛ mahyerɛ edwirɛ tikaape he mabrɛ ɛmɔ ɔ. Na mefa metu ɛmɔ foɛ ná medi adanzeɛ kyɛ, ɛhe te Nyameɛ nohorɛ adom ne, yiti ɛ́mɔgyina pindinn wɔ nu.

2 Petro 3:14

Yiti aliɛmaa mɔ, ɔnate kyɛ ɛmɔnwondɛ sɔ nningyein hemɔ ne ati, ɛ́mɔbɔ mmɔden kyɛ okonwu ɛmɔ wɔ asomdwee nu, bɔ ngekalewa anaa nnɛen biala nne ɛmɔ nwo ɔ.

1 Yohane 2:28

Na afei me ngwadaa mɔ, ɛmɔhɔ so bɛtena ye nu, amaa sɛ ye walɛ ne dwu ná ɔye ye nwo ali a, yahora yasi y’ahone, na yamvɛre wɔ ye nyunu.

2 Yohane 1:9

Sona biala bɔ onni Kristo ngyerɛkyerɛ so ná mmom ɔfa bie bata ye nwo ne, ɔnze Nyameɛ. Nakoso sona biala bɔ odi Kristo ngyerɛkyerɛ so ne, ɔse Baba ne ne Baa ne.