Asomafoɛ 13:39 - AHYERƐLƐ KRONGRON

³⁹ na ebiala bɔ okole ye koli nen, bekobua ye be wɔ nningyein amukoraa bɔ Mose mmeraa ne wangora wammua ɛmɔ be wɔ ye nwo ne.

Asomafoɛ 13:39 Iomraidhean Croise

YOB NWOMAA NE 25:4

Nzaade ɔkɔyɛ sɛɛ né dasaniɛ watengyɛ wɔ Nyameɛ nyunu? Sona bɔ brasua awo ye ɔ, ɔkɔyɛ sɛɛ né ye nwo ate?

YOB NWOMAA NE 9:20

Sɛ medi be po a, ahaa me bɔbɔ me noa kobua me fɔ, yeɛ sɛ mvomsoɛ nne me nwo po a, ɔkɔmaa ngonwu kyɛ me dwirɛ nyɛ fɛ.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yeremia 31:32

Ɔngɔyɛ kyɛ apam bɔ me ne bɛ nana mɔ yɛyɛle, mmerɛ bɔ nzɔle bɛ sa nyele bɛ mvili Misraim aseɛ so ne. Ɔwɔ nu kyɛ me yeɛ né nde bɛ hu ɔ, nakoso bebuli m’apam ne aso, AWURADE noa dwirɛ ɛne.

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Luka 10:25

Na yieee, mmeraa nwo nimdeɛniɛ bie dwɔso gyinane berɛ sole Yesu neane kyɛ, “Kyerɛkyerɛniɛ, nzu yeɛ nyɔ ná manya daa ngoa ɔ?”

Luka 10:28

Na Yesu sele ye kyɛ, “Ama mmuayɛɛ yé; yɔ sɔ, na ekonya ngoa.”

Luka 18:14

Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Yohane 1:17

Mmeraa ne de, bɛnate Mose so yeɛ bɛfa bɛmane ɔ; na adom ne nahorɛ ne de, ɔnate Yesu Kristo so yeɛ bɛwale ɔ.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Romanfoɛ 10:10

Ɔnate kyɛ, sona fa ye ahone yeɛ ode di ɔkɔ tenenee nu ɔ; na ye noa yeɛ ɔfa kã ye pefee onya daa ngoa ɔ.

Romanfoɛ 10:4

Na ɔnate kyɛ Kristo di mu tra mmeraa ne ati, amaa ɔnate so ebiala bɔ ode di ne babua ye be.

Romanfoɛ 3:19

Afei yɛse kyɛ nikyee biala bɔ mmeraa ne kã ne, ɔkã kyire bɛ bɔ bɛwɔ mmeraa ne abo ɔ. Na ɔnate sɔ ne ati, ebiala ngɔhora ngɔhã ngɔtete ye nwo, na Nyameɛ kobua wiase amukoraa ndɛen.

Romanfoɛ 3:20

Yiti bengogyina mmeraa nnwumaa so bengobua sona biala be wɔ Nyameɛ nyunu, ofikyɛ mmeraa ne de, ɔma sona nwu ye bɔne.

Romanfoɛ 4:15

Mmeraa ne twetwe ahonehulɛ piri ne ba, na nekaa bɔ mmeraa nne berɛ nen, mmeraatolɛ nne berɛ.

Romanfoɛ 4:24

Bɛhyerɛ bɛmane yɛ koso. Yɛ bɔ yɛde bɔ otingyele y’Awurade Yesu fili awufoɛ nu yɛdi ne, sɔ ala yeɛ bekobu yɛ gyidie bɛkɔma yɛ ɔ;

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

Romanfoɛ 5:20

Mmeraa ne de ɔwale maa bɔne trɛle, nakoso nekaa bɔ bɔne trɛle nen, Nyameɛ adom ne trɛle maa ɔbole so.

Romanfoɛ 5:9

Yiti sɛ ɔnate ye mogya so wabua yɛ be de a, né nzaade ɔkɔfa Kristo so kole yɛ kofi ye ahonehulɛ ne anu maa ɔkɔbo so.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

Romanfoɛ 9:31

Nakoso Yisrael bɔ olili tenenee mmeraa ne asi ne de, wangora wandwu tenenee mmeraa ne anwo.

1 Korintofoɛ 6:11

Na sɔ yeɛ né ɛmɔ nu biemɔ bɛte ɔ, nakoso ɔnate Awurade Yesu Kristo dumaa ne yɛ Nyameɛ Sunzum ne ati, Nyameɛ abia ɛmɔ, wate ɛmɔ nwo, na wabua ɛmɔ be.

Galatiafoɛ 2:16

Nakoso yɛse kyɛ ɔnate sona gyidie wɔ Yesu Kristo nu so yeɛ Nyameɛ bua ye be ɔ, na mmom ɔnnate mmeraa ne aso lilɛ. Yɛ koso yale Kristo yali, amaa ɔnate sɔ gyidie ne aso Nyameɛ abua yɛ be, na nna kyɛ mmeraa ne aso lilɛ ti ɔ; ofikyɛ nna mmeraa ne aso lilɛ yeɛ Nyameɛ kɔfa kobua sona biala be ɔ.

Galatiafoɛ 2:19

Na mede mvale mmeraa ne aso nwu mane mmeraa ne, kyɛbɔ ngɔtena ase ngɔma Nyameɛ ɔ.

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Galatiafoɛ 5:3

Na mebɔ kɔkɔ bieku kyɛ, sona biala bɔ ɔkɔmaa bɛkɔpɛ ye bienzua ne, mmeraa ne kyekye ye, na ɔsɛ kyɛ odi ye mukoraa so.

Hebrifoɛ 10:11

Ɔsɔfo biala gyina ndende daa biala yɔ ye sɔfodwuma ne, na afɔleɛ ko ne ala bɔ ɔbɔ ye daa daa ne ngora ngyikyi bɔne.

Hebrifoɛ 10:4

ofikyɛ nandwie nyii mogya ne mbɔngye mogya ngora ngyikyi bɔne.

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.