Asomafoɛ 13:34 - AHYERƐLƐ KRONGRON

³⁴ Na ye tingyelɛ bɔ otingyele ye fili awufoɛ nu, bɔ ongosa ngɔhɔ porɔlowaa tebea nu ko ne, bɔ ɔhã fale ye nwo ɛhe: ‘Ngɔfa Dawide saleɛ krongron bɔ onni ngasi ne ngɔma ɛmɔ.’

Asomafoɛ 13:34 Iomraidhean Croise

2 Samuel 23:5

Aso nna sɔ yeɛ m’abusua ɔte wɔ Nyameɛ nyunu anaa? Ofikyɛ ɔne me ayɛ apam afebɔɔ, ɔte apam bɔ wahyehyɛ ye pɛpɛɛpɛ bɔ onni ngasi ɔ. Na m’anyelasoɛ amukoraa, ɔne bɔ mepena amukoraa, aso ɔngɔboka me ma me sa ngɔhã ye anaa?

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Yeremia 30:9

Na mmom bɛkɔso AWURADE bɛ Nyameɛ ne bɛ hene Dawide bɔ ngosiesie ye ngɔma bɛ ne.

Yeremia 33:26

ahaa ye de ngɔpo Yakob ne me somvoɛ Dawide bɛ boso ama, bɔ mengɔneanea nu mengɔye ye boso ama nemɔ anu ko maa ongoli hene wɔ Abraham, Yisake ne Yakob bɛ boso ama so ɔ. Ofikyɛ ngosa ngɔfa bɛ ngofi nnurehyelɛ nu ngɔwa, na ngonwu bɛ anwumvoin.”

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Sakaria 12:8

Sɔ kyẽa ne, AWURADE kɔbɔ Yerusalemfoɛ nwo waen; na bɛ nu biala bɔ ɔyɛ mmerɛ ne, sɔ kyẽa ne, ɔkɔyɛ kyɛ Dawide; yeɛ Dawide awuro ama kɔyɛ kyɛ Nyameɛ, kyɛ AWURADE abɔfo bɔ oli bɛ nyunu ne.

Asomafoɛ 13:30

Nakoso Nyameɛ tingyele ye fili awufoɛ nu,

Asomafoɛ 13:33

kyɛ anohoba bɔ Nyameɛ bɔle yɛ nana mɔ ne, ɔnate Yesu bɔ otingyele ye ne aso wamaa wawa nu wama yɛ mɔ bɔ yɛte bɛ bosofoɛ ne, kyɛbɔ bahyerɛ ye wɔ Edwein bɔ ɔtɔ so nyɔ ne anu kyɛ, ‘Ɛte Mma; ɛnɛ mayɛ wɔ Baba.’

Asomafoɛ 13:37

Nakoso bɔ Nyameɛ tingyele ye fili ewue nu ne de wamborɔ.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Romanfoɛ 6:9

Yɛse kyɛ batingye Kristo bafi awufoɛ nu, na ongowu ko le; ewue olle tumi wɔ ye so ko.