Asomafoɛ 13:32 - AHYERƐLƐ KRONGRON

³² Na yɛ de, nzɛmba ne yeɛ yɛfa yɛbrɛ ɛmɔ ɔ,

Asomafoɛ 13:32 Iomraidhean Croise

Gyenesise 12:3

Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

Gyenesise 26:4

Ngɔmaa wɔ bosofoɛ kɔsone kyɛ nyameɛso nzramaa, na ngɔfa aseɛ ye amukoraa ngɔma bɛ, na ɔnate bɛ so yeɛ amaen maen mukoraa bekonya saleɛ ɔ,

Gyenesise 3:15

Ngɔfa ɛpɔen ngɔto wɔ ne braa n’afia, yeɛ wɔ boso ama ne ye boso ama b’afia; ɔkɔgyerɛgyerɛ wɔ ti, na wɔ wora aha ye gya si.”

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Yesaya 11:1

Bakaa ye nye bie kopukye kofi Yese dosii ne anu, na mmaen bie kofifi kofi ye ndii nemɔ anu kosu mmaa.

Yesaya 40:9

O Sion bɔ ɛso ndɛenvɛen ɔ, fo kɔ bokaa tendenn ne aso; O Yerusalem bɔ ɛso ndɛenvɛen ɔ, tea nu kã ye serɛserɛ, tea nu kã, na nnɛsuro. Kã kyire Yuda nguro nemɔ kyɛ, “Ɛ́mɔtie, ɛmɔ Nyameɛ ne ɛhe!”

Yesaya 41:27

Me yeɛ nnili moa nga ngyirele Sion kyɛ, Tie, bɛ ɛhe, ngɔsoma sona bɔ ɔso ndɛenvɛen ɔ maa ɔkɔhɔ Yerusalem.

Yesaya 52:7

Sona bɔ ɔso ndɛenvɛen nate mmokaa nemɔ aso ne, kyɛbɔ ye gya bo osi yɛ nyemene ɔ! Ɔbɔ asomdwee nwo dawure, ɔso edwirɛ paa nwo ndɛenvɛen, ɔbɔ ngoalelɛ nwo dawure, na ose Sion kyɛ, “Wɔ Nyameɛ ne, odi hene.”

Yesaya 61:1

AWURADE Nyameɛ Sunzum wɔ me so, ɔnate kyɛ AWURADE apopa me ngoo kyɛ nga nzɛmba ngyire bɛ bɔ bɛyɛ anwumvo ɔ; wasoma me kyɛ mmangyekye bɛ bɔ bɛ wora abɔ ɔ bɛ wora, kyɛ nga ngyire bɛ bɔ bahye bɛ nnure ɔ kyɛ banya fawɔnwodi, ɔne bɛ bɔ babɔ bɛ panwu ɔ kyɛ bayakyi bɛ;

Yesaya 7:14

Yiti AWURADE bɔbɔ kɔma ɛmɔ sɛngyerɛnneɛ. Ɛ́mɔtie! taluwa bie kɔnwonzɛ kɔwo baa bienzua, na ɔkɔto ye dumaa Yimanuel.

Yeremia 23:5

“Tie, mmerɛ bie ɔba, AWURADE noa dwirɛ ɛne, bɔ ngɔma Mmaen bie bɔ ɔtengyɛ ɔ kodwɔso wɔ Dawide bosofoɛ nu. Okoli hene, na okoyie ye yé. Okobua ndɛen turoloo kɔyɛ bɔ ɔtengyɛ ɔ wɔ aseɛ ne aso.

Hesekiel 34:23

Ngɔma mmoaenneafoɛ ko kɔnea bɛ so. Ye ole me somvoɛ Dawide. Ɔkɔma bɛ aleɛ, ɔkɔma bɛ aleɛ ná wayɛ bɛ so mmoaenneafoɛ.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Hagae 2:7

ngɔwoso maen maen mukoraa; na maen maen mukoraa b’anwonya kɔwa wa, na ngɔfa animnyam ngoyi awuro he tɛkyɛ, Asafo AWURADE noa dwirɛ ɛne.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Sakaria 13:7

O ngrandɛ, dwɔso tia me mmoaenneafoɛ ne, ɔne sona bɔ ɔte me nwoniɛ ne,” Asafo AWURADE noa dwirɛ ɛne. “Pura mmoaenneafoɛ ne, na mmoaen ne kɔbɔ aya, na ngɔkakyi me sa ngɔhɔ mmaa mmaa nemɔ aso.

Sakaria 6:12

ná se ye kyɛ, Asafo AWURADE nwa nyoo: Tie, biaa bɔ ye dumaa li ‘MMAEN’ ne, ye ɛhe. Ɔkɔfefɛ kofi ye boso, na okosi AWURADE asɔneyɛɛ sua ne.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Malaki 3:1

“Tie, mebaasoma me bɔfoɛ maa odi me nyunu osiesie atee nu. Na AWURADE bɔ ɛmɔpena ye ne, bɔ ye ole apam bɔfoɛ bɔ ɔla ɛmɔ ahone nwo ne, ɔkɔhɔ ye asɔneyɛɛ sua nu mvum nu. Tie, ɔ́ba, Asafo AWURADE noa dwirɛ ɛne.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Luka 1:19

Na abɔfo ne buale ye kyɛ, “Me ole Gabriel bɔ ngyi Nyameɛ nyunu; na basoma me kyɛ mmanga ngyire wɔ, ná mva ndɛenvɛen he mmrɛ wɔ.

Luka 2:10

Na abɔfo ne sele bɛ kyɛ, “Nnɛma ɛmɔsuro, na ɛ́mɔtie, ndɛenvɛen bɔ ɔte anigye piri paa bɔ ɔkɔyɛ maen maen amukoraa bɛ deɛ yeɛ mefa mebrɛ ɛmɔ ɔ;

Asomafoɛ 10:36

Ɛmɔse edwirɛ bɔ ɔfa brɛle Yisrael ɔ, mmerɛ bɔ ɔnate Yesu Kristo so ɔbɔle asomdwee nzɛmba ne nwo dawure ne; ye yeɛ ɔte ebiala Awurade ɔ.

Asomafoɛ 13:23

Sɔ biaa he, ye bosofoɛ nu yeɛ Nyameɛ yele Yisrael Ngoadefoɛ Yesu, kyɛbɔ ye bɔhyɛ te ne.

Asomafoɛ 13:38

Ɔnate sɔ ne ati, aliɛmaa mɔ, yɛma ɛmɔnwu ye kyɛ ɔnate Yesu so yeɛ bɛbɔ bɔnefakyɛ dwirɛ ne dawure bekyire ɛmɔ ye;

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 26:6

Na ɔnate kyɛ anyelasoɛ wɔ berɛ ma me wɔ bɔhyɛ bɔ Nyameɛ bɔle yɛ nana mɔ ne anu ti, kekesaala ye ngyi wa yeɛ bebua me ndɛen ɔ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 5:42

Na alehyeleɛ biala, bɛhɔle asɔneyɛɛ sua ne anu ne awuro awuro mɔ nu bɛyɛle ngyerɛkyerɛ, na bɛhane Yesu nwo nzɛmba kyɛ ye ole Kristo ne.

Romanfoɛ 1:2

bɔ ɔnate ye ngɔmhyɛlɛfoɛ so hyɛle ye nwo bɔ tole berɛ wɔ Ahyerɛlɛ Krongron ne anu,

Romanfoɛ 10:15

Na sɛ banzoma mmenia a, ɔkɔyɛ sɛɛ ná babɔ edwirɛ ne dawure? Kyɛbɔ bahyerɛ ye kyɛ, “Bɛ bɔ bɛso ndɛenvɛen bɛnate ne, kyɛbɔ bɛ gya bo osi yɛ nyemene ɔ!”

Romanfoɛ 4:13

Bɔhyɛ bɔ bɛfa bɛmane Abraham ne ye bosofoɛ kyɛ ewiase kɔyɛ bɛ deɛ nen, sɔ bɔhyɛ ne wamva mmeraa ne aso yeɛ ɔwale ɔ, na mmom ɔnate gyidie nwo tenenee so.

Romanfoɛ 9:4

Bɛte Yisraelfoɛ bɔ baayɛlɛ, animnyam, apam nemɔ, mmeraahyehyɛlɛ, ɛsɔnenɛ ne bɔhyɛ nemɔ bɛte bɛ deɛ ɔ.

Deuteronomi 18:15

AWURADE wɔ Nyameɛ kɔye ngɔmhyɛlɛniɛ bɔ ɔte kyɛ me kofi eliɛma nemɔ nu, kofi wɔ nu kɔma wɔ, na ye yeɛ ɔsɛ kyɛ ɛmɔtie ye ɔ.