Asomafoɛ 13:3 - AHYERƐLƐ KRONGRON

³ Bɛyɔle akɔngyere, bɛbɔle mbaeɛ, bɛfale bɛ sa beguale Banaba ne Sɔɔlo so, na beguale bɛ ate.

Asomafoɛ 13:3 Iomraidhean Croise

Numeri 27:23

Mose fale ye sa guale Yosua so, na ɔfale ye tuale maen ne anoa, kyɛbɔ AWURADE nate Mose so hyɛle ne.

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Asomafoɛ 1:24

Na bɛbɔle mbaeɛ kyɛ, “Awurade, wɔ yeɛ ɛse ebiala ti anu dwirɛ ɔ, yiti mmenia nyɔ he, kyire yɛ bɛ nu ko bɔ aye ye

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 13:4

Sunzum Krongron ne somane Banaba ne Sɔɔlo nen, besili nu bɛhɔle Selukia, na bɛfale ɛlɛen befili berɛ bɛhɔle Kipro.

Asomafoɛ 14:23

Na besili asɔre biala nu mbanyi bɛmane bɛ, na bɛfale mbaeɛbɔlɛ ne akɔngyere betuli bɛ bewurale Awurade bɔ bale ye bali ne sa.

Asomafoɛ 14:26

Na befili berɛ bɛfale ɛlɛen bɛwale Antiokia, nekaa bɔ bɛfale bɛ bewurale Nyameɛ adom ne sa bɛmane adwuma bɔ bayɔ bayie ne.

Asomafoɛ 15:40

nakoso Pɔɔlo de, ɔfale Silase bokale ye nwo so. Agyidifoɛ ne fale Pɔɔlo wurale Awurade adom ne sa, na osili nu hɔle.

Asomafoɛ 6:6

Bɛmaa beegyinane asomafoɛ ne nyunu berɛ, na bɛfale bɛ sa beguale bɛ so bɛbɔle mbaeɛ bɛmane bɛ.

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”

Romanfoɛ 10:15

Na sɛ banzoma mmenia a, ɔkɔyɛ sɛɛ ná babɔ edwirɛ ne dawure? Kyɛbɔ bahyerɛ ye kyɛ, “Bɛ bɔ bɛso ndɛenvɛen bɛnate ne, kyɛbɔ bɛ gya bo osi yɛ nyemene ɔ!”

1 Timoteo 4:14

Adom akyɛdeɛ bɔ ɔnate ngɔmhyɛlɛ so ɔne mbanyi mɔ sa bɔ bɛfa beguale wɔ so bɛfa bɛmane wɔ ne, nnɛbu wɔ nye gua so.

1 Timoteo 5:22

Nnɛpe ndɛen fa wɔ sa gua ebie so, yeɛ nnɛfa wɔ nwo dide ebiemɔ bɔne nu: Ma wɔ bra yɛ sannwuu!

2 Timoteo 1:6

Yiti mékaye wɔ kyɛ, Nyameɛ akyɛdeɛ bɔ ɔwɔ wɔ nu, bɔ mvale me sa nguale wɔ so maa enyane ye ne, maa ɔyɛ hye wɔ wɔ nu;

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

3 Yohane 1:6

Bɛ yeɛ bali wɔ dɔ ne nwo adanzeɛ bahyire asɔre ne ɔ. Na ɔte paa kyɛ ekogua bɛ ate kama bɔ ɔfata Nyameɛ solɛ ɔ.

3 Yohane 1:8

Yiti ɔsɛ kyɛ yɛboka sɔ mmenia nemɔ, amaa yɛ ne bɛ yayɛ aliɛmaa adwumayɔlɛfoɛ wɔ nahorɛ ne anu.