Asomafoɛ 13:29 - AHYERƐLƐ KRONGRON

²⁹ Na beyiele nikyee biala yɔ kyɛbɔ Ahyerɛlɛ ne kã fa ye nwo nen, bɛyele ye befili mmeamudua ne aso besiele ye.

Asomafoɛ 13:29 Iomraidhean Croise

Marko 15:42

Odwuli nɔsoa ne, na ɔnate kyɛ né ɔte anwoboaboa kyẽa, bɔ ɔpɛ nu a ɔte afofikyẽa ne ati,

Luka 23:50

Na tie, biaa bie bɔ bɛfrɛ ye Yosef bɔ ofi Yudafoɛ kuro Arimatea so, bɔ ɔte badwafoɛ nemɔ anu ko, bɔ ɔte sona paa ná ɔtengyɛ ɔ,

Luka 23:53

Yeɛ ɔyele fuin ne wale ase, ɔfale nwera kyekyele ye nwo, na ɔfale ye ɔɔtole asieleɛ bɔ bapɛ ye nyɔbotaen nu ɔ nu. Né bɛffale ebiala bɛttole nu le.

Luka 24:44

Na osele bɛ kyɛ, “Ɛhemɔ ole me dwirɛ bɔ nga ngyirele ɛmɔ ne, mmerɛ bɔ né me ne ɛmɔ yɛwɔ berɛ ne, kyɛ bɔ bahyerɛ bafa me nwo amukoraa wɔ Mose mmeraa ne ngɔmhyɛlɛfoɛ ne Edwein Nwomaa ne anu ne, ɔsɛ kyɛ ɔba nu ɔ.”

Yohane 19:28

Na ɛhe asi ne, bɔ Yesu nwuni kyɛ wanya wayie nikyee biala nen, (kyɛbɔ ɔkɔyɛ bɔ Ahyerɛlɛ ne kɔwa nu ne ati), ɔhane kyɛ, “Nzuhɔen ku me.”

Yohane 19:30

Na Yesu lele nzaa kekarekekare ne nen, ɔhane kyɛ, “Mayie.” Na osili ye ti ase, na ɔhale nu.

Asomafoɛ 13:27

Na ɔnate kyɛ bɛ bɔ bɛwɔ Yerusalem ne bɛ mbanyi mɔ bammu Yesu kyɛ ye ole Ngoadefoɛ ne, ná afei ngɔmhyɛlɛfoɛ dwirɛ bɔ bɛkenga ye afofikyẽa biala ne bande ye bo ne ati, bebuale ye ewue foɛ mane edwirɛ nemɔ wale nu.

Asomafoɛ 2:23

Na sɔ Yesu ne, bɛyele ye bɛmane, ɔnate kyɛ né Nyameɛ ayɔ sɔ nhyehyɛleɛ ne, yeɛ né koso ɔse sɔ dada. Na ɛmɔfale bɔnefoɛ so bɛbɔle ye mmeamudua nu behuni ye.

Asomafoɛ 26:22

Nakoso Nyameɛ abɔ me nwo waen alaa maa waadwu ɛnɛ kyẽa ye; yiti yeɛ ɔmaa ngyi wa medi adanzeɛ mekyire mmenia mukoraa ɔ: atitire ne kwahweabaa mɔ. Na edwirɛ bɔ ngɔmhyɛlɛfoɛ ne Mose hã tole berɛ kyɛ okosi ne ala yeɛ mekã ɔ:

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Asomafoɛ 5:30

Yɛ nana mɔ Nyameɛ tingyele Yesu bɔ ɛmɔbɔle ye mmeamudua nu behuni ye ne fili ewue nu.

1 Korintofoɛ 15:4

Besiele ye, na ye ɛlɛsa so odwɔso fili ewue nu, kyɛbɔ Ahyerɛlɛ ne kã ne.