Asomafoɛ 13:2 - AHYERƐLƐ KRONGRON

² Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 13:2 Iomraidhean Croise

1 Aberɛso Dwirɛ 16:4

Otuli Lewifoɛ nemɔ bie siele berɛ kyɛ bɛsɔne wɔ AWURADE apam alaka ne anyunu, na bɛsrɛ AWURADE Yisrael Nyameɛ saleɛ, na afei bɛla AWURADE ase ná bɛye ye ayɛ.

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Mateo 17:21

Na sɔ nikyee he de, kyɛbɔ osi te ne, ye bo ngora tu, sana mbaeɛ ne ɛhɔenhyelɛ yeɛ otu ye ɔ.]

Mateo 6:16

“Sɛ ɛmɔyɛ akɔngyere a, nnɛma ɛmɔyɛ ɛmɔ nyunu bosaa kyɛ nyaatwomfoɛ nemɔ, ofikyɛ benyinya bɛ nyunu kyɛbɔ mmenia konwu kyɛ bɛyɛ akɔngyere ɔ. Nahorɛ nu, mekã mekyire ɛmɔ kyɛ, banya b’akatuaa dada.

Mateo 9:38

Yiti ɛ́mɔsrɛ nnɔbaeɛtelɛ Mene ne, ná ɔma adwumayɔlɛfoɛ bɛbra ye nnɔbaeɛtelɛ adwuma ne anu.”

Luka 10:1

Na ɛhemɔ asi ne, Awurade yele mmenia aburasoo bieku, na ɔsomane bɛ nyɔ nyɔ maa belili ye nyunu moa bɛhɔle nguro biala ne nekaa biala bɔ ye bɔbɔ ɔbaahɔ berɛ ɔ so.

Luka 2:37

Né ɔte kunaniɛ bɔ wali afoɛ kɔyɛ aburawɔtwɛ ne nna; na daa biala né ɔwɔ asɔneyɛɛ sua nu berɛ, bɔ eyia ne kɔngɔen ole akɔngyere ne mbaeɛbɔlɛ ɔsɔne Nyameɛ ɔ.

Asomafoɛ 10:19

Na Petro gu so ɔdwenedwene nyekyire ne nwo nen, Sunzum ne sele ye kyɛ, “Nea, mmenia nza bie bɛpena wɔ.

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Asomafoɛ 13:3

Bɛyɔle akɔngyere, bɛbɔle mbaeɛ, bɛfale bɛ sa beguale Banaba ne Sɔɔlo so, na beguale bɛ ate.

Asomafoɛ 13:4

Sunzum Krongron ne somane Banaba ne Sɔɔlo nen, besili nu bɛhɔle Selukia, na bɛfale ɛlɛen befili berɛ bɛhɔle Kipro.

Asomafoɛ 14:26

Na befili berɛ bɛfale ɛlɛen bɛwale Antiokia, nekaa bɔ bɛfale bɛ bewurale Nyameɛ adom ne sa bɛmane adwuma bɔ bayɔ bayie ne.

Asomafoɛ 20:28

Yiti ɛ́mɔnea ɛmɔ nwo ne mmoaen amukoraa bɔ Sunzum Krongron afa bɛ awura ɛmɔ sa ne aso yé. Ɛ́mɔyɛ Nyameɛ asɔre ne bɔ ɔnate ye bɔbɔ Ɔwa ne mogya so nyane ye ne neafoɛ.

Asomafoɛ 22:21

Na Awurade sele me kyɛ, ‘Kɔ, na ngɔsoma wɔ dedeede maa ɛkɔhɔ Amaenmaensofoɛ berɛ.’ ”

Asomafoɛ 4:36

Sɔ ala koso yeɛ Yosef bɔ bɛwole ye Kipro na ofi Lewi abusua nu yɔle ɔ. Asomafoɛ ne tole ye dumaa Banaba (bɔ ye bo kyire “sona bɔ ɔhyɛ nguraen.”)

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Asomafoɛ 8:29

Na Sunzum ne sele Filipo kyɛ, “Kɔ teaseɛnam ne anwo berɛ!”

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Romanfoɛ 1:1

Pɔɔlo, Yesu Kristo akoaa, bɔ bafrɛ me kyɛ mmanyɛ somafoɛ, ná batu me basie berɛ bama Nyameɛ nzɛmba ne,

Romanfoɛ 10:15

Na sɛ banzoma mmenia a, ɔkɔyɛ sɛɛ ná babɔ edwirɛ ne dawure? Kyɛbɔ bahyerɛ ye kyɛ, “Bɛ bɔ bɛso ndɛenvɛen bɛnate ne, kyɛbɔ bɛ gya bo osi yɛ nyemene ɔ!”

Romanfoɛ 15:16

kyɛ nyɛ Kristo Yesu somvoɛ mma Amaenmaensofoɛ, ná nyɛ Nyameɛ nzɛmba ne nwo asɔfodwuma, ná Amaenmaensofoɛ bɛ́yɛ afɔleɛ bɔ ɔsɔ anyeɛ, bɔ Sunzum Krongron wate bɛ nwo ɔ.

1 Korintofoɛ 12:11

Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

2 Korintofoɛ 6:5

ɛbolɛ nu, kuku nu nnaa nu, basabasayɛlɛ nu, ɛfɛɛ nu, ɛpɛsilɛ nu, ɛhɔen hunɛ nu;

Galatiafoɛ 1:15

Nakoso Nyameɛ bɔ ɔneaneane nu yele me koraka yeɛ bɛbaawo me, na ɔlole me frɛle me ne, mmerɛ bɔ ɔsɔle ye nye

Ɛfesofoɛ 3:7

Na nzɛmba he anwo yeɛ bayɛ me somvoɛ ɔ, kyɛbɔ Nyameɛ adom akyɛdeɛ bɔ ɔnate ye tumi adwumayɔlɛ so wafa walo me ne ɔte ne.

Deuteronomi 10:8

Sɔ mmerɛ ne, AWURADE tuli Lewifoɛ siele berɛ, kyɛ bɛ́soa AWURADE apam alaka ne, ná bégyina AWURADE nyunu bɛ́so ye, ná bɛ́fa ye dumaa béyira mmenia, kyɛbɔ bayɔ toonn maa waadwu ɛnɛ ye.

Kolosefoɛ 4:17

Ɛmɔhã behyire Akipo kyɛ, “Nea kyɛ ɛkɔyɔ ɛsolɛ adwuma bɔ anya afi Awurade berɛ ne ekoyie pɛpɛɛpɛ ɔ.”

1 Timoteo 2:7

Na ɛhe ati yeɛ batu me basie berɛ bayɛ me nzɛmbahanɛniɛ ne somafoɛ ɔ, (mekã nahorɛ [wɔ Kristo nu], na membɛ ngondombo), nde Amaenmaensofoɛ nu kyerɛkyerɛniɛ wɔ gyidie ne nahorɛ nu.

2 Timoteo 1:11

Na nzɛmba he ati yeɛ babɔ me dumaa bayɛ me nzɛmbahanɛniɛ ne somafoɛ ne kyerɛkyerɛniɛ ɔ.

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.

2 Timoteo 4:11

Luka ngome twe yeɛ ɔne me wɔ wa ɔ. Ɛba a, fa Marko boka wɔ nwo so bra, ofikyɛ ye nwo hia me paa wɔ ɛsolɛ adwuma ne anu.

2 Timoteo 4:5

Nakoso wɔ de, ma wɔ nye la berɛ wɔ nikyee biala nu, mia wɔ nye fa amaneɛ nu, yɔ nzɛmbahanɛniɛ adwuma ne, ná yie wɔ solɛ adwuma ne bɔkɔɔ.

Hebrifoɛ 5:4

Ebiala ngora mva sɔ dibea ne ndo ye nwo so, na mmom sana Nyameɛ afrɛ ye kyɛbɔ ɔfrɛle Aarɔn nen.

1 Samuel 2:11

Afei Ɛlkana hɔle ye kuro Rama, nakoso akwadaa ne de, ɔhale ɔsɔfo Eli berɛ yɔle AWURADE adwuma.