Asomafoɛ 13:19 - AHYERƐLƐ KRONGRON

¹⁹ Nyameɛ sɛkyele maen nzoo wɔ Kanaan aseɛ so, na ɔhyɛle b’aseɛ ne mane yɛ nana mɔ kyɛkyɛ.

Asomafoɛ 13:19 Iomraidhean Croise

Gyenesise 12:5

Na Abram fale ɔye Sarae, oliɛma bienzua awa Lɔto, bɛ nwo nningyein bɔ banya amukoraa, ɔne mmenia bɔ benyane bɛ wɔ Haran, na besili nu kyɛ bɛ́kɔ Kanaan aseɛ so. Beedwuli Kanaan aseɛ so.

Gyenesise 17:8

Ngɔfa aseɛ bɔ aayɛ so wɔfoɛ ne, yeɛ Kanaan aseɛ mukoraa ngɔma wɔ ne kyẽa bie wɔ boso ama maa ɔkɔyɛ ɛmɔ deɛ afebɔɔ; na ngɔyɛ bɛ Nyameɛ”

1 Ahemvo 6:1

Yisraelfoɛ fili Misraim aseɛ so bɛwale ne, ye afoɛ bɔ ɔtɔ so ɛyaa nna ne aburawɔtwɛ ne anu, né Solomon anya afoɛ nna wɔ Yisrael bia ne aso. Na bosome Siwe bɔ yeɛ ɔte bosome bɔ ɔtɔ so nyɔ ne anu, Solomon hyɛle ye bo sili AWURADE awuro ne.

Nehemia 9:24

Yiti bɛ boso ama nemɔ, bɛhɔle aseɛ ne aso bɛɛfale, na Kanaanfoɛ bɔ bɛ yeɛ né bɛte aseɛ ne aso mmenia ne, ɛfale bɛ wurale Yisraelfoɛ bo. Na ɛfale bɛ ne b’ahemvo ne aseɛ ne aso ama wurale Yisraelfoɛ sa kyɛ bɔ bekuro ne, bɛfa bɛyɔ bɛ.

Edwein 135:11

Amorifoɛ hene Sihon, ne Basan hene Ogo, ne Kanaan ahennie amukoraa,

Edwein 78:55

Ɔfoane maen maen mɔ fili bɛ nyunu; ɔhyɛle b’aseɛ maa bɛfa bɛyɛle b’agyapadeɛ, na ɔmane Yisrael mmusua kure nemɔ bɛtenatenane b’ɛtena sua nemɔ anu.

Yesaya 34:17

Ye yeɛ wahyehyɛ aseɛ ne anu wafa wama bɛ ɔ, ye sa afa nyamaa wahyehyɛ nu wama bɛ, bɛkɔfa bɛkɔyɛ bɛ deɛ afebɔɔ, na bɛkɔtena so kofi aworɛ ndoatoasoɛ so kodwu aworɛ ndoatoasoɛ so.

Asomafoɛ 7:45

Na nziɛ ye, yɛ nana mɔ koso bɛ sa hane ɛtena sua ne fili bɛ baba mɔ berɛ, na bɛ ne Yosua fa wale maen maen bɔ Nyameɛ foane bɛ fili yɛ nana mɔ nyunu nemɔ aseɛ so. Na olili bɛ sa nu maa oodwuli Dawide aberɛ so.

Deuteronomi 7:1

“Na sɛ AWURADE wɔ Nyameɛ fa wɔ kodwu aseɛ bɔ ɛkwaafa tena so ne aso, ná ɔfoa maen maen pee fi wɔ nyunu a, mekyire Hitifoɛ, Gɛgasifoɛ, Amorifoɛ, Kanaanfoɛ, Perisifoɛ, Hiwifoɛ ne Yebusifoɛ: maen nzoo bɔ bɛ somaa ne b’anwoserɛ tra wɔ ɔ,

Yosua 14:1

Agyapadeɛ hemɔ yeɛ Yisraelfoɛ nyane ye wɔ Kanaan aseɛ so ɔ. Ɔsɔfo Eleasa, Nun awa Yosua, yeɛ mbanyi bɔ bɛlela mmusua nemɔ noa wɔ Yisrael abusua kure nemɔ anu yeɛ bɛhyɛle aseɛ ne bɛmane Yisraelfoɛ ɔ.

Yosua 18:10

Yosua guale serewa mane bɛ wɔ AWURADE nyunu wɔ Silo, na afei Yosua mane Yisrael abusua kure ngaa ne anu biala sa hane ye aseɛ.

Yosua 19:51

Sɔ aseɛ nemɔ yeɛ ɔsɔfo Eleasa, Nun awa Yosua ɔne mbanyi bɔ bɛlela Yisrael mmusua kure nemɔ noa ne beguale serewa wɔ Silo bɛhyɛle ɔ. Bɛhyɛle ye wɔ AWURADE nyunu, wɔ ɛtena sua atenaleɛ anoa nu berɛ. Yiti bɛhyɛle aseɛ ne anu beyiele.

Yosua 23:4

Ɛ́mɔtie, maen maen mɔ bɔ baha bɔ yɛnnya yɛllili bɛ so ngonim ne, yeɛ afei maen maen amukoraa bɔ mali bɛ so ngonim ne, b’aseɛ bɔ ofi asue Yɔɔdan noa ɔkwaadwu Ɛpo piri ne wɔ eyia atɔleɛ ne, mahyɛ mama ɛmɔ abusua kure nemɔ maa bafa bayɛ b’agyapadeɛ.

Yosua 24:11

Na ɛmɔpɛle asue Yɔɔdan bɛwale Yeriko nen, Yerikofoɛ ne ɛmɔ hone. Sɔ ala yeɛ Amorifoɛ, Perisifoɛ, Kanaanfoɛ, Hitifoɛ, Gɛgasifoɛ, Hiwifoɛ ne Yebusifoɛ bɛ ne ɛmɔ hone ɔ. Na mvale bɛ nwurale ɛmɔ sa.

Maenbulɛfoɛ 11:26

Afoɛ ɛyaa nza ɛhe yeɛ Yisrael atena Hesebon ne ye nwo nguraa mɔ nu, Aroye ne ye nwo nguraa mɔ nu, ɔne asue Anɔn noa nguro amukoraa nu ɔ. Nzu ati yeɛ sɔ mmerɛ ne, ɛmɔanne aseɛ ne bamvi bɛ sa nu ɔ?