Asomafoɛ 13:16 - AHYERƐLƐ KRONGRON

¹⁶ Yiti Pɔɔlo dwɔso gyinane, ɔmane ye sa so hyirele kyɛ bɛyɛ dinn, na osele bɛ kyɛ, “Aliɛmaa mɔ Yisraelfoɛ ne Amaenmaensofoɛ mukoraa bɔ besuro Nyameɛ ɔ, ɛmɔyɛ asoɛ betie me!

Asomafoɛ 13:16 Iomraidhean Croise

1 Ahemvo 8:40

amaa ɔnate so ngyẽa amukoraa bɔ bekoli ye aseɛ bɔ ɛfa mane yɛ nana mɔ ne aso ne, basuro wɔ.

Edwein 135:20

Ao Lewi awuro ama, ɛ́mɔye AWURADE ayɛ! Ɛmɔ bɔ ɛmɔsuro AWURADE ne, ɛ́mɔye AWURADE ayɛ!

Edwein 67:7

Nyameɛ koyira yɛ, na odi kyɛ bɛ bɔ bɛwɔ aseɛ so nekaa biala besuro ye.

Edwein 85:9

Amba, ye ngoalelɛ pingye bɛ bɔ besuro ye ɔ, na ye animnyam ne kɔtena ye aseɛ ne aso.

Mateo 11:15

Bɔ ole asoɛ ne, maa otie!

Luka 1:22

Na mmerɛ bɔ ofite wale ne, wangora dwudwo kyire bɛ, yiti benwuni kyɛ wanwu nikyee bie wɔ asɔneyɛɛ sua ne anu dɔ; wangora dwudwo, na ɔfale ye sa yeɛ ɔyɛle nzɛngyerɛnneɛ hyirele bɛ ɔ.

Luka 1:50

Na ye anwumvoinnwunɛ ne, ɔwɔ bɛ bɔ besuro ye ɔ so, wɔ aworɛ ndoatoasoɛ amukoraa nu.

Luka 23:40

Nakoso ko ne buale ye hwili ye nyunu kyɛ, “Enzuro Nyameɛ hɔ ɔ, kyɛ foɛ komapɛ ne ala yeɛ bafa babua wɔ ɔ?

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:35

na mmom maen biala nu, ebiala bɔ osuro ye, ná ɔyɔ bɔ ɔtengyɛ ne, ode ye to nu.

Asomafoɛ 12:17

Ɔfale ye sa nwahane bɛ kyɛ bemua bɛ noa, na ɔhane kyɛbɔ Awurade si yele ye fili kuku nu berɛ ne hyirele bɛ. Na osele bɛ kyɛ, “Ɛmɔhã edwirɛ he behyire Yakobo ne agyidifoɛ ngaa ne.” Na afei ofili berɛ hɔle neka foforɛ.

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 19:33

Na mmenia ne bie susuli kyɛ Aleksandro se edwirɛ ne nwo bie, ɔnate kyɛ né Yudafoɛ ne ahwe ye aagyina anyunu kyɛ ɔye dwirɛ ne noa. Aleksandro mane ye sa so hyirele mmenia ne kyɛ bɛyɛ dinn, na ɔyɛle kyɛ ɔye dwirɛ ne noa.

Asomafoɛ 2:14

Petro ne asuafoɛ buru ne ko nemɔ bedwɔsole, na ɔmane ye komvi so dwudwole serɛ hyirele ɛlɔen ne kyɛ, “Yudea mmienzua ne ɛmɔ bɔ ɛmɔte Yerusalem amukoraa, ɛ́mɔyɛ asoɛ betie me, ná ɛ́mɔma ngyire ɛmɔ ɛhe abo.

Asomafoɛ 2:22

“Yisraelfoɛ, ɛmɔtie edwirɛ he! Yesu bɔ ofi Nasarɛte ne, ɔte sona bɔ Nyameɛ yele ye tumi ne hyirele ɛmɔ wɔ nzɛngyerɛnneɛ ne anwanwadeɛ bɔ Nyameɛ fale ye so yɔle, kyɛbɔ ɛmɔ bɔbɔ bɛse ne, ofikyɛ ɛhe amu sili ɛmɔ nyunu.

Asomafoɛ 21:40

Na asraafoɛ panyi ne mane ye ate, yiti Pɔɔlo gyinane ndweleɛ ne aso, na ɔmane ye sa so bobole ɛlɔen ne. Na berɛ yɛle dinn ne, odwudwo hyirele bɛ wɔ Hebri dwudwolɛ nu kyɛ,

Asomafoɛ 22:22

Ɛlɔen ne tiele Pɔɔlo tonn maa oodwuli edwirɛ he aso, na afei bɛteateane nu kyɛ, “Behu sɔ akoaa he befi aseɛ ye aso! Ɔnate kyɛ ɔmvata kyɛ ɔtena ase ɔ.”

Asomafoɛ 3:12

Na Petro nwuni ye sɔ nen, osele ɛlɔen ne kyɛ, “Ɛmɔ, Yisraelfoɛ, nzu ati yeɛ ɛmɔama ɛhe ayɛ ɛmɔ nwanwa ɔ, anaakyɛ nzu ati yeɛ ɛmɔnea yɛ haa ye, kyɛ ebiaa yɛnate yɛ bɔbɔ yɛ tumi ne yɛ tenenee so yeɛ yɛmaa ɔnatele ɔ?

Nyekyire 2:11

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ewue bɔ ɔtɔ so nyɔ ne ngɔwa ye so.’

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’

Nyekyire 2:29

Bɔ ole asoɛ ne, maa otie bɔ Sunzum ne kã kyire asɔre nemɔ ne.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.