Asomafoɛ 13:14 - AHYERƐLƐ KRONGRON

¹⁴ Nakoso bɛ de, befili Pɛɛga, na bɛbɔle hwii bɛwale Antiokia bɔ ɔwɔ Pisidia; na afofikyẽa dwuli nen, bɛhɔ bɛɛtenane ase wɔ nyianu sua nu.

Asomafoɛ 13:14 Iomraidhean Croise

Luka 4:16

Yesu hɔle Nasarɛte, nekaa bɔ bɛtetele ye ne; na afofikyẽa ne, kyɛbɔ ɔyɔ ye daa ne, ɔhɔle nyianu sua nu. Na odwɔso gyinane berɛ kyɛ ɔbaakenga.

Asomafoɛ 13:42

Na bɛyɛle kyɛ befi nyianu sua ne anu berɛ bɛkɔ nen, mmenia ne srɛle kyɛ bɛbra afofikyẽa bieku bɛɛhã sɔ dwirɛ nemɔ behyire bɛ bieku.

Asomafoɛ 13:44

Na afofikyẽa bieku dwuli ne, kurotue ne amukoraa bɛwale nyianu sua nu berɛ maa ɔhale mmenia kãa bie kyɛ bɛbaatie Nyameɛ dwirɛ ne.

Asomafoɛ 13:46

Na Pɔɔlo ne Banaba sili b’ahone besele kyɛ, “Né ohia kyɛ ɛmɔ, Yudafoɛ yeɛ yɛdi moa yɛkã Nyameɛ dwirɛ ne yɛkyire ɛmɔ ɔ. Nakoso ɔnate kyɛ ɛmɔpo edwirɛ ne, ná ɛmɔmmu bɛ nwo kyɛ ɛmɔfata daa ngoa ne ati, ɛ́mɔtie, yɛkɔyakyi yɛkɔhɔ Amaenmaensofoɛ mɔ berɛ.

Asomafoɛ 13:5

Mmerɛ bɔ bedwuli Salami nen, bɛhane Nyameɛ dwirɛ ne wɔ Yudafoɛ nyianu sua nemɔ nu. Né Yohane boka bɛ ɔyɔ somvoɛ adwuma.

Asomafoɛ 14:19

Na Yudafoɛ biemɔ fili Antiokia ne Yikoniom bɛwale berɛ; betuli mmenia ne foɛ tɛɛ, na bɛborole Pɔɔlo nyɔboɛ bɛhwene ye befili kuro ne anu; né besusuli kyɛ wawu.

Asomafoɛ 16:13

Afofikyẽa dwuli ne, yɛfili kuro berɛ yɛhɔle asue bie noa nekaa bie bɔ yɛsusuli kyɛ ɔyɛ a beyia bɛbɔ mbaeɛ ɔ. Yɛtenane ase, na yɛdwudwo yɛhyirele mmrasua bɔ beeyiale berɛ ne.

Asomafoɛ 17:2

Na kyɛbɔ né Pɔɔlo taa yɔ ne, ɔhɔle nyianu sua ne anu, na ɔne bɛ yɔle Ahyerɛlɛ ne anu ngyerɛkyerɛ afofikyẽa sɔ alaa pɛen nza.

Asomafoɛ 18:4

Né afofikyẽa biala ɔkɔyɛ ngyerɛkyerɛ wɔ nyianu sua nu, na otuli Yudafoɛ ne Helafoɛ foɛ maa bele belili.

Asomafoɛ 19:8

Pɔɔlo hɔle nyianu sua nu tonn bosome nza. Osili ye ahone ɔne mmenia ne dwudwole, na ɔne bɛ yɛle ngyerɛkyerɛ fale Nyameɛ ahennie ne nwo.

Asomafoɛ 9:20

Ɔhɔle nyianu sua nemɔ nu berɛ ne ala, ɔɔhane Yesu nwo dwirɛ kyɛ ye ole Nyameɛ Awa ne.

2 Timoteo 3:11

ndaneanyeɛ bɔ wato me, m’amaneɛ bɔ ɔtole me wɔ Antiokia, Yikoniom ne Lisetra, ɔne ndaneanyeɛ ahoroɔ bɔ ɔtole me ne; nakoso Awurade lele me fili ye mukoraa nu.