Asomafoɛ 13:11 - AHYERƐLƐ KRONGRON

¹¹ Tie, Awurade kotua wɔ kerɛ kekesaala ye; wɔ nye kosi, na engonwu eyia ko, sana mmerɛ kãa pɛ nu.” Na berɛ ne ala awosii ne ɛborɔ katale Elima nye so maa ofuafuale penane sona bɔ ɔkɔsɔ ye sa kohyire ye atee ɔ.

Asomafoɛ 13:11 Iomraidhean Croise

Gyenesise 19:11

Afei bɛmane mmenia bɔ begyigyi anoa nu berɛ ne nye sini, fite ngwadaa so kodwu mbanyi so, na bɛfale bɛ sa befuafuale bɛpenane anoa ne.

2 Ahemvo 6:8

Mmerɛ bie bɔ Siria hene fale koɛ ɔɔtetale Yisrael ne, Siria hene ne ye mbanyi mɔ bɛbɔle porɛ, na ɔhane kyɛ, “Sɔ nekaa he yeɛ ngɔkyekye me koɛ asikyeleɛ ɔ.”

YOB NWOMAA NE 19:21

Ao, me damvo mɔ, ɛ́mɔnwu me anwumvoin e, ɛ́mɔnwu me anwumvoin e, ofikyɛ Nyameɛ ate ye sa wapura me!

Edwein 32:4

Ofikyɛ wɔ sa gyi me nwo eyia ne kɔngɔen; m’anwoserɛ amukoraa yiele kyɛbɔ asue wewe wɔ wawa mmerɛ ɔ. Sela

Edwein 38:2

Ofikyɛ w’agyaen nemɔ basinasina me, na w’asohwenɛ awa me so.

Ɛksadɔso 9:3

AWURADE tumi kɔma ngaka wue bɔ ye noa yɛ hye kɔha wɔ ngaka bɔ bahɔ adidie ɔ, wɔ mbɔngɔ mɔ, afunum mɔ, afupɔngɔ mɔ ne wɔ nyɛmmoa mɔ.

Yesaya 29:10

Ofikyɛ AWURADE afa nnafelɛ hatee sunzum wato ɛmɔ so, ɛmɔ nye bɔ yeɛ ɔte ngɔmhyɛlɛfoɛ ne, wamuamua ye, ɛmɔ ti bɔ yeɛ ɔte mmenia bɔ bɛse ase ne, wamundu so.

Yohane 9:39

Na Yesu hane kyɛ, “Ndɛenbualɛ ti yeɛ mmale wiase ɔ, amaa ɔnate so bɛ bɔ bennwu nikyee ne banwu nikye; ná bɛ bɔ benwu nikyee ne koso bakakyi anyesiniwaafoɛ.”

Asomafoɛ 9:17

Yiti Anania sili nu hɔle. Owurale awuro ne anu, ɔfale ye sa guale ye so, na ɔhane kyɛ, “Aliɛmaa Sɔɔlo, Awurade Yesu bɔ ɔyele ye nwo ali hyirele wɔ wɔ atee bɔ efi so wale ne aso ne, wasoma me wɔ wɔ berɛ, kyɛ esa nwu nikye, ná Sunzum Krongron oyi wɔ tɛkyɛ.”

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Hebrifoɛ 10:31

Na ɔyɛ suro kyɛ ɛkɔma Nyameɛ teasefoɛ ne sa kɔsɔ wɔ nu ɔ!

2 Petro 2:17

Sɔ mmenia nemɔ, bɛte abura mɔ bɔ nzue nne nu ɔ, ɔne munungum bɔ mvrama bɔ ye huu kɔ ɔ; na bɛ yeɛ basiesie awosii kabii bato berɛ bama bɛ ɔ.

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.

1 Samuel 5:9

Nakoso bɛfa bɛhɔle Gate nen, AWURADE tumi tuale kuro ne aso kerɛ piri paa. Ahunundetelɛ piri paa tɔle bɛ so. Ɔmane kuro berɛ mbanyi ne ngwalaa mukoraa nwuni amaneɛ, na mbɔmbɔ bobɔle bɛ.