Asomafoɛ 13:1 - AHYERƐLƐ KRONGRON

¹ Né ngɔmhyɛlɛfoɛ ne akyerɛkyerɛfoɛ biemɔ bɛwɔ Antiokia asɔre ne anu. Bɛ ole: Banaba, Simeon (bɔ bɛfrɛ ye Bire), Lukio (bɔ ofi Kirene), Manaen (bɔ bɛtetele ye ne manzini hene Herode bɛbɔle nu ne,) yeɛ Sɔɔlo.

Asomafoɛ 13:1 Iomraidhean Croise

Mateo 27:32

Na befili berɛ bɔ bɛkɔ nen, beyiale Kireneniɛ bie bɔ bɛfrɛ ye Simɔn; na bɛhyɛle ye maa ɔsoale Yesu mmeamudua ne.

Luka 3:1

Na Kaesare Tiberio ahennie afoɛ bɔ ɔtɔ so buru ne nnu ne, bɔ né Pontio Pilato te amrado wɔ Yudea nen, bɔ né Herode yeɛ ɔnea Galilea manzini ne aso ne, né oliɛma Filipo yeɛ ɔnea Yiturea ne Trakoniti manzini nemɔ aso ɔ, yeɛ né Lisania koso ɔne Abilene manzini so ɔ.

Asomafoɛ 11:30

Bɛyɔle sɔ, na bɛfale akyɛdeɛ ne bɛsomane Banaba ne Sɔɔlo maa bɛɛmane Yerusalem asɔre ne mbanyi mɔ.

Asomafoɛ 12:25

Banaba ne Sɔɔlo yiele bɛ dwumadie ne Yerusalem. Na besa befi Yerusalem bɛkɔ ne, bɛfale Yohane bɔ bɛfrɛ ye Marko ne bɛbokale bɛ nwo so.

Asomafoɛ 13:9

Na Sɔɔlo, bɔ besa bɛfrɛ ye Pɔɔlo, bɔ Sunzum Krongron ayi ye tɛkyɛ ne, ɔneane ngonyaayelɛniɛ ne haa,

Asomafoɛ 15:32

Na Yudase ne Silase bɔ bɛ koso bɛte ngɔmhyɛlɛfoɛ ne, bɛfale edwirɛ bɛtole dwirɛ nwo betuli bɛ foɛ maa benyane anwoserɛ.

Asomafoɛ 15:35

Na Pɔɔlo ne Banaba tenane Antiokia hyɛle kãa; bɛ ne mmeni pee yɛle ngyerɛkyerɛ, na bɛhane Awurade nzɛmba ne.

Asomafoɛ 19:6

Na Pɔɔlo fale ye sa guale bɛ so ne, Sunzum Krongron wale bɛ so; bɛhane edwudwolɛ ahoroɔ, na bɛhyɛle ngɔm.

Asomafoɛ 21:9

Né ole mmaa mmrasua nna. Bɛte mmabunu bɔ bɛhyɛ ngɔm ɔ.

Asomafoɛ 4:36

Sɔ ala koso yeɛ Yosef bɔ bɛwole ye Kipro na ofi Lewi abusua nu yɔle ɔ. Asomafoɛ ne tole ye dumaa Banaba (bɔ ye bo kyire “sona bɔ ɔhyɛ nguraen.”)

Asomafoɛ 9:1

Sɔ mmerɛ ne, né adwene biala nne Sɔɔlo ti anu te kyɛ anwunanwuna ne kodiawu adwene bɔ ɔfa ko tia Awurade asuafoɛ nemɔ ɔ. Yiti ɔhɔle ɔsɔfo panyi paa ne berɛ

Romanfoɛ 16:21

Mmiɛngo adwumayɔlɛniɛ Timoteo ne Lukio ne Yason ne Sosipatro bɔ bɛte m’abusuafoɛ ɔ bebisa ɛmɔ ahye.

1 Korintofoɛ 11:4

Bienzua biala bɔ ɔbɔ mbaeɛ anaa ɔhyɛ ngɔm ná ɔkata ye ti so ne, onni ye mene ni.

1 Korintofoɛ 13:2

Sɛ nne ngɔmhyɛlɛ akyɛdeɛ, ná mete mvealeɛ nu dwirɛ amukoraa ne nimdeɛ mukoraa bo, ná nne gyidie mukoraa bɔ ɔmaa mekora metutu mmokaa bo, nakoso nnne ɔdɔ a, né nnde huu.

1 Korintofoɛ 13:8

Ɔdɔ bo ngɔpɛ le, nakoso ngɔmhyɛlɛ bo kɔpɛ, edwudwolɛ ahoroɔ kɔpɛ nu kɔhɔ, yeɛ nimdeɛ koso kotu komini.

1 Korintofoɛ 14:29

Na ngɔmhyɛlɛfoɛ ne de, ma mmenia nyɔ anaa nza bedwudwo, na bɛ ngaa ne bua edwirɛ ne nwo ndɛen.

1 Korintofoɛ 14:32

Ngɔmhyɛlɛfoɛ sunzum mɔ wura ngɔmhyɛfoɛ nemɔ abo.

1 Korintofoɛ 9:6

Anaakyɛ me ne Banaba de, yɛ ngome twe yeɛ onni kyɛ yɛyakyi kyɛ yɛyɔ adwuma yɛnea yɛ nwo ɔ?

Galatiafoɛ 2:13

Na Yudafoɛ ngaa ne koso yɔle sɔ mvomsoɛ ne bie, na bɛ suban tɛɛ ne mane Banaba koso hwene ye nwo bie.

Galatiafoɛ 2:9

Na Yakobo, Kefa ne Yohane bɔ agyidifoɛ ne bu bɛ kyɛ bɛte bonima ma asɔre ne nwuni adom bɔ manya ye nen, besomane me ne Banaba sa nu bɛfa behyirele kyɛ bale yɛ bato nu: kyɛ yɛɛha nzɛmba ne yɛhyire Amaenmaensofoɛ, na bɛ wora bɛɛhã ye bienzuapɛlɛfoɛ nemɔ dɔ.

Ɛfesofoɛ 4:11

Na ye akyɛdeɛ ne ama ebiemɔ ayɛ asomafoɛ, ebiemɔ ngɔmhyɛlɛfoɛ, ebiemɔ nzɛmbahanɛfoɛ, ebiemɔ neafoɛ mɔ, yeɛ ebiemɔ akyerɛkyerɛfoɛ,

Filipifoɛ 4:22

Anwoteefoɛ ne amukoraa bebisa ɛmɔ ahye, nganga bɛ bɔ bɛwɔ Kaesare awuro ne.

1 Tɛsalonikafoɛ 5:20

nnɛma ɛmɔbu ngɔmhyɛlɛ animtia,