Asomafoɛ 12:7 - AHYERƐLƐ KRONGRON

⁷ Aworafire nu, Awurade abɔfo wale kuku nu berɛ, na sua ne anu tale hyireinn. Abɔfo ne pusupusuli Petro maa otingyele, na osele ye kyɛ, “Dwɔso ndɛ!” Na berɛ ne ala ngɔnzɔngɔnzɔ ne fili ye sa puro guale.

Asomafoɛ 12:7 Iomraidhean Croise

2 Samuel 22:29

O AWURADE, wɔ yeɛ ɛte me kanea ɔ, AWURADE, ɔta maa menya kanea wɔ m’awosii nu.

1 Ahemvo 19:5

Elia lale tanure ne abo berɛ na ɔfale nu lafele. Mvum nu, abɔfo bie fale ye sa hane ye, na osele ye kyɛ, “Dwɔso ná didi.”

1 Ahemvo 19:7

AWURADE abɔfo ne sa wale ɔɔfale ye sa hane Elia, na osele ye kyɛ, “Dwɔso na didi, anyɔ sɔ a, atee ne pɛlɛ kɔyɛ se kɔma wɔ.”

Edwein 107:14

Ɔyele bɛ fili awosii ne ewue bɔnza awosii kabii nu, na obubuli ngɔnzɔngɔnzɔ bɔ ogua bɛ ne anu.

Edwein 116:16

Ao AWURADE, nde wɔ somvoɛ, nde wɔ somvoɛ, w’afaneɛ awa ole me. Asangye nyamaa bɔ wakyekye me ne.

Edwein 146:7

Sona bɔ besisi ye ne, ye yeɛ odi ye dwirɛ ma ye ɔ, na ye yeɛ ɔma bɔ ɛhɔen ku ye ɔ aleɛ ɔ. AWURADE ma kukunufoɛ benya fawɔnwodi.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Edwein 68:6

Nyameɛ yeɛ ɔma sona bɔ olle bie ɔ awuro maa ɔtena nu ɔ; ɔye kukunufoɛ fite maa oyie bɛ yé, nakoso ɛlɔenyɛlɛfoɛ de, bɛtena aseɛ katerepee so.

Yesaya 37:30

“Na ɛhe yeɛ ɔkɔyɛ sɛngyerɛnneɛ kɔma wɔ ɔ: Afoɛ he, ɛmɔkoli aleɛ bɔ ye bɔbɔ wafifi wɔ aseɛ ne aso ɔ. Afoɛ bɔ ɔtɔ so nyɔ ne, ɛmɔkoli aleɛ bɔ okofifi ye si ne. Na afoɛ bɔ ɔtɔ so nza ne, ɛmɔkolua nningyein, ná ɛmɔafa so aleɛ; ɛmɔkolua bobe, na ɛmɔkoli so mmaa.

Yesaya 60:1

Dwɔso, ta hyireinn, ofikyɛ wɔ kanea ne wawa, yeɛ AWURADE animnyam ne apukye wɔ so.

Yeremia 40:1

Awɛmvoɛ nemɔ aso safohene Nebusaradan, onwuni Yeremia kyɛ bagua ye ngɔnzɔngɔnzɔ bɔ ɔboka mmenia amukoraa bɔ bahye bɛ nnure bafi Yerusalem ne Yuda bɔ bɛ́fa bɛ bɛ́kɔ Babilɔn ne aso. Nebusaradan sangyele Yeremia wɔ Rama, na ye si ye, AWURADE lale ye dwirɛ ali hyirele Yeremia.

Hesekiel 43:2

Yieee! Yisrael Nyameɛ animnyam fili eyia afiteleɛ bue nu dɔ wale; na ye walɛ ne, ɔyɛle wuruwuruwuru kyɛ asue pee bɔ bɛsẽ ɔ, na ye animnyam mane aseɛ tale.

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Mika 7:9

AWURADE ahonehulɛ ne, mede meto nu, ofikyɛ mayɔ bɔne matia ye, kɔpem kyɛ okoli me dwirɛ kɔma me, ná okobua ndɛen turoloo kɔma me ɔ. Ɔkɔye me kofite kɔwa hyireinn nu, na ngonwu ye tenenee ne.

Habakuku 3:11

Eyia ne ɛsraen begyinagyinane seinn wɔ b’atenaleɛ, mmerɛ bɔ w’agyaen nemɔ bɛ nwo tete yerɛmyerɛm bɛkɔ, bɔ wɔ pealɛɛ nwo hyɛmhyɛm ne ɔ́ta hyireinn ɔ.

Habakuku 3:4

Ye nwo hyireinn ne te kyɛ agralaa; né mmɛen nyɔ fi ye sa nu, ná nu yeɛ né ye tumi ne ɔfea ɔ.

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Luka 2:9

Na Awurade abɔfo yele ye nwo ali hyirele bɛ, na Awurade animnyam tale bɛ nwo bra yiale, na ɛserɛ hane bɛ paa.

Luka 24:4

Na ɔwale kyɛ, ɛhe maa bɛyɛle basaa, na mvum nu, mmienzua nyɔ bɔ bɛ ndaadeɛ te fufue hyɛnhyɛnn ɔ beegyinane bɛ nwo berɛ.

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Asomafoɛ 12:23

Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.

Asomafoɛ 12:8

Na Abɔfo ne sele ye kyɛ, “Bɔ w’abɔsoɛ na wura wɔ mbaboa.” Petro yɔle sɔ, na abɔfo ne sa sele ye kyɛ, “Fa w’ataadeɛ aguasoɛ wura na di me si.”

Asomafoɛ 16:26

Mvum nu, aseɛ wosole serɛserɛ mane kuku nu sua ne nyinasoɛ ne wosole. Berɛ ne ala, anoa ne amukoraa bukyebukyele, na ebiala ngɔnzɔngɔnzɔ bɔ ɔsosɔ ye ne puropuro guale.

Asomafoɛ 2:24

Nakoso Nyameɛ tingyele ye; olele ye fili ewue sa nu, ofikyɛ ɔyɛ se ma ewue kyɛ okonya ye so tumi ɔ.

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Asomafoɛ 9:3

Ɔpene atee so, ná ɔhale kãa maa odwu Damasko nen, mvum nu, kanea bie fili nyameɛso tale brale ye nwo yiale.

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

Nyekyire 18:1

Na ɛhemɔ asi ne, nwuni abɔfo foforɛ kyɛ ofi nyameɛso odwu ba ɔ. Né ole tumi piri, na ye animnyam tale aseɛ so.