Asomafoɛ 12:5 - AHYERƐLƐ KRONGRON

⁵ Na mmerɛ bɔ Petro la kuku nu berɛ nen, asɔre mma ne mane bɛ nye borole hɔle so bɔle mbaeɛ mane ye.

Asomafoɛ 12:5 Iomraidhean Croise

Mateo 18:19

“Nahorɛ nu, mekã mekyire ɛmɔ bieku kyɛ, sɛ ɛmɔ nu nyɔ yɛ adwene ko aseɛ ye aso wɔ nikyee biala bɔ bekobisa nwo a, me Baba bɔ ɔwɔ nyameɛso ne kɔyɔ kɔma bɛ.

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Asomafoɛ 12:12

Na mmerɛ bɔ Petro nwuni ye sɔ ne, ɔhɔle Yohane bɔ besa bɛfrɛ ye Marko ne ye maame Maria awuro, nekaa bɔ né mmenia pee bayia bɛbɔ mbaeɛ ɔ.

Asomafoɛ 12:4

Ɔhyele Petro nen, ɔtole ye kuku nu, na ɔfale ye wurale asraafoɛ fekue faa nna sa kyɛ bɛwɛne ye. Né fekue ko biala tira mmenia nna. Na Herode yɛle kyɛ sɛ bedi Abɔtra aluolue ne beyie a, ɔkɔye ye koli ye dwirɛ wɔ badwa nu.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

2 Korintofoɛ 1:11

Odi kyɛ ɛmɔ koso ɛmɔboka yɛ wɔ mbaeɛbɔlɛ nu, amaa mmeni pee bala Nyameɛ ase ama yɛ kyɛ wafa mmeni soma mbaeɛ so wafa sɔ adom ye walo yɛ ɔ.

1 Tɛsalonikafoɛ 5:17

nnɛma ɛmɔyakyi mbaeɛbɔlɛ le!

Hebrifoɛ 13:3

Ɛ́mɔkaye kukunufoɛ, kyɛ ebiaa ɛmɔ ne bɛ yeɛ begua kuku nu ɔ; ɔne bɛ bɔ benwu amaneɛ, kyɛ ebiaa ɛmɔ ne bɛ yeɛ benwu amaneɛ ne ɔ.

Yakobo 5:16

Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.