Asomafoɛ 12:4 - AHYERƐLƐ KRONGRON

⁴ Ɔhyele Petro nen, ɔtole ye kuku nu, na ɔfale ye wurale asraafoɛ fekue faa nna sa kyɛ bɛwɛne ye. Né fekue ko biala tira mmenia nna. Na Herode yɛle kyɛ sɛ bedi Abɔtra aluolue ne beyie a, ɔkɔye ye koli ye dwirɛ wɔ badwa nu.

Asomafoɛ 12:4 Iomraidhean Croise

Ɛseta 3:13

Bɛfale ngrataa nemɔ bɛsomane mmenia bɔ bɛ nwo yɛ nyera ɔ maa bɛfa bɛhɔle Nana Ahasuro manzini ne amukoraa nu. Nu dwirɛ kyire kyɛ, beli Yudafoɛ awue, behũ bɛ ná benua bɛ mukoraa bɛ boso: mmerandeɛ ne mbanyi, mmrasua ne ngwadaa ɛlɛhomapɛ, bɔ sɔ kyẽa ne te kyẽa bɔ ɔtɔ so buru ne nza wɔ bosome buru ne nyɔ, bɔ ye ole Ada ne anu. Osa ka kyɛ bɛfẽ bɛ nningyein bɛfa.

Ɛksadɔso 12:1

AWURADE sele Mose ne Aarɔn wɔ Misraim aseɛ so kyɛ,

Anyandera 19:21

Kuro sona fa ye adwene yɛ nhyehyɛleɛ pee, nakoso bɔ AWURADE ahyehyɛ ne yeɛ okogyina ɔ.

Anyandera 27:1

Nnɛfa ɛhema hoahoa wɔ nwo, ofikyɛ ɛnze alehyeleɛ nu dwirɛ.

Awuye 3:37

Nwa yeɛ ɔkã maa ɔba nu wɔ aberɛ bɔ nna AWURADE yeɛ wahyehyɛ ye sɔ ɔ?

Mateo 24:9

“Afei bɛkɔye ɛmɔ bɛkɔma maa ɛmɔkonwu amaneɛ, bekohũhũ ɛmɔ, na ɔnate me dumaa ti maen maen amukoraa bɛkɔpɔ ɛmɔ.

Mateo 26:5

Na bɛhane kyɛ, “Yɛngɔyɔ sɔ wɔ aluolue ne abo, anyɔ a né mmenia ayɔ basabasa wɔ maen ne anu.”

Marko 14:1

Né waha elenyɔ maa bedi Abɔtra ne Paanoo Kabrɛdi aluolue ne. Na asɔfo mbanyi ne ahyerɛlɛfoɛ nemɔ bɛpenane atee bɔ bɛkɔfa so bɛkɔhye Yesu kudɛɛ, ná bahu ye ɔ.

Luka 21:12

Nakoso anzana ɛhemɔ amukoraa bekosisi ne, bekoli moa bɛkɔhye ɛmɔ, ná batane ɛmɔ nye, bɛkɔhye ɛmɔ bɛkɔhɔ nyianu sua mɔ nu ne kuku nu, na ɔnate me dumaa ti bɛkɔfa ɛmɔ bekogyina ahemvo ne amrado mɔ nyunu.

Luka 22:33

Na Petro buale ye kyɛ, “Awurade, maboaboa me nwo kyɛ me ne wɔ yɛkɔhɔ kuku nu ne ewue nu.”

Yohane 19:23

Na asraafoɛ nemɔ bɔle Yesu mmeamudua nu beyiele nen, bɛfale ye tena bɛhyɛle nu nna maa sraaniɛ biala nyane ko; na bɛfale ye ataadeɛ bɔ owura ye bo ne koso. Nakoso ye ataadeɛ bɔ owura ye bo ne de, né olle mbaleɛ so, ofikyɛ bɛnwone befili anwuro beedwuli ase.

Yohane 21:18

Nahorɛ nu paa, mekã mekyire wɔ kyɛ, mmerɛ bɔ né ɛte aberandeɛ ne, ɛbɔle abɔsoɛ, na ɛhɔle nekaa biala bɔ ekuro ɔ. Nakoso sɛ ɛyɛ aworowaa de a, ɛkɔtengyɛ wɔ sa, ná ebie abɔ wɔ abɔsoɛ, ná wafa wɔ wahɔ nekaa bɔ enguro ɔ.”

Asomafoɛ 12:3

Na onwuni kyɛ bɔ wayɔ ne ayɛ Yudafoɛ nemɔ fɛ, yiti ɔtoale so hyele Petro koso. (Ɛhe sili Paanoo Kabrɛdi aluolue mmerɛ ne.)

Asomafoɛ 12:5

Na mmerɛ bɔ Petro la kuku nu berɛ nen, asɔre mma ne mane bɛ nye borole hɔle so bɔle mbaeɛ mane ye.

Asomafoɛ 4:28

Beyiale nu bɛfale adwene bɛyɔle nikyee biala kyɛbɔ wɔ tumi ne wɔ nhyehyɛleɛ aha ato berɛ kyɛ okosi ne.

Asomafoɛ 4:3

Ɛhe ati bɛhyele bɛ beeguale kuku nu kyɛ aleɛ kye a yeɛ bɛ ne bɛ koli ɔ, ɔnate kyɛ né aleɛ adwo.

Asomafoɛ 5:18

Na ɛhe ati, bɛhyehyele asomafoɛ nemɔ, na bɛfale bɛ beguale kuku nu.

Asomafoɛ 8:3

Nakoso Sɔɔlo de, ɔbɔle mmɔden ala kyɛ ɔkɔha asɔre ne; owurawurale awuro mɔ nu hyehyele agyidifoɛ mmienzua ne mmrasua maa bɛfale bɛ beguale kuku nu.