Asomafoɛ 12:24 - AHYERƐLƐ KRONGRON

²⁴ Nyameɛ dwirɛ ne hɔle so trɛle, na agyidifoɛ ne yɛle pee.

Asomafoɛ 12:24 Iomraidhean Croise

Anyandera 28:28

Bɔnefoɛ nya tumi a, mmenia nwati bɛkɔfea, na sɛ bɔnefoɛ bɛ boso nua a, teneneefoɛ bɛyɛ pee.

Yesaya 55:10

“Na kyɛbɔ esue ne asukɔtwea befi anwuro bɛtɔ begua ase, bɔ benza bɛngɔ, sana baloaloa aseɛ maa mmakaa bafifi, basu, maa wayɛ mmaa wama kuaniɛ, ɔne aleɛ wama bɔ odi ne,

Daniel 2:24

Afei Daniel hɔle Arioke bɔ Nana afa awura ye sa kyɛ ohũhũ Babilɔn nworɛfoɛ nemɔ ne berɛ, na oosele ye kyɛ, “Nnɛkũkũ Babilɔn nworɛfoɛ nemɔ! Fa me kɔ Nana nyunu, na ngohyire Nana laleɛ ne abo ngohyire ye.”

Daniel 2:44

Na sɔ ahemvo nemɔ aberɛ so, nyameɛso Nyameɛ kɔma ahennie bɔ ɔngɔsɛkye le ɔ kɔye ye ti, na sɔ ahennie ne, bɛngɔkakyi bengowura maen foforɛ sa. Sɔ ahennie ne kɔsɛkye ahennie nemɔ amukoraa kɔmaa bɛkɔbɔ bɔkɔɔ, nakoso ye de, okogyina afebɔɔ.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Asomafoɛ 19:20

Yiti Awurade dwirɛ ne hɔle so trɛle na onyini ngonim nu.

Asomafoɛ 5:39

Nakoso sɛ ofi Nyameɛ berɛ a, ɛmɔngɔhora bengogu ye, na sɛ ɛmɔannea yé a, Nyameɛ yeɛ ɛmɔkɔho bekotia ye ɔ.”

Asomafoɛ 6:7

Nyameɛ dwirɛ ne hɔle so trɛle; agyidifoɛ bɔ bɛwɔ Yerusalem yɛle pee; asa koso Yuda asɔfo pee bɛɛbokale agyidifoɛ nemɔ aso.

Kolosefoɛ 1:6

bɔ bɛfa bɛbrɛle ɛmɔ ne anu. Na onyi, yeɛ osu mmaa wɔ wiase amukoraa, kyɛbɔ wasu mmaa wɔ ɛmɔ nu fi kyẽa bɔ ɛmɔtele ná ɛmɔnwuni Nyameɛ adom wɔ nahorɛ nu ne,

2 Tɛsalonika 3:1

Bɔ ɔpɛ ye bo ɔ, aliɛmaa mɔ, ɛ́mɔbɔ mbaeɛ bɛ́ma yɛ, kyɛ Awurade nzɛmba ne onya atee trɛ ndɛndɛ ná onya animnyam, kyɛbɔ wanya ye wɔ ɛmɔ berɛ ne.