Asomafoɛ 12:23 - AHYERƐLƐ KRONGRON

²³ Na aworafire nu, Awurade abɔfo ɔɔbɔle ye tole ase, ofikyɛ wamva animnyam wamma Nyameɛ; ɔlɔle nnɔboakoma na owuli.

Asomafoɛ 12:23 Iomraidhean Croise

2 Ahemvo 19:35

Sɔ kɔngɔen ne ala, AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Aleɛ hyene ne, né efuin ngome yeɛ begua berɛ ɔ.

2 Aberɛso Dwirɛ 32:21

Na AWURADE somane abɔfo ko maa oohuhuni koɛhonɛfoɛ atitire nemɔ, safohene nemɔ ne mbanyi amukoraa bɔ bɛwɔ Asiria hene asikyeleɛ ne anu ne. Yiti Senakeribo le animguaseɛ sa hɔle ye bɔbɔ ye maen nu. Oodwuli ye bosoen sua ne anu ne, ye bɔbɔ ye mma bele ngrandɛ behuni ye wɔ berɛ.

YOB NWOMAA NE 19:26

Na sɛ anwonyerɛ didi me wereɛ sɛkye ye yie a, ndɛ wɔ anwoɔnaen nu ye de, ngonwu Nyameɛ.

YOB NWOMAA NE 7:5

Me nwonaen alɔ nnɔboakoma, na wayɛ fiɛ betɔɔ, me wereɛ apakyepakye, na otwi nzue.

Edwein 115:1

Ao AWURADE, nna yɛ, nna yɛ, na mmom wɔ dumaa yeɛ ɔfata animnyam ɔ, ɔnate wɔ ɔdɔ bɔ onni ngasi ne, ɔne wɔ nahorɛlilɛ ne ati.

Ɛksadɔso 10:3

Yiti Mose ne Aarɔn bɛhɔle Faro berɛ beesele ye kyɛ, “AWURADE, Hebrifoɛ Nyameɛ ne nwa nyoo, ‘Ɛkɔpo kyɛ ɛkɔbrɛ wɔ nwo ase wɔ me nyunu maa okoodwu kyinzu? Ma me mmenia nemɔ ate ma bɛhɔ, ná bɛɛsɔne me.

Ɛksadɔso 12:12

Ngɔɔpɛ nu Misraim aseɛ so sɔ kyẽa ne kɔngɔen, na ngohũ Misraim aseɛ so bamuɛbaa mukoraa, fite mmenia so kodwu ngaka so; na ngobua Misraim mmosoen amukoraa ndɛen. Me ole AWURADE.

Ɛksadɔso 12:23

Ofikyɛ AWURADE kɔɔpɛ nu kohũhũ Misraimfoɛ; na sɛ AWURADE nwu mogya bɔ ɔwɔ sua ne ye bati so, ɔne aponnwaa nyɔ nemɔ nwo a, okosã sɔ anoa ne anwo, na ɔngɔma sɛkyelɛniɛ ne ate ma ɔngɔwa ɛmɔ awuro berɛ ongohũhũ ɛmɔ.

Ɛksadɔso 12:29

Ye abunnamu ne, AWURADE huhuni Misraim aseɛ so bamuɛbaa mmienzua mukoraati, fite Faro bamuɛbaa bienzua bɔ ɔtena ye bia so ɔ so, kodwu sona bɔ bahye ye nnure bawura kuku nu ye bamuɛbaa so, ɔne nyɛmmoa mɔ bɛ bamuɛbaa mɔ so.

Ɛksadɔso 9:17

Nakoso bekye po yeɛ adwɔso atia me mmenia, bɔ ɛngɔma bɛngɔhɔ ɔ.

Anyandera 12:8

Begyina sona ye nworɛ so yeɛ bɛkamvo ye ɔ, nakoso bɔ adwene nne ye ti anu de, bebu ye animtia.

Yesaya 14:11

W’anwomasoɛ ne, ye bo aapɛ wɔ ɛborɔ, w’adengum bɔ bɛbɔ ne koso sɔ ala; bɛen bɔ ɛla so ne te nnɔboakoma, na esuronyi yeɛ bafa bagurɔ wɔ nwo ɔ.

Yesaya 37:23

“ ‘Nwa yeɛ agoro ye nwo ná abɔ ye alapaa ne? Nwa yeɛ adwudwo atia ye, bɔ ama wɔ nye atra wɔ ndo nwiaa wɔ ye so e? Yisrael Krongronniɛ ne yeɛ ayɔ sɔ atia ye ɔ!

Yesaya 51:8

Ofikyɛ mvrɔlɔ koli bɛ kyɛ ɛtena, yeɛ alɔponɛ koli bɛ kyɛ gyese; nakoso me tenenee de, ɔkɔyɛ afebɔɔ, na me ngoalelɛ kɔtena berɛ kɔma aworɛ ndoatoasoɛ amukoraa.”

Yesaya 66:24

“Na bekofite bɛkɔɔnea mmenia bɔ bayɛ me nwo lɔen nemɔ bɛ fuin, ofikyɛ bɛ nnɔboakoma nemɔ ngowu, bɛ see ne ngonua, na bɛkɔyɛ akyiwadeɛ bɛkɔma anwoɔnaen amukoraa.”

Hesekiel 28:2

“Sona awa, se Tiro maen panyi ne kyɛ, AWURADE Nyameɛ nwa nyoo: “Ɔnate kyɛ ɛte anwomasoɛ, ná ahã kyɛ, ‘Nde nyameɛ, nde nyameɛ mɔ bɛ bia so wɔ ɛpo afia;’ nakoso ɛte kuro sona, ɛtte nyameɛ, na ɛyɛ wɔ nwo kyɛ ɛse nworɛ kyɛ Nyameɛ;

Hesekiel 28:9

Aso ɛkɔhɔ so kɔhã kyɛ, ‘Nde Nyameɛ,’ wɔ bɛ bɔ beku wɔ ne anyunu? Ɛte sona, na mmom ɛtte Nyameɛ wɔ mmenia bɔ beku wɔ nemɔ bɛ sa nu.

Asomafoɛ 12:22

Na mmenia nemɔ bɛbɔ belele so kyɛ, “Ɛhe de, nyameɛ bie yeɛ odwudwo ne, na nna kuro sona ɔ!”

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

2 Tɛsalonika 2:4

Ye yeɛ odwɔso tia, na osa ma ye nwo so tra nikyee biala bɔ bɛfrɛ ye Nyameɛ ná bɛsɔne ye ɔ; na ɔkɔtena Nyameɛ asɔneyɛɛ sua nu kɔfrɛ ye nwo kyɛ ye ole Nyameɛ.

1 Samuel 25:38

Na ngyẽa kɔyɛ eleburu asi ne, AWURADE huni Nabal.