Asomafoɛ 12:20 - AHYERƐLƐ KRONGRON

²⁰ Né Herode afɛ Tirofoɛ ne Sidonfoɛ so yaa paa, yiti betuli mmenia kyɛ beenwu ye. Bɛfale bɛ dwirɛ bɛtole Blasto bɔ ɔnea ahemvie berɛ ne nyunu kyɛ ɔboka bɛ na ɔsrɛ ma bɛ, ɔnate kyɛ Herode maen nu yeɛ bɛ maen ne nya ye aleɛ fi ɔ.

Asomafoɛ 12:20 Iomraidhean Croise

Gyenesise 10:15

Kanaan wole ye bamuɛbaa bienzua Sidon, yeɛ afei Hɛte,

Gyenesise 10:19

Na Kanaan maen ɛwɛen ne trɛle fili Sidon toonn hɔle Gera bue nu dɔ, na oodwuli Gasa, Sodom, Gomora, Adema ne Seboyim ne Lasa.

2 Aberɛso Dwirɛ 2:10

Wɔ somvoɛ mɔ bɔ bɛpakye mmakaa ne, ngɔma bɛ atokoɔ olonka apee aburanyɔ, ayuo olonka apee aburanyɔ, nzaa galɔn apee ɛyaa nyɔ, yeɛ ngoo galɔn apee ɛyaa nyɔ.”

2 Aberɛso Dwirɛ 2:15

Me mene, atokoɔ, ayuo, ngoo ne nzaa bɔ ɛhane ye nwo dwirɛ ne, fa brɛ wɔ somvoɛ mɔ.

Ɛsra 3:7

Ye sɔ ne ati, bɛfale sikaa bɛbɔle suasilɛfoɛ ne bakaa dwumvoɛ mɔ paa, na bɛmane Sidonfoɛ ne Tirofoɛ aleɛ, anonneɛ ne ngoo maa bɛfale sida mmakaa beguale ɛpo so befili Lebanon bɛwale Yopa, kyɛbɔ Pɛsia hene Karose mane bɛ ate kyɛ bɛyɔ ne ala.

Anyandera 17:14

Ngondii bohyɛlɛ te kyɛ asue bɔ batikye ye ɔ, yiti anzana ɔkɔkakyi ngondii bɔ nu yɛ se nen, pɛ so.

Anyandera 20:18

Egyina foɛtulɛ so ɛfa adwene a, odi mu, sɛ ɛbaahɔ koɛ a, gyina foɛtulɛ paa so.

Anyandera 25:8

nnɛpere wɔ nwo ndɛndɛ fa kɔ mbanyi gya so, ofikyɛ ɔkwaayie ye bo ne, sɛ ebiɛngo bu gua wɔ so ma wɔ nyunu gua ase a, ɛkɔyɛ ye sɛ?

Nworɛ Dwirɛhanɛniɛ 10:4

Sɛ wɔ hene fɛ wɔ so yaa a, nnɛfi ye nyunu berɛ, ofikyɛ sɛ ɛbrɛ wɔ nwo ase a, ɔmaa bɛfa wɔ bɔne mbiri mbiri bɛkyɛ wɔ.

Hesekiel 27:17

Yuda ne Yisrael maen bɛ ne wɔ lili dwaa. Bɛfale atokoɔ bɔ ofi Minite, ayuo, woɛ, ngoo ne sakyeɛ yeɛ bɛsesane wɔ dwaa nningyein ɔ.

Luka 16:8

Na meneɛ ne kamvole hwɛsoniɛ bɔ onni nahorɛ ne, kyɛ wafa nworɛ wato bɔ wayɔ ne anwo. Ofikyɛ, wiase he anu ama bɛfa nworɛ atee so bɛyɔ bɛ nningyein wɔ bɛ mmango mɔ nu bɛtra kanea mma nemɔ.”

Asomafoɛ 12:21

Betuli kyẽa ko besiele berɛ, na odwuli ne, Herode wurale ye ahemvo ndaadeɛ, ɔɔtenane ye ahennie bia so, na odwudwo hyirele bɛ.

Asomafoɛ 21:3

Yɛdwuli nekaa bie bɔ né yɛ nye tua supɔ Kipro, na yɛyakyili ye yɛ sa bɛen so yɛhɔle Siria. Yɛdwu yɛwale etii so wɔ Tiro, ofikyɛ né bɛye ɛlɛen ne anu nningyein begua berɛ.

Asomafoɛ 21:7

Yɛtoale so yɛfale nzue so fili Tiro yɛwale Tolema; yɛɛbisale berɛ agyidifoɛ ne ahye na yɛlili bɛ nwo berɛ ɛlɛho.

Yosua 19:29

Ɛwɛen ne nate Rama alaa kodwu kuro Tiro bɔ bato ye nwo fasue ne. Afei ɔkondo kɔ Hosa, na ye noa kɔpem ɛpo ne. Nguro hemɔ boka so: Mahalabo, Akisibo,