Asomafoɛ 12:19 - AHYERƐLƐ KRONGRON

¹⁹ Herode hane bɛ so kyɛ bɛpena ye, nakoso bannwu ye. Yiti obisale awɛmvoɛ ne kyɛbɔ osi yɛle bɔ Petro nne berɛ ne, na ɔhyɛle kyɛ behũ bɛ. Ɛhe asi ne, Herode fili Yudea hɔle Kaesarea ɔɔtenane berɛ kãa.

Asomafoɛ 12:19 Iomraidhean Croise

1 Ahemvo 20:43

Na Yisrael hene sili nu fale ye nye hyirele ye awuro, na ole aworabɔlɛ ne ɛyaa sa hɔle Samaria.

Ɛseta 6:12

Na ɛhe asi ne, Modekae sa wale ahemvie anoa nu berɛ, nakoso Haman de, ɔfale aworabɔlɛ ne animguaseɛ hane ye nwo hɔle ye awuro.

Yeremia 36:26

Yeɛ ɛhene ne fale ahyɛdeɛ mane ɔwa bienzua Yerameel ne Seraya bɔ ye baba ole Asriɛl ne Selemia bɔ ye baba ole Abideel ne kyɛ bɛɛhye ahyerɛlɛniɛ Baruku ne ngɔmhyɛlɛniɛ Yeremia bɛbra, nakoso AWURADE fale bɛ feale.

Mateo 2:1

Mmerɛ bɔ bɛwole Yesu wɔ Betlehem bɔ ɔwɔ Yudea, wɔ ɛhene Herode aberɛ so nen, nworɛfoɛ biemɔ fili eyia afiteleɛ maen nu dɔ bɛwale Yerusalem,

Mateo 2:13

Nworɛfoɛ nemɔ hɔle ne asi ne, yieee, Awurade abɔfo yele ye nwo ali wɔ laleɛ nu hyirele Yosef, na osele ye kyɛ, “Herode pena akwadaa ne ku ye, yiti dwɔso fa akwadaa ne ne oni nwati kɔ Misraim, ná tena dɔ maa oodwu kyɛ ngose wɔ kyɛ esa bra ɔ.”

Mateo 2:16

Na Herode nwuni kyɛ nworɛfoɛ nemɔ balakalaka ye nen, ɔfɛle yaa hahii. Na ɔsomane maa beehuhuni ngwadaa mmienzua amukoraa bɔ bali afoɛ nyɔ ne bɛ bɔ bendwu ɔ, bɔ bɛwɔ Betlehem ne ye mbɔtam amukoraa; kyɛbɔ mmerɛ bɔ ɔtele dwirɛ ne fili nworɛfoɛ nemɔ berɛ ne osi kyire ne.

Asomafoɛ 12:18

Aleɛ hyene ne, edwirɛ piri tole asraafoɛ nemɔ, ofikyɛ né bɛngora bennwu nikyee bɔ wayɛ Petro ɔ.

Asomafoɛ 12:4

Ɔhyele Petro nen, ɔtole ye kuku nu, na ɔfale ye wurale asraafoɛ fekue faa nna sa kyɛ bɛwɛne ye. Né fekue ko biala tira mmenia nna. Na Herode yɛle kyɛ sɛ bedi Abɔtra aluolue ne beyie a, ɔkɔye ye koli ye dwirɛ wɔ badwa nu.

Asomafoɛ 12:6

Sɔ kyẽa ne kɔngɔen, bɔ Herode yɛle kyɛ aleɛ kye a ɔkɔye Petro kɔwa badwa nu ne, né Petro alafe wɔ asraafoɛ nyɔ afia. Né bafa ngɔnzɔngɔnzɔ nyɔ bagua ye ne asraafoɛ nyɔ ne; yeɛ afei né asraafoɛ ne bie koso gyigyi anoa ne si bɛwɛne kuku nu ne.

Asomafoɛ 16:27

Bɔ ɔnea kukunufoɛ so ne fili nnaa nu dwɔsole, na mmerɛ bɔ onwuni kyɛ kuku nu anoa nemɔ abukyebukye nen, ɔdwenene kyɛ kukunufoɛ ne anwati; yiti ɔhwene ye ngrandɛ kyɛ oku ye nwo.

Asomafoɛ 21:8

Na aleɛ hyene ne, yɛfili berɛ yɛwale Kaesarea. Yɛɛsikyele nzɛmbahanɛniɛ Filipo awuro. Né Filipo boka mmenia nzoo ne aso.

Asomafoɛ 25:13

Na ngyẽa kãa bie asi ne, Nana Agripa ne Bɛnise bɛwale Kaesarea kyɛ bɛbaasra Festo ná bɛyɛ ye akwaaba.

Asomafoɛ 27:42

Asraafoɛ nemɔ bɔle porɛ kyɛ bekohu kukunufoɛ ne ná bɛ nu biala wammia wannwati wangɔ.

Asomafoɛ 8:40

Na Filipo de, oofitele Asoto, na ɔpɛ nu kɔ nen, ɔhane nzɛmba ne wɔ nguro ne amukoraati so tonn oodwuli Kaesarea.

1 Samuel 23:14

Dawide tenane ɛserɛ so anwoserɛ afealeɛ nemɔ anu, wɔ mmokaa aseɛ bɔ ɔwɔ Sife ɛserɛ ne aso. Sɔɔlo hɔle so penane ye mmerɛ biala, nakoso Nyameɛ amva ye wanwura ye sa.