Asomafoɛ 12:11 - AHYERƐLƐ KRONGRON

¹¹ Na Petro nye wale ye nwo so ne, ɔhane kyɛ, “Afei de, manwu kyɛ ɔte nahorɛ kyɛ Awurade asoma ye abɔfo maa waaye me wafi Herode sa nu, ɔne nikyee biala bɔ Yudafoɛ nye la so kyɛ bɛkɔfa bɛkɔyɛ me ɔ nu.”

Asomafoɛ 12:11 Iomraidhean Croise

Gyenesise 15:13

Na AWURADE sele Abram kyɛ, “Memaa ɛte ye bo kyɛ, wɔ boso ama kɔyɛ ɛwɔfoɛ wɔ aseɛ bɔ nna bɛ deɛ ahɔ so. Bɛkɔyɛ ngoaa wɔ berɛ, na bɛkɔhyɛ bɛ so toonn afoɛ ɛyaa nna.

Gyenesise 18:13

Na AWURADE bisale Abraham kyɛ, “Nzu ati yeɛ Sara serele na ɔhane kyɛ, ‘Aso bekye bɔ mayɛ aworowaa ye yeɛ mebaawo ɔ?’

Gyenesise 26:9

Yiti Abimɛlɛke frɛle Yisake, na osele ye kyɛ, “Nea, ɛye ɔ, nzu ati yeɛ ɛnwa ‘nniɛma brasua’ ahɔ ɔ?” Na Yisake buale ye kyɛ, “Ofikyɛ né medwene kyɛ annea a ɔnate ye ti bekohu me.”

2 Samuel 22:1

Mmerɛ bɔ AWURADE lele Dawide fili ye pɔfoɛ amukoraa sa nu ne Sɔɔlo sa nu ne, Dawide tole dwein he yele AWURADE ayɛ.

2 Aberɛso Dwirɛ 16:9

Ofikyɛ AWURADE nye bɔ mborɔkaa wɔ aseɛ ye aso amukoraa, kyɛ bɛ bɔ bedi nahorɛ bɛma ye ne, okogyina bɛ si. Bɔ ayɔ ye, ali ngwaseasɛm. Yiti ofi sɔ mmerɛ ye bɔ ɔkɔ ɔ, koɛ kɔtaataa wɔ.”

YOB NWOMAA NE 31:31

yiti m’awuroama banga ye le kyɛ, ‘aso ebie wɔ berɛ bɔ ɔmaa ɔhɔle bɔ wamma ye ko anyi ɔ?’

YOB NWOMAA NE 5:19

Ɔkɔye wɔ kofi amaneɛ sɔ alaa nzia nu, yoo, na bɔ ɔtɔ so nzoo ne anu, edwirɛ biala ngɔto wɔ.

Edwein 109:31

Ofikyɛ ogyi sona bɔ ɔyɛ anwumvo ɔ ye sa famaa so, kyɛ ode ye fi bɛ bɔ babua ye ewue foɛ ɔ bɛ sa nu.

Edwein 33:18

Amba, bɛ bɔ besuro AWURADE, ɔne bɛ bɔ bɛ nye la ye ɔdɔ bɔ onni ngasi ne aso ne, bɛla ye ahone nwo,

Edwein 33:19

kyɛ ɔkɔpepɛ kole bɛ kra kofi ewue nu, na sɛ ɛhɔen piri ba a, ɔkɔmaa bekonya bɛ ti bekodidi nu.

Edwein 34:22

AWURADE de ye somvoɛ mɔ ngoa, na ebiala nne berɛ bɔ ɔkɔɔfea ye nu, bɔ ongoyie ye yé ɔ.

Edwein 34:7

Bɛ bɔ besuro AWURADE ne, ye abɔfo bɔ bɛ nwo waen bra yia, na ɔpepɛ de bɛ.

Edwein 41:2

AWURADE bɔ ye nwo waen, na ɔmaa onya ngoa, oyira ye wɔ aseɛ so. Bɔ ye pɔfoɛ mɔ bɛpena kyɛ ɔto ye ne, ɛmma ɔndo ye.

Edwein 97:10

Ɛmɔ bɔ ɛmɔkuro AWURADE dwirɛ ne, odi kyɛ ɛmɔkyi bɔne; ɔbɔ ye anwoteefoɛ bɛ kra nwo waen, na ɔpepɛ de bɛ fi bɔnefoɛ mɔ sa nu.

Daniel 3:25

Yeɛ osele kyɛ, “Nakoso menwu mmenia nna bɔ basangye bɛ ɔ bɔ bɛnatenate see ne anu ɔ. Nikye fee ɔyyɔle bɛ, na ko bɔ ɔtɔ so nna ne de, ye sue te kyɛ nyameɛ mɔ bɛ wa bie.”

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Luka 15:17

Afei ye nye wale ye nwo so, na ɔhane kyɛ, ‘Apaafoɛ bɔ bɛwɔ me baba awuro ɔ bedidi bɛma bɛ ko yi ma ebie ka, yeɛ me de, ɛhɔen dosa me wɔ wa ye!

Asomafoɛ 12:7

Aworafire nu, Awurade abɔfo wale kuku nu berɛ, na sua ne anu tale hyireinn. Abɔfo ne pusupusuli Petro maa otingyele, na osele ye kyɛ, “Dwɔso ndɛ!” Na berɛ ne ala ngɔnzɔngɔnzɔ ne fili ye sa puro guale.

Asomafoɛ 24:27

Afoɛ nyɔ asi ne, Pɔkio Festo sili amrado Felise gya nu. Né Felise pena kyɛ ɔyɔ nikyee ma Yudafoɛ ne nye sɔ, yiti ɔmaa Pɔɔlo hale kuku nu berɛ.

Asomafoɛ 25:9

Nakoso né Festo kuro kyɛ ɔyɔ nikyee ma Yudafoɛ nemɔ nye sɔ, yiti obisale Pɔɔlo kyɛ, “Ekuro kyɛ ɛkɔ Yerusalem ɛkɔye kwaadu hemɔ noa wɔ me nyunu wɔ dɔ anaa?”

Asomafoɛ 5:19

Nakoso kɔngɔen ne, Awurade abɔfo wale oobukyele kuku nu anoa nemɔ, na ɔyele bɛ fili kuku nu berɛ fitele, na osele kyɛ,

Hebrifoɛ 1:14

Aso bɛ mukoraa bɛtte sunzum asomvoɛ mɔ, bɔ ɔsoma bɛ maa bɛkɔɔso mmenia bɔ bekonya ngoalelɛ ɔ?

2 Petro 2:9

né nzaade Awurade se atee bɔ ɔfa so ɔpepɛ de bɛ bɔ besuro ye ɔ fi nzɔhwɛ nu, ɔne kyɛbɔ ɔtwe bɛ bɔ bɛndengyɛ so ɔfa nwondɛ ndɛenbualɛ kyẽa ne ɔ,