Asomafoɛ 11:5 - AHYERƐLƐ KRONGRON

⁵ “Né nwɔ Yopa kuro nu mebɔ mbaeɛ, na ngɔle nyekyire tebea nu, na nyekyire nu, nwuni nikyee bie bɔ ɔte kyɛ nwera pirikua, bɔ basosɔ ye noa nna ne anu, bɔ odwu fi nyameɛso ba ase ɔ, na oogyinane me nwo berɛ.

Asomafoɛ 11:5 Iomraidhean Croise

Hesekiel 2:9

Na nneane nen, yieee, asaa bie tengyɛle wɔ me so, na nwuni kyɛ né otira nwomaa bɔ babobɔ ɔ.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Asomafoɛ 22:17

“Na ɔwale kyɛ nza male Yerusalem ná mebɔ mbaeɛ wɔ asɔneyɛɛ sua nu ne, ngɔle nyekyire tebea nu.

Asomafoɛ 9:10

Né gyidiniɛ bie bɔ bɛfrɛ ye Anania wɔ Damasko. Né Awurade aha ahyire ye wɔ nyekyire nu kyɛ, “Anania!” Na obuale kyɛ, “Me ɛhe, Awurade.”

Asomafoɛ 9:36

Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Asomafoɛ 9:38

Yopa ne Lida anwa biala. Yiti mmerɛ bɔ Yopa agyidifoɛ tele kyɛ Petro wɔ Lida nen, bɛsomane mmenia nyɔ maa beesele ye kyɛ, “Yɛsrɛ wɔ, ma wɔ nwo yɛ nyera ná bra yɛ wa.”

Asomafoɛ 9:42

Edwirɛ he tenele Yopa mukoraa, na mmeni pee lele Awurade lili.