Asomafoɛ 11:3 - AHYERƐLƐ KRONGRON

³ kyɛ, “Nzu ati yeɛ ɛhɔle bɛmbɛ-bɛ-bienzuafoɛ nemɔ berɛ, ná ɛne bɛ sa didili ne!”

Asomafoɛ 11:3 Iomraidhean Croise

Mateo 9:11

Na Farasiifoɛ nemɔ nwuni ye sɔ nen, bebisale ye asuafoɛ nemɔ kyɛ, “Nzu ati yeɛ ɛmɔ kyerɛkyerɛniɛ ne ɔne ɛtoɔdidelɛfoɛ ne bɔnefoɛ bedidi ye?”

Luka 15:2

Yeɛ Farasiifoɛ ne ahyerɛlɛfoɛ nemɔ bɛyɛle nwuhunwuhu kyɛ, “Biaa he ode bɔnefoɛ to nu, na osa ne bɛ bedidi.”

Yohane 18:28

Yeɛ bɛfale Yesu befili Kaifa berɛ bɛhɔle amrado n’aluo berɛ; na né ɔte ngyerɛmɔ tutuutu. Nakoso bɛ bɔbɔ de, bangɔ amrado n’aluo berɛ bie, kyɛbɔ ɔkɔyɛ bɔ bɛ nwo ngogua fiɛ, ná bahora bali Abɔtra (aleɛ) ne ɔ.

Asomafoɛ 10:23

Yiti Petro fale bɛ hɔle awuro, na ɔmaa besiele nningyein bɛmane ye. Na aleɛ hyene ne, Petro boaboale ye nwo ɔne bɛ hɔle; agyidifoɛ bɔ bɛwɔ Yopa ne bie koso ne ye hɔle.

Asomafoɛ 10:28

Na osele bɛ kyɛ, “Ɛmɔ bɔbɔ ɛmɔse kyɛ otia mmeraa kyɛ Yudaniɛ ɔkɔfa ye nwo kɔbɔ Amaenmaensoniɛ anaakyɛ ɔkɔhɔ ye awuro kɔɔsra ye ɔ. Nakoso Nyameɛ aye ahyire me kyɛ onni kyɛ mebu sona biala kyɛ ɔbboka yɛ so, anaakyɛ ye nwo nde.

Asomafoɛ 10:32

Yiti soma mmenia ma bɛhɔ Yopa bɛɛfa Simɔn bie bɔ besa bɛfrɛ ye Petro ne bɛbra. Ɔte Simɔn bie bɔ owura naen nwomaa ayire, bɔ ye awuro wɔ mboanoa ne berɛ.’

Asomafoɛ 10:48

Yiti ɔmaa bɛbɔle bɛ asu wɔ Awurade dumaa nu. Yeɛ bɛsrɛle ye kyɛ oli bɛ nwo berɛ kɔyɛ ɛlɛsa ko.

1 Korintofoɛ 5:11

Na afei bɔ mekyerɛ mebrɛ ɛmɔ ole kyɛ, nnɛma ɛmɔ ne ebiala bɔ ɔfrɛ ye nwo aliɛmaa bɔ ɔbɔ adwaman, anaa ɔte anyeboroborolɛ, anaa ɔte bosoensolɛniɛ, anaa ɔte tuture, anaa akɔnomnzaniɛ anaa awueniɛ besã, nnɛma ɛmɔ ne ye to asaa bedidi po.

Galatiafoɛ 2:12

Ofikyɛ, anzana ɛbɔfoɛ biemɔ bɛbaafi Yakobo berɛ bɛba nen, né Petro ne Amaenmaensofoɛ (agyidifoɛ) nemɔ to asaa bedidi. Nakoso bɛwale nen, ɔhwene ye nwo fili bɛ nwo, ofikyɛ né osuro bienzuapɛlɛfoɛ nemɔ.

2 Yohane 1:10

Sɛ ebiala ba ɛmɔ berɛ nna ottira sɔ ngyerɛkyerɛ ye a, nnɛma ɛmɔsikye ye ɛmɔ awuro anaa nnɛma ɛmɔyɛ ye akwaaba.