Asomafoɛ 11:24 - AHYERƐLƐ KRONGRON

²⁴ Né Banaba te sona paa bɔ Sunzum Krongron ne gyidie ayi ye tɛkyɛ ɔ, na ɔhwene mmenia pee maa beelili Awurade si.

Asomafoɛ 11:24 Iomraidhean Croise

2 Samuel 18:27

Yeɛ wɛmvoɛ ne sele kyɛ, “Ko bɔ oli moa ne, ye amirikatulɛ soma Sadoke awa Ahimaase.” Na Nana Dawide sele kyɛ, “Ɔte sona paa, yiti ɔso ndɛenvɛen.”

Edwein 112:5

Sona bɔ ye ti anu yɛ mmerɛ, ná ɔfa fɛmo ye mmango, ná ɔfa nahorɛlilɛ bɔ ye bra ne, oyie ye yé.

Edwein 37:23

AWURADE yeɛ otutu sona gya siesie yé ɔ, sɛ ye atee sɔ ye nye a, ɔmaa otindim.

Anyandera 12:2

Sona paa sɔ AWURADE nye, nakoso sona bɔ ɔdwene adwene tɛɛ de, AWURADE bua ye fɔ.

Anyandera 13:22

Sona paa yakyi ye nnomaa agyapadeɛ, nakoso bɔnefoɛ anwonyadeɛ de, okooli teneneefoɛ sa nu.

Anyandera 14:14

Amumuyɛɛniɛ ye bɔbɔ ye yɔleɛ obu sa ye, yeɛ sona paa wora onya bɔ ɔyɔ ɔ nwo akatuaa.

Mateo 12:35

Sona paa fi nningyein paa bɔ waboaboa ye noa wɔ ye ahone nu ɔ nu yeɛ ɔda nningyein paa ali ɔ; yeɛ sona bɔnefoɛ fi bɔne nningyein bɔ waboaboa ye noa wɔ ye ahone nu ɔ nu yeɛ ɔda bɔne nningyein ali ɔ.

Mateo 19:17

Na Yesu buale ye kyɛ, “Nzu ati yeɛ ebisa me paa nwo dwirɛ ɔ? Nyameɛ ngome twe yeɛ ɔte paa ɔ. Sɛ ɛpena kyɛ ɛkɔ daa ngoa nu a, di mmeraa dwirɛ ne aso.”

Luka 23:50

Na tie, biaa bie bɔ bɛfrɛ ye Yosef bɔ ofi Yudafoɛ kuro Arimatea so, bɔ ɔte badwafoɛ nemɔ anu ko, bɔ ɔte sona paa ná ɔtengyɛ ɔ,

Yohane 7:12

Na mmenia nemɔ yɛle nwuhunwuhu pee bɛfale ye nwo. Ebiemɔ hane kyɛ, “Ɔte sona paa.” Yeɛ ebiemɔ koso nwa, “Daabi, ɔlakalaka mmenia.”

Asomafoɛ 11:21

Awurade gyinane bɛ si; na mmenia pee bɔ bele belili ne, bɛfale bɛ nwo bɛmane Awurade.

Asomafoɛ 2:4

Na Sunzum Krongron yili bɛ mukoraa bɛ nu tɛkyɛ, na bɛhyɛle ye bo bedwudwole edwudwolɛ foforɛ biemɔ, kyɛbɔ Sunzum ne fa mane bɛ kyɛ bɛhã ɔ.

Asomafoɛ 2:47

bɛkamvole Nyameɛ, na maen ne anu ama mukoraa hurole bɛ dwirɛ. Alehyeleɛ biala Awurade fale bɛ bɔ olele bɛ ngoa ne bokale bɛ so.

Asomafoɛ 24:16

Ɛhe ati, mmerɛ biala mebɔ mmɔden kyɛ me tiboa ngobua me foɛ wɔ Nyameɛ ne kuro sona nyunu ɔ.

Asomafoɛ 5:14

Nakoso mmienzua ne mmrasua pee bɔ belele Awurade belili ne hɔle so bokale agyidifoɛ fekue ne aso.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Asomafoɛ 6:5

Asomafoɛ nemɔ nzusuleɛ ne yɛle agyidifoɛ ne amu fɛ, yiti bɛyele Setefano bɔ gyidie ne Sunzum Krongron ayi ye tɛkyɛ, Filipo, Prokoro, Nikanɔ, Timon, Pamena yeɛ Amaenmaensoniɛ Nikolao bɔ ofi Antiokia ná koso wasɔ Yudasom nu ɔ.

Asomafoɛ 6:8

Setefano bɔ adom ne tumi ayi ye tɛkyɛ ne yɔle nzɛngyerɛnneɛ ne anwanwadeɛ wɔ maen ne anu.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Romanfoɛ 15:15

Nakoso atee bie aso de, masi m’ahone mahyerɛ mabrɛ ɛmɔ, kyɛ mefa mebɔ ɛmɔ ngayeɛ; ɔnate adom bɔ Nyameɛ wafa walo me ne ati,

Romanfoɛ 5:7

Ɔyɛ se kyɛ ebie kowu kɔma teneneeniɛ ɔ. Bɔ ɔte teneneeniɛ de, ebiaa ebie kosi ye ahone kyɛ okowu kɔma ye.