Asomafoɛ 11:18 - AHYERƐLƐ KRONGRON

¹⁸ Agyidifoɛ ne tele ye sɔ nen, banga ye nwo hwee ko, na bɛyele Nyameɛ ayɛ kyɛ, “Nzaade Nyameɛ ama Amaenmaensofoɛ koso adwenesakyera nwo ate bɔ ɔfa bɛ kɔ daa ngoa nu ɔ.”

Asomafoɛ 11:18 Iomraidhean Croise

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 60:21

Wɔ mmenia ne amukoraa bɛkɔyɛ teneneefoɛ, bɛkɔfa aseɛ ne bɛkɔyɛ bɛ deɛ afebɔɔ, bɛte bakaa bɔ malua bɔ wafefɛ ɔ, me sa noa adwuma bɔ ɔhyɛ me animnyam ɔ.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Hesekiel 36:26

Ngɔma ɛmɔ ahone foforɛ, ngɔfa sunzum foforɛ ngowura ɛmɔ nu; ngɔye nyɔboɛ ahone bɔ ɔwɔ ɛmɔ nu ne, na ngɔma ɛmɔ anwoɔnaen ahone.

Hesekiel 47:22

Odi kyɛ ɛmɔfa serewagualɛ so bɛkyɛ maa ɔyɛ ɛmɔ agyapadeɛ, ɛmɔ ne amanvrafoɛ bɔ baatena ɛmɔ nu ná bawowo mmaa bagua ɛmɔ nu ne. Odi kyɛ ɛmɔbu bɛ kyɛ Yisrael mmaa bɔ bɛwole bɛ maen ne anu ne ala. Bɛ ne ɛmɔ yeɛ bekonya agyapadeɛ wɔ Yisrael mmusua kure nu ɔ.

Sakaria 12:10

“Ngohwie ɛlolɛ ne sufrɛ sunzum ngogua Dawide awuro ama ne Yerusalemfoɛ so, amaa ɔnate so bafa bɛ nye bato me bɔ basina me ne aso; na bekosu ye kyɛbɔ sona su ye bahorɛ ɔ, yeɛ bekosu ye hahii kyɛbɔ sona sũ ye bamuɛbaa ɔ.

Mateo 9:8

Na ɛlɔen ne nwuni ye sɔ nen, ɔyɛle bɛ nwanwa, na bɛhyɛle Nyameɛ bɔ wafa sɔ tumi ne wama mmenia ne animnyam.

Asomafoɛ 11:1

Na asomafoɛ nemɔ ne aliɛmaa mɔ bɔ bɛwɔ Yudea ne bɛtele kyɛ Amaenmaensofoɛ nemɔ koso bale Nyameɛ dwirɛ ne bali.

Asomafoɛ 14:27

Beedwuli berɛ ne, bɛmane asɔre mma ne yiale, na bɛhane nikyee biala bɔ Nyameɛ afa bɛ so wayɔ ɔ behyirele bɛ, ɔne kyɛbɔ wasi wabukye gyidie anoa wama Amaenmaensofoɛ koso ɔ.

Asomafoɛ 15:3

Antiokia asɔremma ne guale bɛ ate; na bɛkɔ nen, bɛfale Fonikia ne Samaria bɛhane kyɛbɔ Amaenmaensofoɛ asi afa bɛ nwo ama Nyameɛ, na edwirɛ he mane agyidifoɛ ne amukoraa bɛ nye gyele paa.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Asomafoɛ 21:20

Na bɛtele sɔ ne, bɛyele Nyameɛ ayɛ; na besele ye kyɛ, “Aliɛmaa Pɔɔlo, tie yɛ e! Yudafoɛ pembepembe wɔ wa bɔ bayɛ agyidifoɛ ɔ, na bɛ mukoraa basɔ Mose mmeraa ne anu serɛserɛ.

Asomafoɛ 3:19

Sɔ ati ɛmɔsakyera ɛmɔ adwene na ɛmɔbra Nyameɛ berɛ, na ɔkɔfa ɛmɔ bɔne kɔhyɛ ɛmɔ.

Asomafoɛ 3:26

Ɛhe ati, Nyameɛ Somvoɛ bɔ ɔyele ye ne, ɔsomane ye maa olili moa wale ɛmɔ berɛ, kyɛ oyira ɛmɔ na ɔma ebiala hwe ye nwo fi ye bɔne nwo.”

Asomafoɛ 5:31

Ye yeɛ Nyameɛ mane ye so siele ye sa famaa so bɔle ye panyi, na ɔyɛle ye Ngoadefoɛ kyɛ ohyire Yisrael maen atee ma benya adwenesakyera na banya bɔnefakyɛ ɔ.

Romanfoɛ 9:30

Afei, yɛkɔhã ye sɛ? Amaenmaensofoɛ bɔ bandwene ye nwo le kyɛ bɛkɔpena tenenee si atee nen, bɛnate gyidie so banya tenenee.

2 Korintofoɛ 3:18

Baye yɛ mukoraa yɛ nyunu ngatanyunu ne, yiti yɛnwu Awurade animnyam ne kyɛ yɛnea neanu nu ɔ, na Awurade Sunzum ne gu so ɔsesã yɛ maa yɛnya ye sue ne bie yɛfi animnyam nu yahɔ animnyam nu.

2 Korintofoɛ 7:10

Aworabɔlɛ bɔ ɔnate Nyameɛ surolɛ so ba ne ma adwenesakyera bɔ ɔfa sona kɔ ngoalelɛ nu ɔ, na ɔmma sona nnu ye nwo. Nakoso ewiase aworabɔlɛ de ɔfa sona kɔ ewue nu.

Galatiafoɛ 1:24

Na ɔnate me ti bɛhyɛle Nyameɛ animnyam.

Yosua 22:30

Ɔsɔfo Finehase ne Yisrael mbanyi atitire, bɔ bɛlela Yisrael mmusua mɔ noa, bɔ bɛ ne ye hɔle ne, mmerɛ bɔ bɛtele edwirɛ bɔ Rubenfoɛ, Gadefoɛ ne Manasefoɛ hane nen, bɛ kunu dwole bɛ fɔnwoo.