Asomafoɛ 11:14 - AHYERƐLƐ KRONGRON

¹⁴ na ɔkɔhã edwirɛ kohyire wɔ bɔ ɔnate so ɛne w’awuro ama amukoraati ɛmɔkonya daa ngoa ɔ.’

Asomafoɛ 11:14 Iomraidhean Croise

Gyenesise 17:7

Ngɔyɛ m’apam maa ɔkɔyɛ apam afebɔɔ, bɔ ɔwɔ berɛ ma me ne wɔ ne kyẽa bie wɔ boso ama wɔ b’aworɛ ndoatoasoɛ mukoraa nu. Na ngɔyɛ wɔ ne kyẽa bie wɔ boso ama Nyameɛ.

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Edwein 103:17

Nakoso AWURADE ye ɔdɔ bɔ onni ngasi ne, ɔwɔ berɛ ofi tetetete bɔ ɔkwaadwu afebɔɔ ma bɛ bɔ besuro ye ɔ, na ye tenenee wɔ berɛ ma bɛ mma ne bɛ nnomaa mɔ;

Edwein 112:2

Ye boso ama kɔyɛ titire wɔ aseɛ ye aso; teneneeniɛ ye aworɛ ndoatoasoɛ konya saleɛ.

Anyandera 20:7

Teneneeniɛ ye bra te sannwuu, na ye mma konya saleɛ wɔ ye si.

Yeremia 32:39

Ngɔma bɛ ahone ko ne atee ko, amaa ɔnate so basuro me afebɔɔ, ɔnate bɛ bɔbɔ bɛ yeeyɛlɛ, ɔne kyẽa bie bɛ mma mɔ yeeyɛlɛ ti.

Marko 16:16

Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Luka 19:10

Na Sona Awa ne wale kyɛ ɔbaapena ná ode bɛ bɔ bamini ɔ.”

Yohane 12:50

Na mese kyɛ ye ahyɛdeɛ te daa ngoa. Yiti edwirɛ bɔ mekã ne, kyɛbɔ Baba ne ahã ahyire me ne, sɔ ala yeɛ mekã ɔ.”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 4:53

Na ye baba ne nwuni kyɛ sɔ mmerɛ ne ala yeɛ Yesu sele ye kyɛ, “Ɛwa ne ate apɔ” ɔ. Yiti ɔne ye awuroama amukoraa bele belili.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 10:43

Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 10:6

Ɔte Simɔn bie bɔ owura naen nwomaa ayire, bɔ ye awuro wɔ mboanoa ne berɛ.”

Asomafoɛ 11:13

Na ɔhã hyirele yɛ kyɛbɔ osi nwuni abɔfo bie kyɛ ogyi ye awuro berɛ, ná osele ye, Kɔneleo, kyɛ, ‘Soma mmenia ma bɛhɔ Yopa bɛɛfa Simɔn bie bɔ besa bɛfrɛ ye Petro ne bɛbra,

Asomafoɛ 16:15

Na ɔmaa bɛbɔle ye ne ye awuroama mukoraa asu beyiele nen, osele yɛ kyɛ, “Sɛ ɛmɔabu me kyɛ mede Awurade medi nahorɛ nu a, nzaade ɛmɔbra bɛɛtena m’awuro.” Na ɔhɔle so hane kyɛ yɛma yɛhɔ.

Asomafoɛ 18:8

Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.

Asomafoɛ 2:39

Ofikyɛ Nyameɛ anohoba ne wɔ berɛ ma ɛmɔ ne ɛmɔ mma ne bɛ bɔ bɛwɔ dedeede, ɔne ebiala bɔ Awurade, yɛ Nyameɛ, kɔfrɛ ye kɔwa ye berɛ ɔ.”

1 Korintofoɛ 1:16

Mekaye kyɛ mmɔle Setefana awuro ama koso asu; na mengaye kyɛ mmɔle ebiala asu mmokale bɛ so ɔ.