Asomafoɛ 11:12 - AHYERƐLƐ KRONGRON

¹² Na Sunzum ne hã hyirele me kyɛ me ne bɛ yɛhɔ, na nnɛmaa meyɛ nyeyemuɛ. Sɔ aliɛmaa nzia hemɔ koso bɛbokale me so yeɛ yɛhɔle biaa n’awuro berɛ ɔ.

Asomafoɛ 11:12 Iomraidhean Croise

Mateo 1:20

Na ogu so ɔfa ɛhe nwo adwene ne, Awurade abɔfo yele ye nwo ali hyirele ye wɔ laleɛ nu, na osele ye kyɛ, “Yosef, Dawide bosoniɛ, nnɛsuro kyɛ ɛkɔfa ɛye Maria ɛkɔwa w’awuro ɔ; ɔnate kyɛ bɔ ɔnwonzɛ ye ne ofi Sunzum Krongron nu.

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Asomafoɛ 1:15

Ngyẽa kãa bie asi ne, agyidifoɛ ne yiale, na né bɛte kɔyɛ ɛyaa ko ne aburanyɔ. Petro dwɔso gyinane b’afia na ɔhane kyɛ,

Asomafoɛ 10:23

Yiti Petro fale bɛ hɔle awuro, na ɔmaa besiele nningyein bɛmane ye. Na aleɛ hyene ne, Petro boaboale ye nwo ɔne bɛ hɔle; agyidifoɛ bɔ bɛwɔ Yopa ne bie koso ne ye hɔle.

Asomafoɛ 10:45

Na agyidifoɛ bɔ befi bienzuapɛlɛfoɛ nu bɔ bɛne Petro wale ne, ɔyɛle bɛ nwanwa kyɛ bahwie Sunzum Krongron akyɛdeɛ ne bagua Amaenmaensofoɛ mɔ koso so ɔ,

Asomafoɛ 11:13

Na ɔhã hyirele yɛ kyɛbɔ osi nwuni abɔfo bie kyɛ ogyi ye awuro berɛ, ná osele ye, Kɔneleo, kyɛ, ‘Soma mmenia ma bɛhɔ Yopa bɛɛfa Simɔn bie bɔ besa bɛfrɛ ye Petro ne bɛbra,

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 13:4

Sunzum Krongron ne somane Banaba ne Sɔɔlo nen, besili nu bɛhɔle Selukia, na bɛfale ɛlɛen befili berɛ bɛhɔle Kipro.

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 15:9

Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ.

Asomafoɛ 28:15

Rome agyidifoɛ tele yɛ nga nen, bɛwale tonn beeyiale yɛ wɔ Apeɔse dwaanu ɔne nekaa bie bɔ bɛfrɛ ye Ɛwɔfoɛ Sua Nza nu. Na Pɔɔlo nwuni bɛ ne, ɔlale Nyameɛ ase, na ɔmaa ye ahone tɔle ye kunu.

Asomafoɛ 8:29

Na Sunzum ne sele Filipo kyɛ, “Kɔ teaseɛnam ne anwo berɛ!”

Romanfoɛ 3:22

Nyameɛ nate sona gyidie bɔ ɔwɔ Yesu Kristo nu so yeɛ ɔfa siesie ye ne kuro sona afia ɔ, ɔnate kyɛ Nyameɛ nyɛ nyeyemuɛ.

2 Tɛsalonika 2:2

Nyekyire, anaa edwirɛ anaa krataa bɔ ebiemɔ nwa ofi yɛ berɛ ne, bɔ okyire kyɛ Awurade kyẽa ne wawa nen, nnɛmɔma ɛmɔ ti anu yɛ ɛmɔ kesenee ndɛndɛ wɔ ye nwo, anaa nnɛmɔma ɔha ɛmɔ.

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.