Asomafoɛ 10:9 - AHYERƐLƐ KRONGRON

⁹ Aleɛ hyene, na ɔbɔle kɔyɛ eyia duabien nen, né bɛwɔ atee so bɔ bapingye Yopa ɔ; na sɔ mmerɛ ne, Petro fole sua frɛtɛɛ so anwuro kyɛ ɔkwaabɔ mbaeɛ.

Asomafoɛ 10:9 Iomraidhean Croise

2 Samuel 11:2

Na ɛlɛho bie nɔsoa, Dawide dwɔsole fili nnaa nu. Né ɔnatenate ahemvie berɛ anwuro nekaa bie bɔ basamo so ɔ. Ogyi nzamsoɛ ne aso ne, onwuni kyɛ braa bie obia. Né braa ne nwo yɛ nyemene paa.

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Yeremia 19:13

Na Yerusalem awuro mɔ ne Yuda ahemvo mɔ awuro mɔ, bɛ nwo kogua fiɛ te kyɛ Tofete berɛ, ɔnate awuro amukoraa bɔ bayera ɛyɛɛ wɔ bɛ ti afia bama ewienu nzramaa amukoraa, ɔne anonneɛ afɔleɛ bɔ babɔ bama nyameɛ foforɛ mɔ ne ati.’ ”

Yeremia 32:29

Na Kaldeafoɛ bɔ bafa koɛ bateta kuro he ne, bɛkɔwa bɛkɔɔto kuro he anu see, na bɛkɔyera ye ne sua mɔ bɔ mmenia ayera ɛyɛɛ wɔ bɛ ti afia bama Baal, ná basa babɔ anonneɛ afɔleɛ wɔ bɛ ti afia bama nyameɛ foforɛ mɔ kyɛ bɛfa bewura me apue ne.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Sefania 1:5

yeɛ bɛ bɔ bɛsɔne anwuro abɔdeɛ mɔ wɔ sua ti afia; yeɛ bɛ bɔ bɛsɔne AWURADE bɛfa ye bɛta ndaen, nakoso bɛfa bosoen Milkom bɛta ndaen ɔ;

Mateo 20:5

Osa hɔle dwaaso dɔ kɔyɛ eyia duabien ne nnɔnmmiɛnza ɔɔyɔle sɔ ala.

Mateo 24:17

sona bɔ ɔwɔ sua ti afia ne, onni kyɛ odwu ase kyɛ ɔkwaafa nikyee biala fi ye awuro;

Mateo 27:45

Na ofi eyia duabien mmerɛ ne, awosii katale aseɛ so amukoraa maa ɔɔbɔle eyia nnɔnmmiɛnza.

Mateo 6:6

Na wɔ de, sɛ ɛ́bɔ mbaeɛ a, kɔ wɔ sua nu, to w’anoa ne anu, ná bɔ mbaeɛ kyire wɔ Baba bɔ ɔwɔ mvealeɛ nu ne, na wɔ Baba bɔ onwu mvealeɛ nu dwirɛ ne, ɔkɔma wɔ so akatuaa.

Marko 1:35

Na Yesu dwɔsole ngyerɛmɔ tutuutu ofitele, na oowurale nekaa bie konn ɔbɔle mbaeɛ.

Marko 6:46

Na oguale bɛ ate yiele nen, ɔhɔle bokaa bie aso ɔɔbɔle mbaeɛ.

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 6:4

na yɛ koso yanya mmerɛ yatu yɛ nwo yasie berɛ yama mbaeɛbɔlɛ ne nzɛmbahanɛ.”

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

1 Samuel 9:25

Na befili asɔneyɛɛ so dɔ bedwu bɛwale kuro ne anu ne, bɛtole Sɔɔlo mba wɔ sua ne aso nzamsoɛ ne aso maa ɔlale.