Asomafoɛ 10:45 - AHYERƐLƐ KRONGRON

⁴⁵ Na agyidifoɛ bɔ befi bienzuapɛlɛfoɛ nu bɔ bɛne Petro wale ne, ɔyɛle bɛ nwanwa kyɛ bahwie Sunzum Krongron akyɛdeɛ ne bagua Amaenmaensofoɛ mɔ koso so ɔ,

Asomafoɛ 10:45 Iomraidhean Croise

Asomafoɛ 10:23

Yiti Petro fale bɛ hɔle awuro, na ɔmaa besiele nningyein bɛmane ye. Na aleɛ hyene ne, Petro boaboale ye nwo ɔne bɛ hɔle; agyidifoɛ bɔ bɛwɔ Yopa ne bie koso ne ye hɔle.

Asomafoɛ 11:2

Yiti mmerɛ bɔ Petro wale Yerusalem nen, bɛ bɔ bɛte bienzuapɛlɛfoɛ nemɔ bɛne ye nyane dwudwolɛ

Asomafoɛ 11:3

kyɛ, “Nzu ati yeɛ ɛhɔle bɛmbɛ-bɛ-bienzuafoɛ nemɔ berɛ, ná ɛne bɛ sa didili ne!”

Asomafoɛ 2:33

Yiti Nyameɛ mane ye so hɔle ye sa famaa so; na onyane Sunzum Krongron bɔhyɛ ne fili Baba ne berɛ, na ɛhe yeɛ wahwie wagua yɛ so bɔ ɛmɔnwu ye ná ɛmɔte ye.

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.

Galatiafoɛ 2:15

Yɛ de, bɛwole yɛ Yudafoɛ, na bannwo yɛ Amaenmaensofoɛ bɔnefoɛ.

Ɛfesofoɛ 2:11

Yiti ɛ́mɔkaye kyɛ, daa ne, ahaa né ɛmɔte Amaenmaensofoɛ wɔ anwoɔnaen nu. Na bɛ bɔ bɛfrɛ bɛ nwo bienzuapɛlɛfoɛ, bɔ bɛ sa mbaen yeɛ bɛfa bɛpɛ ye anwoɔnaen nu ne, né bɛfrɛ ɛmɔ bɛmbɛ-bɛ-bienzuafoɛ.