Asomafoɛ 10:43 - AHYERƐLƐ KRONGRON

⁴³ Ye yeɛ Nyameɛ ngɔmhyɛlɛfoɛ ne amukoraa lili ye nwo adanzeɛ kyɛ ebiala bɔ ode ye di ne, ɔnate ye dumaa nu konya bɔnefakyɛ ɔ.”

Asomafoɛ 10:43 Iomraidhean Croise

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yeremia 31:34

Na ebiala ngohyirehyire obiɛngo ko, yeɛ ebiala ngose oliɛma kyɛ, ‘Nwu AWURADE,’ ofikyɛ ofi bɛ nu kwahweabaa so bɔ ɔkwaadwu bɛ nu titire paa so, bɛ mukoraa bekonwu me, AWURADE noa dwirɛ ɛne. Ofikyɛ ngɔfa b’amumuyɛɛ ngɔhyɛ bɛ, na mengɔkaye bɛ bɔne ko.”

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Mika 7:18

Nwa yeɛ ɔte Nyameɛ kyɛ wɔ, bɔ ɔfa amumuyɛɛ kyɛ, bɔ obu ye nye gua ye agyapadeɛ ngaa bɛ mmeraatolɛ so ɔ? Ɔmma ye yaafɛlɛ ndena berɛ afebɔɔ, ofikyɛ ye nye gye anwumvoinnwunɛ nwo.

Sakaria 13:1

“Sɔ kyẽa ne, bekobukye mbombonzue bɛkɔma Dawide awuro ama ne Yerusalemfoɛ bɛkɔfa bɛkɔte bɛ nwo bekofi bɔne ne efiɛ nwo.

Malaki 4:2

Nakoso ɛmɔ bɔ ɛmɔsuro me dumaa ne de, tenenee eyia bɔ anwonyerɛsalɛ wɔ ye ndaa nu ɔ okopukye kɔma ɛmɔ; na ɛmɔkofite bekohuru bɛkɔpepe kyɛ nandwie akrɔngrɔma mɔ bɔ babukye bɛ bafi bɛ tuin nu ɔ.

Marko 16:16

Sona bɔ okole koli ná bɛkɔbɔ ye asu nen, bekole ye ngoa; nakoso bɔ onne nni ne de, bekobua ye foɛ.

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 1:45

Filipo nwuni Nataneɛl, na osele ye kyɛ, “Bɔ Mose, wɔ mmeraa ne anu, ɔne bɔ ngɔmhyɛlɛfoɛ bɛhyerɛle ye nwo dwirɛ ne, yanwu ye: Yesu bɔ ofi Nasarɛte, Yosef awa ne.”

Yohane 20:31

Nakoso ɛhemɔ yeɛ bahyerɛ ɔ, kyɛbɔ ɛmɔkole bekoli kyɛ Yesu ole Kristo ne, Nyameɛ Awa ne, na ɛmɔde bedi a, ɛmɔanya ngoa wɔ ye dumaa nu.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Asomafoɛ 15:9

Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ.

Asomafoɛ 2:38

Na Petro buale bɛ kyɛ, “Ɛ́mɔsakyera ɛmɔ adwene ná ɛ́mɔma bɛbɔ ɛmɔ nu biala asu wɔ Yesu Kristo dumaa nu, ma ɛ́mɔnya bɔnefakyɛ; na ɛmɔkonya Sunzum Krongron akyɛdeɛ ne.

Asomafoɛ 26:18

Memaa ekobukye bɛ nye, ná ɛye bɛ fi awosii nu ba kanea nu, na ɛye bɛ fi Abɔnzam tumi bo ɛfa bɛ ba Nyameɛ berɛ; amaa banya bɔnefakyɛ, ne tenaberɛ wɔ bɛ bɔ bafa bɛ gyidie bɔ ɔwɔ me nu bate bɛ nwo nemɔ anu.’

Asomafoɛ 26:22

Nakoso Nyameɛ abɔ me nwo waen alaa maa waadwu ɛnɛ kyẽa ye; yiti yeɛ ɔmaa ngyi wa medi adanzeɛ mekyire mmenia mukoraa ɔ: atitire ne kwahweabaa mɔ. Na edwirɛ bɔ ngɔmhyɛlɛfoɛ ne Mose hã tole berɛ kyɛ okosi ne ala yeɛ mekã ɔ:

Asomafoɛ 3:16

Na ɔnate ye dumaa nu, ye dumaa nu gyidie so, yeɛ wama sɔ bubuaniɛ he bɔ ɛmɔnwu ye ná ɛmɔse ye ne wanya anwoserɛ ɔ. Amba, gyidie bɔ ɔnate Yesu so yeɛ wamaa wate apɔ bɔkɔɔ wɔ ɛmɔ amukoraa bɛ nyunu wa ye.

Asomafoɛ 3:18

Nyameɛ ama bɔ ɔfale ngɔmhyɛlɛfoɛ ne amu so ha tole berɛ daa tete ne kyɛ ye Kristo ne konwu amaneɛ ne awa nu.

Romanfoɛ 10:11

Na Ahyerɛlɛ ne kã kyɛ, “Ebiala bɔ ode ye di ne, ye nyunu ngogua ase.”

Romanfoɛ 3:21

Nakoso afei de, Nyameɛ ala ye tenenee ali bɔ wamva mmeraa ne aso ɔ; na mmeraa ne ne ngɔmhyɛlɛfoɛ nemɔ bedi ɛhe nwo adanzeɛ.

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

Romanfoɛ 8:34

Nwa yeɛ obua foɛ ɔ? Yesu Kristo bɔ owuli ná otingyele fili awufoɛ nu ne, bɔ ɔte Nyameɛ sa famaa so, bɔ ɔsrɛ ma yɛ ne.

Galatiafoɛ 3:22

Nakoso Ahyerɛlɛ ne kyire kyɛ abɔdeɛ mukoraa wura bɔne bo; kyɛbɔ ɔkɔyɛ ná bafa bɔhyɛ bɔ ogyi Yesu Kristo nu gyidie so ne bama agyidifoɛ ɔ.

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Kolosefoɛ 1:14

na ye nu yeɛ yanya ngoalelɛ bɔ ɔte bɔnefakyɛ ɔ.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.

Nyekyire 19:10

Yeɛ mvale me nyunu mmutuli ase wɔ ye gya bo kyɛ mesɔne ye, nakoso osele me kyɛ, “Nea, nnɛyɔ sɔ! Ofikyɛ me koso nde ebiɛngo akoaa, wɔ ne eliɛma mɔ bɔ betira Yesu adanzeɛ ne anu ne. Sɔne Nyameɛ! Ofikyɛ Yesu adanzeɛ ne, ye ole ngɔmhyɛlɛ sunzum ne.”