Asomafoɛ 10:4 - AHYERƐLƐ KRONGRON

⁴ Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 10:4 Iomraidhean Croise

2 Aberɛso Dwirɛ 32:24

Sɔ mmerɛ ne anu, anwonyerɛ bɔle Hesekia bɔ né ɔla awusu ɔ. Ɔbɔle mbaeɛ hyirele AWURADE. AWURADE tiele ye mbaeɛ ne, na ɔmane ye ɛhe anwo sɛngyerɛnneɛ bie.

2 Aberɛso Dwirɛ 6:33

ye de tie bɛ mbaeɛ wɔ nyameɛso, nekaa bɔ ɛte ne, na yɔ bɔ amanvrafoɛ nemɔ bɛkɔfa bɛkɔto wɔ nyunu amukoraati ma bɛ, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso, bekonwu kyɛ wɔ dumaa yeɛ ɔla sua bɔ masi ye aso ɔ.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Edwein 20:3

AWURADE ɔ́kaye w’afɔleɛ amukoraa, ná ɔ́ma ye nye sɔ wɔ naen yeralɛ afɔleɛ. Sela

Yesaya 43:26

Kaye me, maa yɛsu aporowaa; bɔ wɔ kuro ma bebua wɔ be.

Yesaya 45:19

Nna mvealeɛ nu yeɛ ndwudwole ɔ, nna aseɛ so nekaa bie bɔ ɔte awosii ɔ; manga mangyire Yakob boso ama kyɛ, ‘Odi kyɛ ɛmɔpena me si atee wɔ basabasayɔlɛ nu.’ Me ole AWURADE bɔ medwudwo nahorɛ nu ɔ, edwirɛ bɔ ɔtengyɛ yeɛ mekã ɔ.

Daniel 10:11

Na osele me kyɛ, “O Daniel, bɔ Nyameɛ kuro wɔ dwirɛ paa ɔ, tie edwirɛ bɔ mekã mekyire wɔ ye, ná dwɔso gyina berɛ, ofikyɛ basoma me wɔ berɛ.” Na ye noa wɔ so bɔ ɔkã sɔ dwirɛ ne kyire me nen, ndwɔso ngyinane berɛ bɔ né me nwo wosowoso me ɔ.

Lewitikɔso 2:2

ná ɔ́fa brɛ Aarɔn mma mmienzua nemɔ bɔ bɛ yeɛ bɛte asɔfo ne. Odi kyɛ ɔsa esam paa bɔ ngoo ne ɛyɛɛ fra ye ne ye sa bum ko, ná ɔsɔfo ne ɔ́yera kãa bɔ wasa ne wɔ afɔleɛ bokyea ne aso; ɔte afɔleɛ bɔ bɛbɔ ye see so bɛma AWURADE ná ɔbo ye fona ɔ.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Mateo 26:13

Nahorɛ nu, mekã mekyire ɛmɔ kyɛ, ewiase nekaa biala bɔ bɛkɔhã nzɛmba he nen, bɔ braa he ayɔ ne koso, bɛkɔhã bɛkɔfa bɛkɔyɛ ye ngayeɛ.”

Luka 1:29

Na edwirɛ ne hale ye paa, na ɔdwenene ye nwo kyɛ, “Nzikyɛ ahyebisalɛ ɛhe?”

Luka 24:5

Na ɛserɛ hane bɛ maa bɛfale bɛ nyunu bebutubutuli berɛ. Na mmienzua nemɔ bisale bɛ kyɛ, “Nzu ati yeɛ ɛmɔpena teasefoɛ wɔ awufoɛ nu ɔ?

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 14:9

Né otie edwirɛ bɔ Pɔɔlo ɔkã ne; na Pɔɔlo neane ye haa, na onwuni kyɛ biaa ne le gyidie kyɛ okonya ayaresa ɔ.

Asomafoɛ 22:10

Na mmisale kyɛ, ‘Awurade, nzikyɛ yeɛ nyɔ ɔ?’ Na Awurade sele me kyɛ, ‘Dwɔso na kɔ Damasko, na berɛ yeɛ bɛkɔhã nikyee biala bɔ Nyameɛ ahyehyɛ kyɛ ɛyɔ bekohyire wɔ ɔ.’

Asomafoɛ 3:4

Bɛneane ye haa, na Petro sele ye kyɛ, “Nea yɛ!”

Filipifoɛ 4:18

Manya pee, na manya ye mukoraa maa wabo so, ɔsone. Epafrodito afa ɛmɔ akyɛdeɛ bɔ ɛmɔfa manene ne wabrɛ me. Ɔte ayɛyɛdeɛ fonafona, afɔlebɔdeɛ bɔ Nyameɛ kuro ná ɔsɔ ye nye ɔ.

Filipifoɛ 4:6

Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Hebrifoɛ 13:16

Nnɛma ɛmɔbu ɛmɔ nye begua so kyɛ ɛmɔkɔyɔ paa ná ɛmɔkɔbokaboka bɛ nwo ɔ, ofikyɛ sɔ afɔleɛ nemɔ yeɛ ɔsɔ Nyameɛ nye ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Nyekyire 8:4

Na ɛyɛɛ nwosina ne, ɔbokale anwoteefoɛ mbaeɛ ne aso fili abɔfo ne sa nu fo hɔle Nyameɛ nyunu.

1 Samuel 3:10

AWURADE wale oogyinane berɛ. Na kyɛbɔ olili moa yɔle ne ala, ɔfrɛle kyɛ, “Samuel! Samuel!” Yeɛ Samuel surole kyɛ, “Dwudwo, na wɔ somvoɛ ótie.”