Asomafoɛ 10:22 - AHYERƐLƐ KRONGRON

²² Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 10:22 Iomraidhean Croise

Hosea 14:9

Nwa yeɛ ɔse nworɛ bɔ ɔte edwirɛ hemɔ abo ɔ? Nwa yeɛ ye adwene nu pi bɔ ole bɛ nwo nimdeɛ ɔ? Ofikyɛ AWURADE atee tengyɛ, teneneefoɛ kɔfa so, nakoso mmeraatolɛfoɛ de, bekofi ase wɔ so.

Habakuku 2:4

Tie, sona bɔ ɔte anwomasoɛ ne, ye kra ɔndengyɛ wɔ ye nu, nakoso teneneeniɛ de, ɔnate ye gyidie so yeɛ okonya ngoa ɔ.

Mateo 1:19

Né ohu Yosef te sona bɔ ɔtengyɛ ɔ, na né onguro kyɛ okogua Maria nyunu ase ne ati, ɔyɛle ye adwene kyɛ okoyira ye kudɛɛ.

Mateo 2:12

Né babɔ bɛ kɔkɔ wɔ laleɛ nu kyɛ nnɛmaa besa bɛkɔ Herode dɔ ko, yiti bɛfale atee foforɛ so besa bɛhɔle bɛ maen nu.

Marko 6:20

ɔnate kyɛ né Herode suro Yohane, ofikyɛ onwuni kyɛ Yohane te teneneeniɛ ne krongronniɛ. Yiti ɔbɔle Yohane nwo waen. Né Yohane noa dwirɛ ma Herode ye ti anu yɛ ye basaa; nakoso né okuro kyɛ otie ye noa dwirɛ ɔ.

Marko 8:38

Na sona biala bɔ me ne me dwirɛ nwo kɔyɛ ye nya wɔ sɔ agyaasɛkyelɛfoɛ ne bɔnefoɛ he anu ne, ye koso ye nwo kɔyɛ Sona Awa ne nya, wɔ kyẽa bɔ ɔne abɔfo krongron mɔ bɛkɔwa wɔ ye Baba animnyam nu ne.”

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Luka 23:50

Na tie, biaa bie bɔ bɛfrɛ ye Yosef bɔ ofi Yudafoɛ kuro Arimatea so, bɔ ɔte badwafoɛ nemɔ anu ko, bɔ ɔte sona paa ná ɔtengyɛ ɔ,

Luka 9:26

Na sona biala bɔ me ne me dwirɛ nwo kɔyɛ ye nya ne, ye koso ye nwo kɔyɛ Sona Awa ne nya, wɔ kyẽa bɔ ɔkɔwa ye animnyam nu, ye Baba animnyam nu, ɔne ye abɔfo krongron mɔ b’animnyam nu ne.

Yohane 13:20

Nahorɛ nu paa, mekã mekyire ɛmɔ kyɛ, ebiala bɔ ode sona bɔ mesoma ye nen, ode me; na ebiala bɔ ode me nen, ode bɔ ɔsomane me ne.”

Yohane 17:20

“Nna ɛhemɔ angome yeɛ mebɔ mbaeɛ mema bɛ ɔ, na mmom bɛ bɔ ɔnate bɛ dwirɛ so bekole me bekoli ne koso,

Yohane 17:8

ofikyɛ edwirɛ bɔ ɛfa mane me ne, mafa mama bɛ; na bɛ koso basɔ nu, na banwu ye amba kyɛ wɔ berɛ yeɛ mvi mmale ɔ, na bale bali kyɛ wɔ yeɛ ɛsomane me ɔ.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Asomafoɛ 10:2

Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:21

Yiti Petro dwu hɔle mmenia bɔ Kɔneleo somane bɛ wɔ ye berɛ nemɔ nwo berɛ, na osele kyɛ, “Me ole sona bɔ ɛmɔpena ye ne; ɛmɔ atee so?”

Asomafoɛ 10:30

Kɔneleo buale kyɛ, “Ɛlɛnna ɛhe, kɔyɛ bekye sɔa ala, né mebɔ mbaeɛ wɔ m’awuro wa eyia nnɔnmmiɛnza. Na nwuni bienzua bie bɔ owura ataadeɛ hyɛnn kyɛ ogyi me nyunu,

Asomafoɛ 10:33

Ɛhe ati berɛ ne ala nzomane kyɛ bɛɛfa wɔ bɛbra, na wɔ koso ayɔ nikyee kyɛ awa ɔ. Yiti kekesaala ye, yɛ mukoraa yayia Nyameɛ nyunu wɔ wa, kyɛ yɛbaatie nikyee biala bɔ Awurade ahyɛ wɔ kyɛ ɛha hyire yɛ ɔ.”

Asomafoɛ 10:6

Ɔte Simɔn bie bɔ owura naen nwomaa ayire, bɔ ye awuro wɔ mboanoa ne berɛ.”

Asomafoɛ 11:14

na ɔkɔhã edwirɛ kohyire wɔ bɔ ɔnate so ɛne w’awuro ama amukoraati ɛmɔkonya daa ngoa ɔ.’

Asomafoɛ 22:12

“Né biaa bie bɔ bɛfrɛ ye Anania, bɔ ɔte nyamesuroniɛ paa kyɛbɔ yɛ mmeraa si te ɔ wɔ kuro berɛ. Yudafoɛ mukoraa bɔ ye dumaa paa.

Asomafoɛ 24:15

Na anyelasoɛ komapɛ bɔ ɔla berɛ ma me wɔ Nyameɛ nu kyɛ mmenia mukoraa, teneneefoɛ ne bɔnefoɛ, kodwɔso kofi awufoɛ nu ne koso ala yeɛ ɔla berɛ ma bɛ ɔ.

Asomafoɛ 6:3

Yiti aliɛmaa mɔ, ɛmɔye ɛmɔ nu mmienzua nzoo bɔ ebiala bu bɛ, nworɛfoɛ bɔ Sunzum Krongron ayi bɛ tɛkyɛ, na yɛfa bɛ yɛsie sɔ adwuma he noa,

Romanfoɛ 1:17

Ofikyɛ nzɛmba ne kyire kyɛ, Nyameɛ siesie kuro sona ne ye afia maa bɛyɛ ko: na ɛhe gyi gyidie ngome so. Kyɛbɔ bahyerɛ kyɛ, “Teneneeniɛ de, ɔnate ye gyidie so yeɛ okonya ngoa ɔ.”

2 Korintofoɛ 5:18

Nyameɛ yeɛ wayɔ ɛhe amukoraa ɔ. Ɔnate Yesu Kristo so wafa yɛ wabata ye nwo, na wafa ngabonu he nwo dwumadie wawura yɛ sa:

Deuteronomi 30:13

Yeɛ ɔnne ɛpo asi dɔ, ná aha kyɛ, ‘Nwa yeɛ ɔkɔpɛ ɛpo ne kɔhɔ ye si kɔma yɛ, bɔ ɔkɔɔfa kɔbrɛ yɛ maa yɛkɔte ná yali so ɔ?’

1 Timoteo 3:7

Afei koso, ɔsɛ kyɛ ɔyɛ ebie bɔ mmenia bɔ bɛnne yeɛ fekue ne anu ɔ bɛbɔ ye dumaa paa ɔ, ná ye nyunu angua ase ma wandɔ abɔnzam ngaen nu.

Hebrifoɛ 10:38

Na teneneeniɛ de, ɔnate ye gyidie so yeɛ okonya ngoa ɔ; nakoso sɛ osa ye si de a, me kra nye ngɔgye ye nwo.”

Hebrifoɛ 11:2

Ofikyɛ, ɔnate gyidie so yeɛ daa ama mɔ sɔle Nyameɛ nye ɔ.

Hebrifoɛ 12:23

Ɛmɔawa Nyameɛ bamuɛbaa nemɔ bɔ bahyerɛ bɛ dumaa wɔ nyameɛso ne bɛ nyianu, ɔne Nyameɛ bɔ ɔte adasa mukoraa ndɛenbualɛniɛ ne berɛ, ɔne teneneefoɛ sunzum bɔ bali mu bayie nemɔ berɛ.

2 Petro 3:2

kyɛ, ɔsɛ kyɛ ɛmɔkaye edwirɛ mɔ bɔ ngɔmhyɛlɛfoɛ krongron nemɔ bɛhane ye daa ne, ɔne y’Awurade ne yɛ Ngoadefoɛ ahyɛdeɛ bɔ ɔfale yɛ bɔ yɛte ye asomafoɛ so wahã ne.

3 Yohane 1:12

Mmenia mukoraa di Demetrio nwo adanzeɛ paa, yeɛ ye yɔleɛ koso di ye nwo adanzeɛ paa. Yɛ koso yɛdi ye nwo adanzeɛ, na ɛmɔse kyɛ y’adanzeɛ ne te nahorɛ.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.