Asomafoɛ 10:2 - AHYERƐLƐ KRONGRON

² Ɔte nyamesuroniɛ bɔ ɔne ye awuro ama mukoraati besuro Nyameɛ ɔ. Osa yɔle adɔeɛ pee mane Yudafoɛ ehiafoɛ, na né ɔtaa bɔ mbaeɛ kyire Nyameɛ.

Asomafoɛ 10:2 Iomraidhean Croise

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

1 Ahemvo 8:43

ye de tie amanvraniɛ ne mbaeɛ wɔ nyameɛso, nekaa bɔ ɛte ne, ná yɔ bɔ ɔkɔfa kɔto wɔ nyunu amukoraati ma ye, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso bekonwu kyɛ wɔ dumaa yeɛ ɔla sua bɔ masi ye aso ɔ.

2 Aberɛso Dwirɛ 6:33

ye de tie bɛ mbaeɛ wɔ nyameɛso, nekaa bɔ ɛte ne, na yɔ bɔ amanvrafoɛ nemɔ bɛkɔfa bɛkɔto wɔ nyunu amukoraati ma bɛ, amaa aseɛ ye aso mmenia amukoraa bate wɔ dumaa ne nga ná basuro wɔ, kyɛbɔ wɔ maen Yisrael besuro wɔ ne. Ɔnate ɛhe aso, bekonwu kyɛ wɔ dumaa yeɛ ɔla sua bɔ masi ye aso ɔ.

YOB NWOMAA NE 1:1

Né biaa bie te Yuse aseɛ so. Ye dumaa li Yob. Sɔ biaa ne, né ye bra te sannwuu, na ɔtengyɛ. Ɔte sona bɔ né osuro Nyameɛ ɔ, na ɔhwene ye nwo fili bɔne nwo.

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

Edwein 102:15

Maen maen mɔ bekosuro wɔ dumaa ne, na aseɛ so ahemvo amukoraa bekosuro w’animnyam ne.

Edwein 119:2

Bɛ bɔ bedi ye noa dwirɛ so, ná bɛfa b’ahone amukoraa bedi ye si ne, benya saleɛ.

Edwein 25:5

Di me nyunu maa nnate wɔ nahorɛ ne anu, ná kyirekyire me, ofikyɛ wɔ yeɛ ɛte me ngoadefoɛ Nyameɛ ɔ; wɔ yeɛ me nye la wɔ so daa biala ɔ.

Edwein 41:1

Sona bɔ ɔdwene anwumvoinniɛ nwo ne, onya saleɛ. AWURADE pepɛ de ye wɔ ye amaneɛnwunɛ mmerɛ nu.

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Edwein 86:3

Ao AWURADE, nwu me anwumvoin, ofikyɛ wɔ yeɛ daa mesu mefrɛ wɔ ɔ.

Edwein 88:1

Ao AWURADE, me ngoadefoɛ Nyameɛ, mesu wɔ wɔ nyunu eyia ne kɔngɔen.

Nworɛ Dwirɛhanɛniɛ 7:18

Ɔte paa kyɛ ɛkɔsɔ foɛtulɛ bɔ oli moa ne anu, bɔ ɛngɔyakyi bɔ ɔtɔ so nyɔ ne koso anu ɔ. Ofikyɛ sona bɔ osuro Nyameɛ ne, ɔkɔhwe ye nwo kofi ye mukoraa nwo.

Yesaya 59:19

Yiti bekosuro AWURADE dumaa bekofi eyia atɔleɛ, yeɛ bekosuro ye animnyam bekofi eyia afiteleɛ, ofikyɛ ɔkɔwa kyɛ asue bɔ ɔsẽ wuruwuru bɔ AWURADE mvrama fa ye kɔ ɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Daniel 6:16

Yeɛ ɛhene ne hyɛle maa bɛɛfale Daniel bɛwale, na begyili ye bɛtole gyata mɔ tuin ne anu. Na ɛhene ne sele Daniel kyɛ, “Wɔ Nyameɛ bɔ ɛso ye daa ne, ɔpepɛ le wɔ!”

Daniel 6:20

Na opingyele tuin ne anwo berɛ nen, ole ahunundetelɛ teane nu frɛle Daniel, na osele Daniel kyɛ, “Daniel, Nyameɛ teasefoɛ somvoɛ ee, wɔ Nyameɛ bɔ ɛso ye daa ne, wahora wapepɛ wale wɔ wafi gyata nemɔ bɛ sa nu anaa?”

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Mateo 25:17

Sɔ ala yeɛ bɔ onyane talɛnde nyɔ ne koso onyane nyɔ bokale so ɔ.

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Luka 2:25

Na sɔ mmerɛ ne, né biaa bie bɔ bɛfrɛ ye Simeon ɔ ɔwɔ Yerusalem. Né ɔtengyɛ, yeɛ osuro Nyameɛ, na né ɔ́nwondɛ Yisrael aworakyekyerɛ ne, yeɛ afei né Sunzum Krongron wɔ ye so.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 10:31

na osele me kyɛ, ‘Kɔneleo, Nyameɛ ate wɔ mbaeɛbɔlɛ, na ye wora offili w’adɔeɛ bɔ ayɔ ama ehiafoɛ ɔ.

Asomafoɛ 10:35

na mmom maen biala nu, ebiala bɔ osuro ye, ná ɔyɔ bɔ ɔtengyɛ ne, ode ye to nu.

Asomafoɛ 10:4

Ɔfale esuronyi neane abɔfo ne haa na ɔhane kyɛ, “Yɛ mene, nzikyɛ dwirɛ ɔ?” Na obuale ye kyɛ, “Wɔ mbaeɛ ne w’adɔeɛ bɔ ayɔ ama ehiafoɛ ne adwu Nyameɛ nyunu, na ye wora offili wɔ.

Asomafoɛ 10:7

Na abɔfo ne dwudwo hyirele Kɔneleo yiele, ná ɔhɔle nen, Kɔneleo frɛle ye somvoɛ nemɔ anu nyɔ ne asraaniɛ nyamesuroniɛ ko bɔ ɔboka Kɔneleo somvoɛ nemɔ aso ɔ.

Asomafoɛ 11:14

na ɔkɔhã edwirɛ kohyire wɔ bɔ ɔnate so ɛne w’awuro ama amukoraati ɛmɔkonya daa ngoa ɔ.’

Asomafoɛ 13:16

Yiti Pɔɔlo dwɔso gyinane, ɔmane ye sa so hyirele kyɛ bɛyɛ dinn, na osele bɛ kyɛ, “Aliɛmaa mɔ Yisraelfoɛ ne Amaenmaensofoɛ mukoraa bɔ besuro Nyameɛ ɔ, ɛmɔyɛ asoɛ betie me!

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

Asomafoɛ 13:50

Nakoso mmrasua nyamesurofoɛ bɔ bɛ sa nu le bie, bɛne mmienzua atitire bɔ bɛwɔ kuro ne anu ne, Yudafoɛ nemɔ to guale bɛ so anu, na bɛmane mmenia tuli bɛ nye besiele Pɔɔlo ne Banaba so, na bɛfoane bɛ befili bɛ mbɔtam berɛ.

Asomafoɛ 18:8

Na Krispo, bɔ ɔte nyianu sua ne aso panyi ne, ɔne ye awuro ama mukoraa belele Awurade belili; yeɛ afei Korintofoɛ pee bɔ bɛtele Pɔɔlo dwirɛ ne koso, bele belili, na bɛ mukoraa bɛmaa bɛbɔle bɛ asu.

Asomafoɛ 2:5

Né Yudafoɛ nyamesurofoɛ biemɔ bɔ befi ewiase maen maen amukoraa nu te Yerusalem.

Asomafoɛ 22:12

“Né biaa bie bɔ bɛfrɛ ye Anania, bɔ ɔte nyamesuroniɛ paa kyɛbɔ yɛ mmeraa si te ɔ wɔ kuro berɛ. Yudafoɛ mukoraa bɔ ye dumaa paa.

Asomafoɛ 8:2

Nyamesurofoɛ biemɔ hɔle bɛɛfale Setefano besiele ye, na besuni ye paa.

Asomafoɛ 9:11

Na Awurade sele ye kyɛ, “Dwɔso kɔ borɔnoɛ bie bɔ bɛfrɛ ye ‘Turoloo’ ne aso, na kɔ Yudase awuro kɔpena biaa bie bɔ bɛfrɛ ye Sɔɔlo bɔ ofi Taaso. Sɔ Sɔɔlo ne gu so ɔbɔ mbaeɛ,

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.

Asomafoɛ 9:36

Né gyidiniɛ braa bie bɔ bɛfrɛ ye Tabita wɔ Yopa. (Hela dwudwolɛ nu, Tabita bo kyire Dɔkase, bɔ ye koso ye bo kyire wanzane). Braa he fale paayɛlɛ ne ehiafoɛ adɔeɛyɛlɛ yɛle ye adwuma.

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

1 Tɛsalonikafoɛ 5:17

nnɛma ɛmɔyakyi mbaeɛbɔlɛ le!

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

Nyekyire 15:4

O, Awurade, nwa yeɛ ongosuro wɔ ná ɔngɔhyɛ wɔ dumaa animnyam ɔ? Ofikyɛ wɔ ngome yeɛ ɛte krongron ɔ. Maen maen amukoraa kɔwa kɔɔkoto wɔ, ofikyɛ wɔ ndɛenbualɛ turoloo ne ala ali.”