Asomafoɛ 10:19 - AHYERƐLƐ KRONGRON

¹⁹ Na Petro gu so ɔdwenedwene nyekyire ne nwo nen, Sunzum ne sele ye kyɛ, “Nea, mmenia nza bie bɛpena wɔ.

Asomafoɛ 10:19 Iomraidhean Croise

Yohane 16:13

Na sɛ ye, nahorɛ Sunzum ne, ɔba a, okohyire ɛmɔ atee kɔhɔ nahorɛ ne amukoraa nu. Ofikyɛ ɔngɔfa ye bɔbɔ ye tumi yeɛ okodwudwo ɔ, na mmom edwirɛ biala bɔ ɔkɔte ne yeɛ ɔkɔhã ɔ, na ɔkɔla nningyein bɔ bɛbaasisi ɔ ali kohyire ɛmɔ.

Asomafoɛ 10:18

Na bɛfrɛle bebisale kyɛ, “Simɔn bie bɔ besa bɛfrɛ ye Petro ne, ɔte wa anaa?”

Asomafoɛ 10:3

Ɛlɛho bie eyia kɔyɛ nnɔnmmiɛnza onyane nyekyire. Nyameɛ abɔfo wale ye awuro na onwuni ye pefee. Na abɔfo ne bɔle ye dumaa kyɛ, “Kɔneleo!”

Asomafoɛ 11:12

Na Sunzum ne hã hyirele me kyɛ me ne bɛ yɛhɔ, na nnɛmaa meyɛ nyeyemuɛ. Sɔ aliɛmaa nzia hemɔ koso bɛbokale me so yeɛ yɛhɔle biaa n’awuro berɛ ɔ.

Asomafoɛ 13:2

Mmerɛ bɔ bɛwɔ so bɛsɔne Awurade na bɛyɔ akɔngyere ne, Sunzum Krongron ne sele bɛ kyɛ, “Ɛ́mɔye Banaba ne Sɔɔlo bɛma me ma bɛɛyɔ adwuma bɔ yiti yeɛ mmvrɛle bɛ ne.”

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 21:4

Yɛnwuni agyidifoɛ biemɔ berɛ, na yɛne bɛ yɛɛtenane ɛlɛsoo, na bɛfale Sunzum ne so bɛha behyirele Pɔɔlo kyɛ nnɛmaa ɔkɔ Yerusalem.

Asomafoɛ 8:29

Na Sunzum ne sele Filipo kyɛ, “Kɔ teaseɛnam ne anwo berɛ!”

1 Korintofoɛ 12:11

Sunzum komapɛ ne ala yeɛ ɔyɔ ɛhemɔ amukoraa ɔ, na ɔma ebiala akyɛdeɛ kyɛbɔ ye bɔbɔ okuro ɔ.

1 Timoteo 4:1

Sunzum ne kã ye pefee kyɛ mmerɛ bɔ oli nziɛ ne anu, ebiemɔ koli makyebu bekofi gyidie ne anwo bekooli ngondombo sunzum mɔ ne sunzummɔne mɔ ngyerɛkyerɛ si,