Asomafoɛ 10:11 - AHYERƐLƐ KRONGRON

¹¹ Na onwuni kyɛ anwuro abukye, na nikyee bie bɔ ɔte kyɛ nwera pirikua, bɔ basosɔ ye noa nna ne anu odwu ba ase ɔ.

Asomafoɛ 10:11 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Yesaya 43:6

Ngɔhã ngohyire sorɔ dɔ kyɛ, ‘Ma bɛ ate!’ Yeɛ ngɔhã ngohyire ngwaen dɔ kyɛ, ‘Nnɛsi bɛ ate!’ Fa me mma mmienzua mɔ fi dededede bra, ná fa me mma mmrasua mɔ fi aseɛ noa dɔ paa bra;

Yesaya 56:8

AWURADE Nyameɛ bɔ ɔboaboa Yisrael mmenia bɔ babɔ aya noa ne, ɔnwa nyoo: “Mmenia bɔ maboaboa bɛ noa mama ye ne, ngɔhɔ so ngɔboaboa ebieku noa ngɔboka ye so.”

Hesekiel 1:1

Na ɔwale kyɛ, afoɛ aburasa ne aso, bosome bɔ ɔtɔ so nna ne anu, ye elennu ne aso, mmerɛ bɔ né nwɔ mmenia bɔ bahye bɛ nnure nemɔ anu wɔ asue Kebare noa berɛ ne, nyameɛso bukyele, na nyane nyekyire nwuni Nyameɛ.

Mateo 8:11

Na mekã mekyire ɛmɔ kyɛ, mmenia pee kofi eyia afiteleɛ ne eyia atɔleɛ bɛkɔwa, na bɛ ne Abraham ne Yisake ne Yakob bɛkɔtena bekodidi wɔ nyameɛso ahennie ne anu.

Luka 3:21

Na ɔwale kyɛ, ɔbɔle mmenia ne amukoraa asu nen, ɔbɔle Yesu koso asu, na ɔ́bɔ mbaeɛ nen, anwuro bukyele,

Yohane 1:51

Na Yesu sele ye kyɛ, “Nahorɛ nu paa, mekã mekyire ɛmɔ kyɛ, ɛmɔkonwu kyɛ nyameɛso abukye, ná Nyameɛ abɔfo mɔ bɛ́fo na bédwu Sona Awa ne so ɔ.”

Yohane 11:52

nna kyɛ maen ne ngome, na mmom kyɛ ɔkɔboaboa Nyameɛ mma bɔ bato bapete aseɛ mɔ so noa ɔkɔyɛ bɛ mmenia ko ɔ.

Yohane 12:32

Na me de, sɛ bɛma me so befi aseɛ ye aso a, ngɔhwe mmenia mukoraa ngɔwa me nwo.”

Asomafoɛ 10:12

Né ngaka amukoraa nu bie wɔ nu, ndɔteboa ne bɛ bɔ bɛtwe bɛ nwo ase ne ewienu nnomaa.

Asomafoɛ 11:5

“Né nwɔ Yopa kuro nu mebɔ mbaeɛ, na ngɔle nyekyire tebea nu, na nyekyire nu, nwuni nikyee bie bɔ ɔte kyɛ nwera pirikua, bɔ basosɔ ye noa nna ne anu, bɔ odwu fi nyameɛso ba ase ɔ, na oogyinane me nwo berɛ.

Asomafoɛ 7:56

Na osele bɛ kyɛ, “Ɛmɔnea, menwu kyɛ anwuro abukye, na Sona Awa ne gyi Nyameɛ sa famaa so.”

Romanfoɛ 1:16

Na nzɛmba ne nwo nyɛ me nya, ofikyɛ ɔte Nyameɛ tumi bɔ ɔkɔ ngoalelɛ nu ma bɛ bɔ bede bedi amukoraa, Yudafoɛ yeɛ beli moa ɔ, yeɛ Amaenmaensofoɛ koso bɛtoa berɛ ɔ.

Romanfoɛ 9:4

Bɛte Yisraelfoɛ bɔ baayɛlɛ, animnyam, apam nemɔ, mmeraahyehyɛlɛ, ɛsɔnenɛ ne bɔhyɛ nemɔ bɛte bɛ deɛ ɔ.

Galatiafoɛ 2:15

Yɛ de, bɛwole yɛ Yudafoɛ, na bannwo yɛ Amaenmaensofoɛ bɔnefoɛ.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Ɛfesofoɛ 3:6

Na ɛhe ma Amaenmaensofoɛ koso bele kyɛfa wɔ nu, bɛwɔ nipadua komapɛ ne ala nu bie, na bɛnate nzɛmba ne aso banya kyɛfa wɔ ye bɔhyɛ ne anu wɔ Kristo Yesu nu.

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

Nyekyire 11:19

Afei bebukyele Nyameɛ asɔneyɛɛ sua ne wɔ nyameɛso, na benwuni ye apam alaka ne wɔ asɔneyɛɛ sua ne anu. Na agralaa tetele, komviɛ mɔ, ɔbobɔle nu kurudududu, aseɛ wosole, na asukɔtwea tɔle piri paa.

Nyekyire 19:11

Na nwuni kyɛ nyameɛso abukye, na yieee, pɔngɔ fufue bie yele ye ti. Na bɔ ɔte ye so ne, bɛfrɛ ye Kanayɔ ne Nahorɛniɛ, na tenenee nu yeɛ obua ndɛen ná ɔko koɛ ɔ.

Nyekyire 4:1

Na ɛhe asi ne, ndole me nye, na nwuni kyɛ babukye anoa bie wɔ nyameɛso. Na komviɛ bɔ nnili moa ndele bɔ ɔte kyɛ totorobɛndo bɔ odwudwu hyirele me, osele me kyɛ, “Fo bra anwuro wa, na ngohyire wɔ nningyein bɔ ɔsɛ kyɛ ɛhemɔ asi ne besisi ɔ.”