Asomafoɛ 10:10 - AHYERƐLƐ KRONGRON

¹⁰ Ɛhɔen huni ye bɔ né ɔpena nikyee kã ye noa ɔ; na begu so bɔ bɛto aleɛ ne nen, ngɔle nyekyire tebea nu.

Asomafoɛ 10:10 Iomraidhean Croise

Hesekiel 11:24

Yeɛ Sunzum ne mane me so, na ɔnate Nyameɛ Sunzum so, wɔ nyekyire nu, ɔfale me hɔle mmenia bɔ bahye bɛ nnure bahɔ Kaldea nemɔ berɛ. Na afei nyekyire bɔ nwuni ye ne, ofili me so hɔle anwuro.

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Numeri 24:16

sona bɔ ɔte Nyameɛ dwudwolɛ ne, ye ngɔmhyɛlɛ, sona bɔ ole Anwuro Anwuro Nyameɛ nwo nimdeɛ, ná onwu Tuminiɛ Nyameɛ ye nyekyire, sona bɔ ɔkata ye nye po a, ye nye nwu nikyee ne, ye ngɔmhyɛlɛ:

Numeri 24:4

sona bɔ ɔte Nyameɛ dwudwolɛ ne, ye ngɔmhyɛlɛ, bɔ onwu Ɛdangama ye nyekyire ne, bɔ ɔkata ye nye po a, ye nye nwu nikyee ne.

Mateo 21:18

Na ngyerɛmɔ ne, bɔ né Yesu osa ba kuro ne anu nen, né ɛhɔen ku ye.

Mateo 4:2

Ɔhyele hɔen eleburanna, eyia ne kɔngɔen, na ɛhɔen huni ye.

Asomafoɛ 11:5

“Né nwɔ Yopa kuro nu mebɔ mbaeɛ, na ngɔle nyekyire tebea nu, na nyekyire nu, nwuni nikyee bie bɔ ɔte kyɛ nwera pirikua, bɔ basosɔ ye noa nna ne anu, bɔ odwu fi nyameɛso ba ase ɔ, na oogyinane me nwo berɛ.

Asomafoɛ 22:17

“Na ɔwale kyɛ nza male Yerusalem ná mebɔ mbaeɛ wɔ asɔneyɛɛ sua nu ne, ngɔle nyekyire tebea nu.

Nyekyire 1:10

Né nwɔ Sunzum nu wɔ Awurade kyẽa ne, na ndele komviɛ piri bie wɔ me si dɔ, bɔ ɔte kyɛ totorobɛndo ɔ kyɛ,