Asomafoɛ 1:9 - AHYERƐLƐ KRONGRON

⁹ Na ɔhane ɛhe yiele, ná begu so bɛnea ye ne, bɛfale ye bɛhɔle nyameɛso, na munungum pɛle ye nwo yiale bɔ bannwu ye ko.

Asomafoɛ 1:9 Iomraidhean Croise

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Ɛksadɔso 19:9

Na AWURADE sele Mose kyɛ, “Tie, mebaafa munungum kumɔnn nu meba wɔ berɛ, amaa sɛ me ne wɔ dwudwo a, mmenia ne ate, ná daa biala bale wɔ bali.” Afei Mose hane mmenia nemɔ noa dwirɛ hyirele AWURADE.

Ɛksadɔso 34:5

Na AWURADE dwu wale ase wɔ munungum nu oogyinane ye nwo berɛ, na ɔbɔle ye bɔbɔ ye dumaa YAHWE (AWURADE) ne.

Yesaya 19:1

Misraim nwo nyekyire. Tie, AWURADE te munungum bɔ ye nwo yɛ nyera ɔ so ɔ́ba Misraim. Misraim mmosoen mɔ nwo kɔhã bɛ tɛtɛtɛtɛ wɔ ye nyunu, na ahunundetelɛ kɔtɔ Misraim so.

Daniel 7:13

Kɔngɔen nu nyekyire nemɔ anu, nwuni ebie bɔ ɔte kyɛ Sona Awa, kyɛ ɔnate nyameɛso munungum nu ɔba ɔ, ɔhɔle Bɔ Ɔwɔ Berɛ Fi Tetetete ne nwo berɛ, na bɛmaa ɔhɔle ye nyunu berɛ.

Marko 16:19

Na afei, Awurade Yesu dwudwo hyirele bɛ yiele nen, Nyameɛ fale ye hɔle nyameɛso, na ɔɔtenane Nyameɛ sa famaa so.

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Yohane 6:62

Né nzaade sɛ ɛmɔnwu Sona Awa ne kyɛ ɔ́kɔ anwuro, nekaa bɔ né ɔwɔ daa ne koso ɛ?

Asomafoɛ 1:11

na besele bɛ, “Galileafoɛ, nzu ati yeɛ ɛmɔgyi wa bɛnea anwuro ye? Yesu he ala bɔ bafa ye bafi ɛmɔ nwo bahɔ nyameɛso ne, kyɛbɔ ɛmɔnwu ye kyɛ ɔ́kɔ nyameɛso ne, sɔ ala yeɛ okosa kɔwa ɔ.”

Asomafoɛ 1:2

bɔ ɔkwaadwu kyẽa bɔ bɛfale ye bɛhɔle nyameɛso ɔ. Na anzana bɛbaafa ye bɛkɔ nyameɛso ne, ɔnate Sunzum Krongron so mane mmenia bɔ waneanea nu waye bɛ kyɛ ye asomafoɛ nemɔ ahyɛdeɛ.

1 Tɛsalonikafoɛ 4:17

na afei yɛ bɔ yɛte ase, bɔ yaha ne, ɔne bɛ koso, bɛkɔfa yɛ munungum nu maa yɛkooyia Awurade wɔ ewienu, na sɔ yeɛ yɛne Awurade kɔtena daa ɔ.

1 Timoteo 3:16

Aporowaa biala nne ye nwo kyɛ nyamesom nu mvealeɛ nu dwirɛ ne ɔte piri: Nyameɛ lale ye nwo ali anwoɔnaen nu, olili be wɔ Sunzum nu; abɔfo mɔ nwuni ye, bɛbɔle ye nwo dawure wɔ maen maen nu; belele ye belili wɔ wiase, na bɛfale ye bɛhɔle nyameɛso animnyam nu.

Nyekyire 1:7

Ɛmɔnea! Ɔnate munungum nu ɔ́ba, anyeɛ biala konwu ye, yeɛ bɛ bɔ bɛwɔle ye pealɛɛ ne po bekonwu ye; na ɔnate ye ti aseɛ so mmusua kure amukoraa bɛkɔbɔ awuye. Na sɔ ala yeɛ okosi ɔ. Amen.

Nyekyire 11:12

Na bɛtele kyɛ komviɛ piri bie fi nyameɛso odwudwo kyire bɛ kyɛ, “Ɛ́mɔfo bɛbra wa!” Na bɛfale munungum nu bɛfo bɛhɔle nyameɛso bɔ bɛ pɔfoɛ mɔ bɛ nye tua bɛ ɔ.

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.