Asomafoɛ 1:8 - AHYERƐLƐ KRONGRON

⁸ Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 1:8 Iomraidhean Croise

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 98:3

Wakaye ye ɔdɔ bɔ onni ngasi ne, ɔne ye nahorɛlilɛ bɔ wala ye ali wahyire Yisrael awuro ama ne. Aseɛ so nekaa amukoraa banwu yɛ Nyameɛ ye ngoalelɛ ne.

Yesaya 42:10

Ɛmɔ bɔ ɛmɔkɔ ɛpo, ɔne ɛpo nu nningyein amukoraa, yeɛ supɔ mɔ nu ama, ɛ́mɔto dwein foforɛ bɛ́ye AWURADE ayɛ, ɛ́mɔto ye ayɛyelɛ dwein ne béfi ewiase noa dɔ paa.

Yesaya 49:6

Ɔnwa nyoo: “Kyɛ ɛkɔyɛ me somvoɛ, kyɛ ɛkɔpagya Yakob mmusua kure nemɔ, ɔne kyɛ ɛkɔfa Yisraelfoɛ bɔ banya bɛ ti badidi nu ne ekosa kɔwa ne, aso ɔte adwuma ba? Ngosa ngɔfa wɔ ngɔyɛ kanea ngɔma maen maen mɔ, amaa ɔnate so ama me ngoalelɛ waadwu aseɛ so nekaa biala.”

Yesaya 52:10

AWURADE ala ye tumi krongron ne ali, wama maen maen mukoraa banwu ye, na aseɛ so nekaa biala konwu yɛ Nyameɛ ngoalelɛ ne.

Yesaya 66:19

Ngɔyɔ nzɛngyerɛnneɛ wɔ bɛ nu, na bɛ bɔ bekonya bɛ ti bekodidi nu ne, ngɔsoma bɛ maa bɛkɔhɔ maen maen mɔ berɛ: wɔ Tasise, Pule ne Lude bɔ bɛte agyaentolɛfoɛ ne, Tubal ne Yawan, dedeede supɔ mɔ bɔ bennya bɛttele me nga, bɔ bennya bennwuni m’animnyam ne; na bɛkɔɔbɔ m’animnyam nwo dawure wɔ maen maen mɔ so.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Mika 3:8

Nakoso me de, AWURADE Sunzum ama me tumi, wama ndɛenbualɛ turoloo ne anwoserɛ ayi me tɛkyɛ, kyɛ mva Yakob ye mmeraatolɛ ndo ye nyunu, ná mva Yisrael koso ye bɔne ndo ye nyunu.

Sakaria 4:6

Na obuale me kyɛ, “AWURADE dwirɛ bɔ ɔkã kyire Serubabɛl ole kyɛ: Nna anwoserɛ ɔ, yeɛ nna tumi ɔ, na mmom me Sunzum ɔ. Asafo AWURADE noa dwirɛ ɛne.

Mateo 24:14

Na bɛkɔhã ahennie ne nwo nzɛmba he wɔ ewiase amukoraa maa ɔkɔyɛ adanzeɛ kɔma maen maen amukoraa; koraka ná afei ayieleɛ ne awa.

Mateo 28:19

Yiti ɛmɔhɔ bɛɛyɛ maen maen mukoraa m’asuafoɛ, ná ɛ́mɔbɔ bɛ asu wɔ Baba ne, Baa ne ne Sunzum Krongron ne dumaa nu,

Marko 16:15

Na ɔhã hyirele bɛ kyɛ, “Ɛmɔhɔ wiase amukoraa bɛɛhã nzɛmba ne behyire abɔdeɛ amukoraa.

Luka 1:35

Na abɔfo ne buale ye kyɛ, “Sunzum Krongron ne kɔwa wɔ so, na Anwuro Anwuroniɛ ne, ye tumi komundu wɔ so; yiti baa krongron bɔ ɛkɔwo ye ne, bɛkɔfrɛ ye Nyameɛ Awa.

Luka 10:19

Ɛ́mɔtie, mama ɛmɔ tumi kyɛ ɛ́mɔtiatia ewoo mɔ ne anyanyangyeleɛ mɔ so, ɔne pɔfoɛ ne tumi amukoraa so; bɔ nikyee fee ngɔhora ngɔyɛ ɛmɔ ɔ.

Luka 24:29

na bɛsrɛle ye serɛserɛ so kyɛ, “Maa yɛla, na aleɛ adwo, ewienu pinipini.” Yiti ɔne bɛ bɛhɔle awuro kyɛ ɔne bɛ bɛkwaala berɛ.

Yohane 15:27

na ɛmɔ koso ɛmɔkoli adanzeɛ, ofikyɛ ɛmɔ ne me anate alaa fi ahyɛaseɛ ne.”

Asomafoɛ 1:22

fi Yohane asubɔlɛ ne aso kodwu kyẽa bɔ bɛfale Yesu befili yɛ wa bɛhɔle nyameɛso ne, ɔsɛ kyɛ bɛ nu ko baboka yɛ so maa yɛyɛ ye wutingyelɛ ne anwo adanzefoɛ.”

Asomafoɛ 1:5

Yohane de, ɔfale nzue yeɛ ɔbɔle asu ɔ; na ɛmɔ de, ɔngɔhyɛ biala Nyameɛ kɔfa Sunzum Krongron ne yeɛ ɔkɔbɔ ɛmɔ asu ɔ.”

Asomafoɛ 13:31

na ɔfale ngyẽa pee yele ye nwo ali hyirele bɛ bɔ bɛne ye fili Galilea bɛwale Yerusalem ne. Na sɔ mmenia ne te ye adanzefoɛ ma Yisraelfoɛ.

Asomafoɛ 2:32

“Nyameɛ atingye sɔ Yesu ne wafi ewue nu, na yɛ mukoraa yɛte ɛhe nwo adanzefoɛ.

Asomafoɛ 22:15

ɔnate kyɛ ɛkɔyɛ ye danzeniɛ nã ahã bɔ anwu ye ne bɔ ate ne ahyire mmenia mukoraa.

Asomafoɛ 3:15

Na ngoa Hene ne de, ɛmɔhuni ye; na ye yeɛ Nyameɛ tingyele ye fili awufoɛ nu ɔ, na yɛ yeɛ yɛte ye nwo adanzefoɛ ɔ.

Asomafoɛ 4:33

Asomafoɛ ne fale tumi so lili Awurade Yesu wutingyelɛ ne nwo adanzeɛ, na Nyameɛ hwiele adom pee guale bɛ mukoraa so.

Asomafoɛ 5:32

Na yɛne Sunzum Krongron ne bɔ ɔte Nyameɛ akyɛdeɛ ma bɛ bɔ bɛyɛ sotie bɛma Nyameɛ ne yɛte edwirɛ he nwo adanzefoɛ.”

Asomafoɛ 6:8

Setefano bɔ adom ne tumi ayi ye tɛkyɛ ne yɔle nzɛngyerɛnneɛ ne anwanwadeɛ wɔ maen ne anu.

Asomafoɛ 8:1

Sɔɔlo penene Setefano hunɛ ne aso. Na ofi sɔ kyẽa ne, bɛhyɛle ye bo kyɛ bɛtane asɔre ne nye anyeborolɛ so wɔ Yerusalem. Yiti agyidifoɛ nemɔ amukoraa bɛbɔle aya bɛhɔle Yudea ne Samaria mbɔtam, maa ɔhale asomafoɛ nemɔ ngome.

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

Romanfoɛ 15:19

nzɛngyerɛnneɛ ne anwanwadeɛ tumi so, Sunzum Krongron tumi so. Yiti mabɔ Kristo nzɛmba ne amukoraa nwo dawure mafi Yerusalem ne ye nwo nguro mɔ so maadwu Yilirikum.

Kolosefoɛ 1:23

Nakoso ɔsɛ kyɛ ɛmɔsɔ gyidie ne anu serɛ na ɛmɔahora bagyina pindinn. Na afei ɔnzɛ kyɛ ɛmɔtwe bɛ nwo befi nzɛmba ne anu anyelasoɛ nwo, na ɛhe yeɛ ɛmɔtele, bɔ babɔ ye nwo dawure bahyire abɔdeɛ mukoraa wɔ wiase, bɔ me Pɔɔlo nde ye nwo somvoɛ ye.