Asomafoɛ 1:7 - AHYERƐLƐ KRONGRON

⁷ Na Yesu buale bɛ kyɛ, “Me Baba bɔbɔ yeɛ ole ye tumi wahyehyɛ mmerɛ ne ngyẽa ɔ, na onhia kyɛ ɛmɔkonwu mmerɛ bɔ ɛhemɔ kosi ɔ.

Asomafoɛ 1:7 Iomraidhean Croise

YOB NWOMAA NE 24:1

“Tuminiɛ ne, nzu ati yeɛ ondu mmerɛ bie nzie berɛ mva mmua bɔnefoɛ mɔ ndɛen ɔ? Bɛ bɔ bedi ye dwirɛ so ne, nzu ati yeɛ bennwu ye ndɛenbualɛ mmerɛ ne ɔ?

Daniel 2:21

Ye yeɛ ɔsakyera mmerɛ ne ngyẽa nu ɔ, otu ahemvo mɔ bia so, yeɛ ɔfa ahemvo mɔ sie bia so; ɔma nworɛfoɛ benwu nworɛ, na ɔma bɛ bɔ b’adwene nu pi ɔ benya nimdeɛ;

Mateo 20:23

Yeɛ Yesu sele bɛ kyɛ, “Amba, ɛmɔkɔno me kulie ne (noa) de, [yeɛ asubɔlɛ bɔ bɛfa bɛbɔ me ne, ɛmɔkɔmaa bɛkɔfa bɛkɔbɔ ɛmɔ de,] nakoso bɔ ɔtena me sa famaa so ne me sa bɛen so de, nna me deɛ ɔ bɔ mefa mema ɔ; na mmom bɛkɔfa bɛkɔma bɛ bɔ me Baba asiesie ama bɛ ɔ.”

Mateo 24:36

“Na kyẽa ne ne dɔnhwere ne de, ebiala nze; nyameɛso abɔfo mɔ [anaa Baa ne] po nze, sana Baba ne ngome twe.

Marko 10:40

nakoso bɔ ɔtena me sa famaa so ne me sa bɛen so de, nna me deɛ ɔ bɔ mefa mema ɔ; na mmom bɛkɔfa bɛkɔma bɛ bɔ basiesie bama bɛ ɔ.”

Marko 13:32

“Nakoso kyẽa ne ne dɔnhwere ne de, ebiala nze, abɔfo mɔ bɔ bɛwɔ nyameɛso po bɛnze, yeɛ Baa ne koso nze, sana Baba ne ngome.

Luka 21:24

Bɛkɔtotɔ ngrandɛ noa, bɛkɔhye bɛ nnure bɛkɔhɔ maen maen mukoraa so; na Amaenmaensofoɛ kotiatia Yerusalem so koodwu kyɛ Amaenmaensofoɛ nemɔ bɛ mmerɛ ne kɔwa nu ɔ.

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,

Ɛfesofoɛ 1:10

Na sɔ nhyehyɛleɛ ne kyire kyɛ mmerɛ ne adwu kyɛ ɔkɔboaboa abɔdeɛ amukoraa bɔ bɛwɔ nyameɛso ne aseɛ so noa ɔkɔbɔ nu wɔ Kristo nu.

Deuteronomi 29:29

“Mvealeɛ nu dwirɛ te AWURADE yɛ Nyameɛ deɛ, nakoso edwirɛ bɔ wala ye ali ne de, ɔte yɛ ne yɛ mma mɔ deɛ afebɔɔ, amaa ɔnate so yali mmeraa he anu dwirɛ amukoraati so.

1 Timoteo 6:15

Na bɔ ɔkɔma ɛhe kɔla ali wɔ mmerɛ bɔ ɔsɛ ɔ nu ole saleɛniɛ ne Tuminiɛ komapɛ twe ne, ahemvo mɔ nu Hene ne meneɛ mɔ nu Meneɛ ne,

2 Timoteo 3:1

Nakoso kaye kyɛ, ayieleɛ mmerɛ ne, mmerɛ bɔ nu yɛ se ɔ kɔwa.