Asomafoɛ 1:6 - AHYERƐLƐ KRONGRON

⁶ Mmerɛ bɔ asomafoɛ nemɔ ne Yesu yiale ne, bebisale ye kyɛ, “Awurade, yiti mmerɛ he anu yeɛ ekosa kɔfa Ahennie ne kɔma Yisrael anaa?”

Asomafoɛ 1:6 Iomraidhean Croise

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Yesaya 1:26

Ngosa ngɔma wɔ maenbulɛfoɛ kyɛ daa ne ala, yeɛ foɛtulɛfoɛ koso, kyɛbɔ ahyɛaseɛ ne né ɔte ne ala. Na ɛhe asi ne, bɛkɔfrɛ wɔ tenenee kuro ne nahorɛlilɛ kuro.

Yeremia 33:26

ahaa ye de ngɔpo Yakob ne me somvoɛ Dawide bɛ boso ama, bɔ mengɔneanea nu mengɔye ye boso ama nemɔ anu ko maa ongoli hene wɔ Abraham, Yisake ne Yakob bɛ boso ama so ɔ. Ofikyɛ ngosa ngɔfa bɛ ngofi nnurehyelɛ nu ngɔwa, na ngonwu bɛ anwumvoin.”

Daniel 7:27

Na bɛkɔfa ahennie ne tumi ɔne ahennie mɔ bɛ tumi bɔ ɔwɔ anwuro amukoraa bo bɛkɔma Anwuro Anwuroniɛ n’anwoteefoɛ maen ne. Ye ahennie ne te ahennie afebɔɔ, na tumi amukoraa kɔso ye, ná bayɛ sotie bama ye.’

Hosea 3:4

Ofikyɛ Yisraelfoɛ kɔtena mmerɛ tendenn bɔ belle hene, bɔ belle dehyeɛ, bɔ bɛmmɔ afɔleɛ, bɔ belle amoen, bɔ belle asɔfo ataadeɛ ne abusua amoen ɔ,

Amose 9:11

“Sɔ kyẽa ne, Dawide ɛtena sua bɔ watɔ ase ne, ngɔpagya ngosie berɛ, na ngɔpomba ye nekaa bɔ wasunzua nemɔ; ngɔpagya bɔ wabubu wagua ase ne ngogyina berɛ, ná masa masi ye kyɛbɔ né ɔte daa tete ne ala;

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 17:11

Na obuale kyɛ, “Odi kyɛ Elia di moa ba amba, ná ɔbatoto nningyein mukoraa yé;

Mateo 20:21

Na Yesu bisale ye kyɛ, “Nzikyɛ yeɛ ɛpena ɔ?” Obuale ye kyɛ, “Hyɛ me bɔ kyɛ me mma nyɔ hemɔ, ko kɔtena wɔ sa famaa so, ná ko wora watena wɔ sa bɛen so wɔ w’ahennie ne anu.”

Mateo 24:3

Né Yesu te Olive Bokaa ne aso, na asuafoɛ nemɔ wale ye berɛ ahameɛ beesele ye kyɛ, “Kã kyire yɛ, kyinzu yeɛ ɛhemɔ bɛkɔwa nu ɔ? Na nzikyɛ yeɛ ɔkɔyɛ wɔ walɛ ne ne ewiase ayieleɛ ne nwo sɛngyerɛnneɛ?”

Marko 9:12

Na obuale bɛ kyɛ, “Elia kɔwa kɔɔtoto nningyein mukoraa yé amba de; nakoso bɔ bahyerɛ bafa Sona Awa ne nwo, kyɛ odi kyɛ onwu amaneɛ pee ná mmenia bu ye animtia ne koso ɛ?

Luka 17:20

Farasiifoɛ nemɔ bisale Yesu mmerɛ bɔ Nyameɛ ahennie ne kɔwa ɔ, na obuale bɛ kyɛ, “Nyameɛ ahennie ne, ɔmma bɔ mmenia bɛ nye tua ɔ;

Luka 19:11

Na mmerɛ bɔ begu so betie sɔ dwirɛ nemɔ nen, ɔtoale so buli bɛ anyandera, ofikyɛ né wapingye Yerusalem, yeɛ afei ɛlɔen ne susuli kyɛ Nyameɛ ahennie ne ɔbaaye ye nwo ali berɛ ne ala.

Luka 22:29

na kyɛbɔ me Baba afa ahennie ne wama me ne, sɔ ala yeɛ me koso mefa mema ɛmɔ ɔ,

Yohane 21:21

Na Petro nwuni ye nen, obisale Yesu kyɛ, “Awurade, na ɛhe koso de?”